¹ waini iya ata a walina kabisu benyamin a ngarana kish,ana na abiel,ana na zeror,ana na bekhorat,ana na afia,wali paburruna benyamin.ata a kullisaya. ² ana a angarana saul,bua ata a manadana matana.daima lakka iyyako wali ata israel a louka pamanadana wali ngia.lakona madiatawe,loka pamadiata wali ata olena. ³ kish,amana saul,dadayi keledai-keledaina.makka,na panaewe kish lai ana na saul,''neeya marengngana ata olemu.sadia monno kako ngaddoyi keledai-keledai.'' ⁴ makka,da kako li letena efraim monno li tana salisa,tapi dadda sangngatamayi.bage,da li tana salim,tapi yidda keledai daimadi.kamurrinage,da liwe tana benyamin,tapi dadda sangngatamayi. ⁵ saul monno atana da dukki tana zuf,saul na panewe lai atana a diakuni,''mai katta bali.gaimu ama gu illa na pangedda'da loukayi etti keledai-keledai.'' ⁶ tapi ata na panewe,''riamana.rengnge,waini iya abdi Marobba Allah niiya.ngia ata papa akaya monno ngaradukka'da patekkina na dadiwe,neeya,kako nee bali,gaimu kanna tekkidani lara pali'da'' ⁷ saul na waleya ata'na,''tapi,batta kakoko,appa konna pangiddi dani?oronage,roti kantong dana'da bali dukka'da,monno dai kiama payadadi nai abdi Marobba Allah.appa kona a waina barrada,/'' ⁸ na ata na panewe kia lai saul,linna,''karurunage wai podi togo limmagu seperpata syikal perak a bisa payadani nai abdi Marobba Allah,gaimu kanna bowo dani lara.'' ⁹ a ullu,ne panewe ata israel,ne linnawe patekki'da ba waiko ata a kako dengngi pa bowo wali Marobba Allah,''mai katta kako lai ata a iata.''oronage,neeya yidda patekki padiawa,a ulluna tekkiyi a iata. ¹⁰ saul na waleya na atana ,''na dessawe patekkimu.mai katta kako.''makka,da kako nee kota padouna abdi Marobba Allah ¹¹ dukki badda pennege ne pakatiakala ne kota,da tabbokayi lakawa mawinne a lousona kako oke wee.da tuayi yidda lakawa mawinne,''wai a bisa pa iata nii ya? ¹² yidda lakawa mawinne da waleyi lidda,''waini,na waikadoni aromu.giasa kako neeya.oronage,nii loddo kako nage kota dana waige pakassana korban nii loddo tuba ata mangiada nee togo letena. ¹³ ba tamako kota ,makka mi patabboka dengngani ba danna penne po togo letena banna ngaa.oronage,ata mangiada dadda ngaa ma ba danna dukkiko,oronage ngiana a berkatiyi korban.ba neege, makka piaku ngaa'da ata pa bowo.nee kakomi,gaimu kei giasa patabboka dengngani.'' ¹⁴ makka,da penne ge nee kota monno tama nee tillu kota.ternyata,samuel a lousona patabboka dengngadi banna penne ne togo letena. ¹⁵ Muori bali tekkinanage samuel iya loddo ba danna maipo saul,linnani, ¹⁶ ''nii loddo,kuaka,ku pangiddini iya lakawa kabani a walina tana benyamin.mu urapugani kanna dadi tokko da umatu-Gu israel.na pamuarikayi umatu-Guwali togo limma'da ata filistin,oronage bali patiatigudi umatu-Gu pa dengngi'da bali dukki nage barra-Gu.'' ¹⁷ dukki samuel banna iataya saul,Muori na panewe barrana,''karurunage,na ngiadona ata patekki gugu.na ngiadona a terrege tampuk paparesa togo umatu-Gu.'' ¹⁸ saul na mai barrani samuel ne tillu binna tama monno linna,''tekkigage,giage ummana a iata?'' ¹⁹ samuel na waleya saul,linnani,''yauwa dona a iata.penne ullumi togo letena.kei ngaa dengngaga nii loddo,monno ku pasellami bei kako kuaka kabu gedde.monno,ngaradukka da a waina atedanamu ke tekki koguge. ²⁰ tuba keledai-keldaimu a dada selama touda loddo dukki neeya,illana susakawe atemu,oronage bali sangngatagudi.tapi,garra ko a douge ngaradukkana pa beida ata israel?'' ²¹ saul na wale monno linna,''yauwa ba ata benyaminmowa,''kabisu a kiina ne israel?ba olemogu a hina pongngu wali ngarradukkana paburruna kabisu benyamin?appa makka mu tekki wawe patekki a linnana barragu?'' ²² kamurrinage,samuel na marengngani saul monno atana tama nee aula monno ya padou aro ne aro'da ata pa bowo,kira-kira touda kabullu ata mangiadada. ²³ na panewe samuel barrada ata a patiina,''ya ga tuba a linnana tuba payagugumi,duguda tekki dage:boddalawe barramu.'' ²⁴ bage,na a patiina yawe kiangana monno tuba diata,monno tauwe arona saul.na panewe samuel,''karurunage ne a iangana tauwe aromu.ngaa ge,oronage ne urrata rawidage tubamu,dukki bakku panewe'ata mangiada bali bowo gudi.'''makka,saul na ngaa dengngani samuel nee loddo. ²⁵ kamurrinage,wali togo letena da burru kota dana.samuel na panewe dengngani saul nee togo baga ummana. ²⁶ da kedde kabu gedde banna ouda mata loddo,bage samuel na pa ouni saul nee togo ummana,linnani,''kedde ge,gaimu kakku pasellawu bou kako!''saul na kedde,yidda duada duguda samuel da kako bali gounga. ²⁷ da burru dukki nee watte kota,kamurrinage samuel linnani saul,''tekkinage na atamu,gaimu kanna kako ullu.tapi you,madaka belli gaimu kou rengngewe lii Marobba Allah.''