¹ dukki iya loddo,na panewe yonatan ana na saul barra'da ata a ngiddi senjata'da,''mai katta pala nee barra pasukan pengawal ata filistin a waina nee ngobba bali.''tapi,ama'na danna tekkimana ne tubanage. ² saul na kadenna ne uppu gibea,ne kabu wasu delima nee migron.rakyat a palolo dengngani wai enne ngasu mangiadada. ³ ahia,ana'na ahitub,du'na ikabod,ana'na pinehas,ana,na eli,rato Muori a neena silo,ngiana a waina kalabbe efod ettipona.tapi,rakyat dadda paddemage ba gia padou kakona yonatan. ⁴ nee barra pelintas-pelintas letena pa palana yonatan ne tuba pasukan'da ata filistin,waige uppu lete watu tuba nii,monno uppu letewatu nee bali.iya bozeswe ngaranage,monno waddeka sene we ngaranage. ⁵ uppuna iyya na dedewe tuba utara,nee tuba mikhmas,sementara waddeka tuba selatan,tuba gibea. ⁶ na panewe yonatan na lai ata a keketaya beddila,''mai katta pala barra'da yiddi ata-ata a idda burru maredda.mungkin Muori na payilli tuba'da daima a susah tuba-Na Muori banna tulu'da,ba mangiada monno ba suadi ata.'' ⁷ na a ngiddi beddila na wale,''rawige ngaradukkana pa beimu,.karurunage ku diakuge atemu.'' ⁸ linna yonatan,''iatawe,ta pala barra'da yidda ata,monno pa iata wekkina barra'da. ⁹ ba linnakoyi patekki'da barra'da,'ngau dukki bamma mai barramu',makka ianga'da batta dede padou'da,monno dappa penne'ma ba dukki'di. ¹⁰ kecuali,balinna kowe patekki'da,'penne barrama,makka ta penne.oronage,bali yana'di Muori ne limma dana'da.ne ngiawe tada tuba'da.'' ¹¹ ke duada kamurrinage pa iata wekkina barra'da ata filistin.yidda ata filistin da panewe,''iatayi ,ata ibrani da lousona wali kaliana dana nee bali padou kabunni'da.'' ¹² da kawulayi ata wali pasukan pengawal lai yonatan monno a ngiddi beddila,lidda,''penne barra'ma,monno gaimu kamma tekkigimige sesuatu.''yonatan linnani na a ngiddi beddila,''penne kou diakuga,oronage Muori bali yana'di limma dana'da ata israel.'' ¹³ Yonatan na kalobbeta banna penne diata,dugu'da ngiddi beddila banna diakuni.yidda ata da mate orona yonatan,monno a ngiddi beddila pamateyi wali lirana. ¹⁴ ne a ullu lakka kalako,a ouda yonatan monno na a ngiddi beddila,na dadiwe lai duada kabullu ata,marronage setenga alur pembajakan uama. ¹⁵ na dadiwe ka gussika nee kariaka dana,ne maredda dana,monno ne ngaradukkada rakyat.pasukan a ullu monno yidda penjarah da madauta,ne tana na gidduka dommowe,ba makkana dadiwe madauta a walina lai Marobba Allah. ¹⁶ da iata yidda ata a paka pada'na saul nee gibea-benyamin,monno iatayi ata mangiada a kadaddaka,da kako laa kako mai. ¹⁷ saul na panewe barra 'da ata a palolo dengngani,''nungnga bei nagddo,yonatan monno a ngiddi beddila daima'di. ¹⁸ bage saul linnani ahia,''ngiddiwe kalabbe efotuna Marobba Allah!''oronage,ngia a tau kalabbe efod Marobba Allah ettipona ne barra'da ata israel. ¹⁹ ba lakka,dukki saul na panewe barra'na na rato,karingngaka ne kariaka dana'da ata filistin madoi-doi na ma tabawe,ba na saul linnani na rato,''tengngiya limmamu!'' ²⁰ da pakassana saul monno ngaradukka'da ata marengngana,ba badda dukki ne padou patau,da iatayi ata tawwe douyi ole'da wai'di teko.na dadiwe pagurru-gurruna a kaladana. ²¹ ata ibrani a madaka lai ata filistinwali ettipona monno a kako diakuna dukki barra kariaka nee barranage,ammi dommodi a pakassa dengnga'di ata israel a diakuni saul monno yonatan. ²² ngaradukka'da ata israel da kabunni ne letena efraim badda rengngyi ata filistin badda kiadu.ammi dommo'di pakassana padiaku patauna. ²³ ne linna dowe ne loddo Muori banna gata'di ata israel.patauna na luarawe dukki bet-awen. saul na rawina jala waddeka ²⁴ dukki yidda ata israel badda pakessina,saul na aura barra rakyatna,linna,''da terkutukayi aya a ngaa badana oudapo mata loddo,ba dakku balasapodi gobba-gobba gu.''makka,daima lakka iyyako wali rakyatna a ngaa. ²⁵ ngaradukkada ata wali ne negri da dukki kadawu dana,monno wai madu nee bali,ne togo tana. ²⁶ ba badda dukki kadawu dana yidda rakyat,da iatawe madu a