¹ daud monno atana badda dukki nee ziklag dukki loddo ke touda,ata amalek bali rampokadage neetana negeb monno ziklag.ziklag bali tunnu dage na padukkawe api. ² da dekeyi mawinne monno ngaradukkada a waina nee bali:a kawiada monno bua ata.dadda pamatemayi lakka iyyako monno dutuyi pakitage kakoda. ³ daud monno atana badda dukkige ne kota,bali tunnu dage na padukkawe api,ole umma monno ana kabani ana mawinne'da bali dekedadi. ⁴ bage,na ngio daud monno ata marengngana da milla takka,dukki ba dadda kullisa kia pa ngio. ⁵ duada ole ummana daud da deke dommoyi,nai ahinoam,mawinne yizreel,monno abigail,ole umma ulluna nabal,ata karmel. ⁶ daud na pakapidusa oronage ata lidda da possaya watu.da parutana oronage yidda ata na karuddukayi ate'da,iyya monno iyya oro ana kabani'da monno oro ana mawinne'da.tapi,daud na pakullisage atena lai Muori marobba Allah. ⁷ kamurrinage daud na pawedeya rato abyatar,ana na ahimelekh,''ngiddiwe ne efod barragu.''bage abyatar na ngiddinage ne efod. ⁸ daud na tuaya Muori,linna,''ku ruti poyi etti ata?ku diakudi?''na waleya,''ruatiyi,oronage karurunage mu diakudi monno pasellayi payoppada.'' daud na sangngataya ata mesir ⁹ bage,na kako daud,ngia monno enne ngasu ata a diakuni.bage da dukki barra loko besor,a nena lira da ngau nee bali. ¹⁰ daud na pakitage banna ruatiyi marengngadi pata ngasu ata,duada ngasu ata da duali badda palani na loko besor iangadi badda madaka. ¹¹ bage da tabbokaya ata mesir ne maredda dana,bage da marengngani lai daud.da yani roti,bage na ngaa ge,da yani wee na ianu. ¹² da ya dommoni kadippuka kababa ara monno duada kababa kismis.ba banna ngaa,na kullisa bali,oronage daima pangaa monnno pa ianu waina selama touda loddo touda gedde. ¹³ bage,daud na tuaya,''garragu monno giawali ngiamau?''na wale,''yauwa ata mesiruwa,atana amalek.muarigu na gaiga oronage ba iangaga a kadawwuka touda loddo patalira. ¹⁴ bali rampokamage tana negeb ata kreti,rampokawe padouda ata yehuda,duguda rampokawe tana negeb kaleb.ziklag bali tunnu dommo mage na padukkawe api.'' ¹⁵ bage daud na tuaya,''mu bisa pa bowo ya lara a saga etti lai ata mangiada?''na wale,''mu aura demi Marobba Allah ba dou pamatemawa monno dou yamawa togo limmana muarigu,monno ku bowoya lara a sagana lai ata mangiada.'' daud na pakalayi ata amalek ¹⁶ bage na ata mesir na bowo danni lara,monno da iatayi ata badda matallara ne mgaradukkanage daerah badda ngaa,ianu,monno rawige urruta togo ngaradukka'da pa deke'da wali tana ata filistin monno tana yehuda. ¹⁷ kuakanagege daud na tamadi wali kabu gede kii dukki banna tama mata loddo.karurunage,daima iyya ata a muariaka wali yidda kecuali yidda pata ngasu ata bua mane a kiadu a kalete unta. ¹⁸ kamurrinage ge daud na pasella kuayi ngaradukka'da pa deke'da ata amalek.daud na pasella dommoyi dua ole ummana. ¹⁹ daima a dada wali lai yidda,wali a kiina dukki a kaladana,lakawa kabani monno lakawa mawinne.monno barang-barang jarahan dukki ngaradukka'da bali pa deke'da,ngaradukka kuada na pabali'di daud. ²⁰ kamurrinage daud na deke kuayikamiaka bebe monno lembu.na dutuyi yidda ranga ne aro'na,linna,''yidda ngiayi jarahannna daud.'' ngaradukka'da ata da kolena douda a miarana ²¹ bage,daud na dukkidi duada ngasu ata a duali oro badda diakuni,a ngau nee barra liko besor.da louson badda diakuni daud monno diakudi ata pamarengngana.daud na kako barradi yidda ata bage na yadi salam. ²² da panewe yidd ngaradukkada ata a buakala monno ata a dursila ne barrada ata a kako diakuni daud lidda:''ba dadda kako mo pa diakugu, illamu yakadi jarahan pa koleda,kecuali ole umma monno ana'da.ngiddiyi monno kako.'' ²³ tapi,daud na wale,''illa limmikanna appanadi bali payana Muori,du ole dadigu.ngia bali koro gollunada monno na yadadi yidda ata a todo da ne limma dana'da. ²⁴ garra a rengnge we ne palakara?oronage,douda ata a kako patauna monno douda ata a madaka bagi pamiara kuadi.'' ²⁵ ne linnawe,wali nee monno pakitanage,ne da rawige banna dadiwe a tetapu tuba ata israel dukki neeya. ²⁶ daud na dukki nee ziklag bage na pangiddidi lai rato nee yehuda monno lai olena,duguda na panau,''yidda ngiayi payada gimmi wali barang jarahan padeke wali lai gobbana Muori, ²⁷ tubada nee betel,a neena ramot tana selatan,monno a neena yatir, ²⁸ a nee'na aroer,a neena sifmot,a neena estemoa. ²⁹ tuba'da a neena rakhal,lai kota-kota ata yerahmeel,monno lai kota-kota ata keni. ³⁰ tubada homa,tubada bor-asan,tubada atakh, ³¹ monno tubada hebron.monno,ngaradukkada padou pa lina daud monno olena.