¹ ba neege na mate tokkoda ata amon,monno hanun ana'na keketaya banna dadi tokko banna siapaya. ² bage,linna daud,''ku bowowe oleni hanum anana nahas a linnana ole bali parawina amana barragu.''bage daud napangiddina panau na milla li lai pagawe-pagawena oronage banna mate amana.da kako pagawena daud nee negri ata amon. ³ bage,da panewe pemuka-pemuka ata amon ne lai hanum,muari'da,''pei linnawe pa iatamu,daud na paakani amamu oronage na pangiddina surata banna milla?daima maksud banna salikawe ne kota banna kapadage monno banna pa hancurage makka daud na pamaiyi pagawe-pagawena barramu? ⁴ bage,hanum na yoppayi pagawe-pagawena daud,na kikkiradadi waddeka wullu nguarada,tippu kadadi kababbeda wadde dukki tuba kereda ba makka na pawedeyi badda bali. ⁵ da tekkinage ne a dadi na daud ba makkana pawede ata banna tabbokayi oronage na pamakeeyi yidda ata.linna tokko,''madaka ne yerikho dukki banna tubbuyi wullu nguarami,ba makka piaku balimi.'' patauna gobbadi ata amon ⁶ da rengngewe ata amon banna benciyi daud,makka ata amon pawede kasiawa ata aram wali bet-rehob monno ata aram wali zoba duada kabullu rata ata pasukan a kako tana, wali tokko negri maakha rata ata,monno ata-ata tob kabullu duada rata ata. ⁷ na rengngewe daud,bage na pangiddini yoab monno ngaradukkada pasukanna a kullisa . ⁸ da kako ata amon,da aturaya barisan patauna ne aro binna tama.ata aram wali zoba,ata aram bet-rehob,monno ata tob monno maakha nee iakadi maredda dana. ⁹ yoab na iatawe ne patauna aron na ancamuya wali aro monno lira.bage,na pidiyi waddeka wali ata pa pidi israel monno aturaya barisan badda arodi ata aram. ¹⁰ bage,a louka wali rakyat na tauyi ne pakawasana abisai,allina,a aturaya barisanna ba arodi ata amon. ¹¹ bage,yoab na panewe,''badda louka pakullisako ata aram wali lai yauwa,mu giasa tulugamma.namun,ata amon badda louka pakullisako wali lai you ammi bakku tulugu. ¹² pakullisage atemu tuba bangsada monno tuba kota-kota Marobba Allah'da.Muori na rawige a dessa ne banna iatawe.'' ¹³ na kako yoab monno tentara a marengngani badda gobbadi ata aram,ba makka da kiadu wali arona. ¹⁴ ata amon da iatawe ata aram attidi a kiadu ba makka da kiadu wali arona abisai monno da tama ne kota dana,bage,na bali yoab ba banna arodi ata amon monno na dukki yerusalem. ata-ata aram da piatawe badda todo baliyi ¹⁵ na rengngewe ata aram na palu pakalayi ata israel.bage,da pakassa kuana. ¹⁶ hadadezer na pawedeyi kako ata aram a wainanee bali loko efrat badda kako patauna.dadukki nee helam,duguda sobakh a linnana panglima tentara hadadezer neeni aro. ¹⁷ ne adadi da tekkinage daud,ba makkana pakassa kuadi ata israel badda palani loko yordan,bage,da dukki nee helam.ata aram da aturaya barisan badda aroni daud monno patauna badda gobbani. ¹⁸ akan tetapi,da kiadu ata aram wali aroda ata israel,monno daud na pamateyi pittu ngasu dara karetada ata aram monno pata kabullu rata ata a waina dara.sobakh,panglima tentarana pakalaya,makkana mate nee bali. ¹⁹ dukki banna iata kuayi tokko,a madautani hadadezer,banna pakalaya ata israel,da rawige dame lai ata israel,pakitanagege ata aram da tuludi ata amon.