1
ata filistin pakassadi tentara na tuba ba patauna.da pakassana nee sokho,a neena tana yehuda,monno rawina kariaka nee barra sokho monno azeka nee efes-damin.
2
saul monno ata israel da pakassana nee tarbantin.da aturayi barisan patauna badda aro'di ata filistin.
3
ata filistin da pakassana nee iyya letena ba neege ata israel da pakassana nee iyya letena,monno waige ngaba ne tilluna.
4
na lousona iyya pendekar tentara'da ata filistin,a ngarana goliat wali gat.enne hasta iyya paga.
5
ketopong tembaga waige togo katuawana monno na waina kalabbe zirah a patara.buatonage kalabbe zirahna limma rata syikal tembaga.
6
tuadi wai patauna wali da tembaga,monno nobbu tembaga waidi togoo lakona.
7
ullu nobbuna miaranadi pesa tukang tenun,monno mata nobbuna buatonage enne ngasu syikal bessi,monno a ngiddi perisai kako arona.
8
na dede mono kawuladi ata israel,linna banna panewe,''appa makka mi lousowana monno aturaya baris patauna?dei paddemaga ba ata filistinwa monno yemmi atanagimi saul?pidi iya ata kanna mai nemmi aroga.
9
banna bisako papa tauna banna gobbaga monno banna pakalakowa,ma dadi amo atami.bakku pakalakoya ,yemmi a dadi atama monno mi patooma.''
10
na ata filistin linna dommo,''ku tantanguyi barisan'da ata israel nii loddo.ya iyya kadda patauna gobba ni iyya.''
11
ne patekkina ata filistin na rengngewe saul monno ata israel.danna kadennamawe ate'da monno da madauta.
daud na kako aro patauna
12
daud ana kabaninani ata a walina efrata nee betlehem-yehuda,a ngarana isai,a mangu anana paddo kabani.rasina saul,bali kawiadana monno tutu umurana.
13
touda ana'na isai da kako a kaladana da kako diakuni saul ba patauna.ngara'da touda ana na a kako patauna eliab,a kawungnga,a ke duada abinadab,monno a ke touda syama.
14
Daud ngiana ana kamurrina,monno touda ana'na a kaladana kako diakuni saul.
15
daud na bali pakita wali lai saul banna dawa kamiaka bebe'na ama'na nee betlehem.
16
dukki kabu gedde da burruyi ata filistin monno dukki mamale.da burru selama pata kabullu loddo madoinage.
17
isai linnani daud,ana'na,''neeya deke tuba'da kaamu efa bartih gandum yidda monno kabullu roti.ngettana ngiddiyi nee kariaka dana tuba'da kaamu.
18
monno,padukkidi yidda kabullu keju lai kapala pasukanrata.patiatidi kaamu badda muarikakadona monno ngiddi iyya tada.
19
saul monno yidda duguda ngaradukka'da ata israel nee di lembah tarbantin,patauna gobbadi ata filistin.
20
kuakanage daud na kedde kabu gedde,duddakadi kamiaka bebena lai iyya ata a dawayi,bage na keketayi pa ailana monno kako a linnana papa wedenani isai.na dukki nee kariaka dana,tentara badda lousona barrana badda aturaya barisan monno da payawouna tuba badda patauna.
21
ata israel monno pasukanisrael aturaya barisan,barisan patabbokana barisan.
22
bage daud na gaidi baranguna barrada ata a dawa barang,bage na malle ne barisan patauna.dukki nee bali,na tuayi kaa'na
23
dukki ba nee poni a panewe dengngadi na iataya na kabani pendekar na ouda wali barisan ata filistin.goliat ya ngarana,ata filistin wali gat.na tekkiwe hal-hal nenana,monno na rengngeya daud.
24
ngaradukka'da ata israel da iataya na ata,da kiadu wali arona badda madauta.
25
da panewe yidda ata israel,''ku iataya na ata a mai?karurunage mainage banna kamelodi ata israel.tokko a pakalaya yani pote kalada,ana mawinnena na yanani monno du ole dadina yadi bebasa nee israel.''
26
daud na tuayi ata a dede barra'na,linna,''appa kona parawidani na ata a pakalaya na ata filistin,a pamarroge makke wali lai ata israel?karurunage,garrani na ata filistin a idda burru maredda,sampe banna hinayi barisan Marobba Allah a muarika?''
27
rakyat da walenage pa tekkina nenana,linna,''linna dowe parawina lai ata a pakalaya.''
28
eliab,kakana a matto ullu,na rengngewe patekkina na ata,bage na keddewe banina lai daud.linna,''appa makka mu maiwa nii?garra lai dou gaimudi duada touda kamiaka bebe ne maredda dana?ku paddege kiddika wekkimu monno buakala atemu,ba makkamu mai bou patiatige ne patauna.''
29
daud na wale,''appa na parawigu?oronage,tuakadoguge ne a dadi.''
30
na kabali wali barrana lai ata waddeka,monno na tua dommowe a miarana.makka,rakyat da waleya a linna dommona
31
rengngewe ne patekkidani daud monno tekkinage saul,bage pa ouni.
