¹ dukki banna pasiapage dou,dukki tokko badda kako patauna,daud na pangiddini yoab duguda atana monno ngaradukkana israel badda padukkayi ata amo kepunguwe raba.daud ianga ponni yerusalem. ² na dadiwe dukki mamale,na kedde daud wali padou beikana monno na kako ne togo istanana.bage,na iayata mawinne a riwwo wali togo ummana.na mawinne na madana . ³ bage,daud na pawede ata tubana na mawinne.linna na ata,''na mawinne ngiana betsyeba,anana eliam,ole ummana uria,ata het.'' ⁴ daud na pawede ata badda marengngani.ammini na mawinne barrana,bage na oleni.kamurrinage na mawinne na pawarrasa wekkina wali a najis,bage na bali ummana. ⁵ na patia na mawinne,bage pawede ata ba tekkinage daud linna,''patia guge.'' daud na beige tuadi we jalana ⁶ bage daud na pawede ata lai yoab,''pawedeya uria,nai ata het,kanna aroga.''bage,yoab na pawedeya uria banna aroni daud. ⁷ ammini uria lippa aroni daud,monno na tuaya daud tuabana yoab monno tubada tentara a patauna. ⁸ bage,daud linnani na uria,''kako ummamu monno basayi waimu.''makka,na kako uria wali istanana tokko,bage wai a padiaku monno ngiddi hadia a walina lai tokko. ⁹ akan tetapi,uria na dura ne aro binna istanana tokko oeldi ngaradukkada atana muarina.danna kakoma ummana. ¹⁰ da tekkinage daud lidda ,''uria danna kakoma ummana.''bage,daud na tuaya uria,''da bissi bali kaddomu wali kako?appa makka dou kakowa ummamu? ¹¹ uria na waleya daud,''tabut,ata israel,duguda ata yehuda da madaka ne karaka dana.muarigu yoab,duguda atana da oleni muarigu da rawina kariaka ne maredda dana.na bisa kaddowe bakku bali ummagu,bakku ngaa,ianu,monno dura oleni ole ummagu?demi muarikammu monno demi toumu dakku rawimagge ne a linnana!'' ¹² daud linnani uria,''madaka kia niiya nii loddo.kuaka ku pasellawu.''makka, na madaka uria nee yerusalem nee loddo.kuakanagege, ¹³ daud na pa ouni banna ngaa monno ianu dengngani,banna pamabukayya.a lousona uria dukki gedde na beika ne padou beikana,banna oledi atana muarina.bage,danna kakoma ummana. daud na kabbuge banna pamateya uria ¹⁴ ba neege,kuanagege,daud na tulisanni surata yoab,monno pangiddige lai uria. ¹⁵ na tulisawe ne surata linnawe,''tauya na uria ne aro,ne patau danana a bangngata.bage,mi gessurana wali barrana,gaimu kanna mate.'' ¹⁶ na dadiwe,dukki yoab banna kepunguwe kota,na pawedeya uria ne padou dappa paddena waidi gobba a kullisa. ¹⁷ da lousona yidda ata kota badda gobbani yoab,ba makka na mateyi waddeka tentara ana buana daud,na mate dommo uria,nai ata het. ¹⁸ bage,yoab na pawede ata ba tekkinage daud tuba kakonage ngaradukkanage patauna. ¹⁹ na parintayi ata papa wedena linna,''ba patekki kuawe kakonage ne patauna lai tokko, ²⁰ banna penne kowwe banina tokko monno ba linnako,'appa makka mi barra wage ne kota bei tauwe?dei paddemage ata ba waidi a panah ne togo temboka? ²¹ garra a pamateya abimelekh anana yerubeset? ba mawinne kaddona a possya watu wali togo temboka,ba makkana mate nee tebes?appa makkami barrawage ne temboka?'',makka mi panewe,'bahkan,atamu ,uria,ata het,bali matena.'' ²² na kako na ata papawede ba banna dukki,na tekki kuanage daud ngaradukka kuanage patekkina yoab. ²³ na panewe na ata papa wede lai daud,''karurunage yiddi ata da louka pakullisa wali lai yamme monno da lousona badda tauma nee maredda dana,tapi ma ruatiyi dukki nee binna tama. ²⁴ bage,a panah da panah kennayi atamu wali togo temboka,ba makkada mate pirra atamu muarigu.bahkan,atamu,uria,ata het na mate dommo.'' ²⁵ daud linani na papawede,''tekkinage yoab,'illana buttu kage atemu oro nage ne palakara,oronage pedang na ngaadi etti ata monno neya.pakitage pataumu lai ne kota monno paka issakage.'ne lummu bou pakullisanage atena.'' daud na dekeya batsyeba ²⁶ na rengngewe ole ummana uria,uria,laina banna mate.bage,na ngioni lai'na. ²⁷ lewatawe rasi mayilla, daud na pawede ngiddiya na mawinne ne ummana banna wai ole ummani .bage,na pa anani lakawa kabani tubana.namun,ne parawina daud na buakalawe ne arona Muori.