32
linna daud lai saul,''daikana iyya ata a kiina atena orona.na atamu na kako gobbani na ata filistin.''
33
saul na waleya daud,'dou paddema pa gobbani na ata filistin,bou pakalaya ne arona.oronage,mu kiipona,ba ngia prajurituya wali ba bua atapoya.''
34
daud na waleya saul,''na atamu na muaraika waina banna dawa kamiaka bebe'na ama'na.ba ammiko singa atau beruang a yoppa nadi kamiakana,
35
ku kako ruatiyi monno paluya gaimu kanna pasellaya wali ngada danana.banna dede ko banna pariama,ku yoppanadi wullu nguarana bakku paluya monno pamateya.
36
lakka singa atau beruang bali pakalanadi na atamu,na ata filistin aidda burru maredda na dadipo a linnana ranga.oronage,bali kamaelonadi barisan Marobba Allah a muarika.''
37
linna kia daud,''Muori a pasellawa wali darreka singa monno darreka beruang,ngia dommo a pasellawa wali togo limmana na ata filistin.''saul linnani daud,''kakoge!Muori na palolo dengngagu!''
38
kamurrinage saul na taunadi kalabbe papa tauwaina lai daud.na taunage ketopong tembaga togo katuawana monno taunage kalabbe zirahna.
39
daud na tauwe pedang bali kalabbena patauna bage na nungnga pa kako,oronage danna nungnga pomawe ne kalabbe.daud linnani saul,;;dakku bisama pa kako waidi yidda,oronage dakku pernapoma pa waidi.''bage daud na kaidi yidda kalabbe wali togo wekkina.
40
kamurrinage daud na ngiddiya tokko togo limmana,bage na pitoyi limma watu a tamellusa wali loko dana na tauyi saku danana pawai duana banna kako dawa ranga,padou tau duana watu.duguda umban togo limmana,na barrani na ata filistin.
daud na pamateya goliat
41
na ata filistin na kako pakita barra'na daud,ata a ngiddinadi paerisaina needi arona.
42
na ata filistin na patiatini daud,bage na kameloni oronage ba bua ata poya,na rarage wekkina monno na manadage matana.
43
na ata filistin linnani daud,''boggawa makka mu mai barragu waina tokko?''bage,na ata filistin na kutukaya daud demi allana.
44
na ata filistin linnani daud,ku yaguge kanaamu lai kei a wurruna monno lai ranga maredda dana.''
45
daud na waleya na ata filistin,''you mu mai barragu waina teko,nobbu,monno lembig.tapi ku mai barramu waige ngara-Na Muori,ponnutana,Marobba Allah barisan ata israel pa tantangumu.
46
nii loddo dommo,you na yawu Muori limma danagu.ku pakalawu monno kottasaguge katuawamu.ku yaya mayatumu monno tentara-tentara filistin nii loddo lai keila a wurruna monno lai ranga matobba kadawu dana,gaimu ngaradukkana [onnutana kadda paddege ba waini Marobba Allah tuba'da israel.
47
monno,gaimu ngaradukka'da umat kadda paddege da waima gugu teko atau nobbu Muori a patulu,oronage,Muori ngiana a patauna monno yawu togo limmama.''
48
ba neege,na kedde na ata filistin banna mai barra aroni daud.daud na giasa pamalle nee barisan gobba banna gobbani na ata filistin.
49
bage daud na patamani limmana saku danadekeya iyya watu,bage na umban ya,monnokenna nage kuaba matana na ata filistin.na matane na watu kuaba mata danana,monno na kaboula togo tana.
50
ne linna dowe daud banna pakalaya ata filistin banna waini kapetti monno watu.daud na pakala monno pamateya na ata filistin daima pedang togo limmana.
51
daud na malle dukkini na ata filistin,bage na dede barra'na.na dekenage pedanguna,na tengngiwe wali wanno dananage na padukkaya monno kainage katuawana.dukki ata filistin badda iataya a kapaladi banna mate atti di a kiadu.
52
ammidi ata israel monno ata yahudi da paya wouna badda ruatiyi ata filistin dukki nee gat monno dukki binna tama ekron.ata filistin da mate kua ne lara dana saaraim,dukki gat monno dukki ekron.
53
bage,da bali ata israel wali pa ruatiyi ata filistin,da dekeyi kariaka'da.
54
daud na dekewe katuawana ata filistin,monno ngiddiwe nee yerusalem.tapi,senjatana na gaige kariaka dana.
saul mulai ammini a madautani saul
55
dukki saul banna iataya daud ba attini a aroni ata filistin,na tuaya abner,panglima tentara'na,''garra ana nani na bua mane,abner?''abner na wale,''karuruna Muorigu a muarika,ya tokko,dakku paddemani.''
56
raja na panewe,''kakou tuaya,garra ananani na bua mane.''
57
dukki dud banna bali ba papakalaya ata filistin,abner na pa ouni monno ngiddiya banna aroni saul,ne katuawana ata filistin iangage pa terrena.
58
saul na tuaya,''garra ananagu you,hai bua mane?''daud na wale,isai,ata betlehem.''