lai,tapi daima a deke tau ngadadana'da,oronage da madautage aura. ²⁷ Yonatan danna rengngemaya ama'na banna aura'di rakyat.na soroni ngungngu tokko a waina togo limmana,bage na pulloya yobbu madu monno sodo waige limmana tauwe ngada dana'na,monno mata'na na singngarayi. ²⁸ na panewe iyya ata wali rakyatna,linna,''ama mu bali aura nadi rakyatna karurunage,linna,da terkutukayi ata a ngaa nii loddo.'oronage,rakyat da duali.'' ²⁹ na wale yonatan,''ama gu na pa celakawe negri.nungngawe,iatawe,na singngarayi matagu,louka kia bakku podda suadige ne madu. ³⁰ louka kia,banna bisa paiawe rakyat neeya badda bebasa pangaa padeke wali lai gobba,danna luamage kala wali lai ata filistin.'' ³¹ da pakalayi ata filistin,wali mikhmas dukki ayalon.rakyat da duali pongngu. ³² rakyat da dekeyi pakoleda,dekeyi kamiaka bebe,sapi,monno ana sapi,ropoyi togo tana,monno yidda ata da ngaa oledi raa'da. ³³ ne alinnana da tekkinage saul,''iata,rakyat da jala barra'na Muori badda ngaa raa'na.''na penewe,''you mu berkhianat.nee ya tullarana iya watu kalada!'' ³⁴ linna kia saul,''pakaissakadi barra'da rakyat,monno tekkidage,'ngiddi barraguiyya monno iyya ata lembu monno iyya monno iyya bebe,ropoya nii monno ngaa.illami jalakana lai Muori bei ngaa raa'na.''makka,ammi'di ngaradukka'da rakyat ,iyya monno iyya ne gedde da tengngi lembu,monno rorpoya nee bali. ³⁵ saul na padede mezbah tuba'na Muori.na ngiana mezbah papadede ulluna tubana Muori. ³⁶ bage linna saul,''nii gedde burru katta ruatiyi ata filistin monno pamateyi dukki banna miawana.illa gaikadi lakka iyya pongnguko a iangana.''da wale,''rawikado ge ba ngiakowe pa iatamu a dessa.''tapi,rato na panewe,''mai katta pabarra niiya ka aroni Marobba Allah.'' ³⁷ saul na tuaya Marobba Allah,''na bisakadowe bakku burru ruatiyi ata filistin?''tapi nee loddo danna walemaya. ³⁸ bage liina saul,''mai nemmi,ngaradukkami rakyat.berusaha kei paddege appa makka waiwage jala nii loddo? ³⁹ oronage,demi Muori a muarika,a bali tuludi ata israel,karurunage ne lakko orokonage yonatan,anagu,makka ngia uku mateya.''tapi,daima lakka iyyako rakyat a waleya ⁴⁰ linnadi ngaradukka'da ata israel,''you mu dede ne tuba iyya,ba neege yauwa monno yonatan,anagu,dede nee tuba waddeka.''rakyatna da waleya saul,''appa nage pa iatamu a dessa, rawikadoge.'' ⁴¹ saul na panewe lai Muori,Marobba Allah israel,patingngoge a idda bercela.''gaudi yonatan duguda saul,tapi yidda rakyat da luputa. ⁴² linna saul,''letogama undi duguma yonatan,anagu.''bage,gauni yonatan. ⁴³ saul linnani yonatan,''tekkigage barragu,appanage bali parawimu.''yonatan na taekkinage,linna,''ku pdda suadige madu waini ngungngu tokko na togo limmagu.ku sadia bakku mate.'' ⁴⁴ linna saul,''ne linnawe Marobba Allah banna ukuga,ba louka kia,karurunage,you uku matepowu,yonatan.'' ⁴⁵ tapi,rakyat da waleya saul,''appa makkana na matewa yonatan ba ngiamona a rawige mennangu kalada ne israel?pamarronage a linnana,demi Muori a muarika!daima salua logena a kabuola wali togo katuawana ne ponnutana.oronage,duguda Marobba Allah,banna rawige a linnana nii loddo.''rakyat da pabebasani yonatan,bage makka dappa uku mateni. ⁴⁶ saul na bali ba paruatiti ata filistin.ata filistin da bali ne padou madakada. saul pamateyi gobba'da israel ⁴⁷ ba saul banna dadi raja'da israel,patau'na ne ngaradukkana tuba ba gobbadi ngaradukka'da gobba'da,yiddi moab,ata amon,edom,tokko-tokko zoba monno ata-ata filistin.lakka gia douko na kako,na mennangu pakita. ⁴⁸ na rawige a dessa;pakalayi ata amalek,monno pasellayi ata israel wali lai ata a rampokayi. ⁴⁹ na yonatan lakka ana kabanikonani saul,yiswi,monno malkisua.ngarada duada ana mawinnena:a matto ngarana merab monno a bua a kiipona ngarana mikhal. ⁵⁰ ngarana ole ummana saulahinoam,anak ahimas.ngarana panglima tentarana abner,anak ner,luakana saul. ⁵¹ kish amana saul monno ner amana abner,ngiana ana'da abiel. ⁵² makka,na sengngitawe patauna ba gobbadi ata filistin selama rasina saul.ngaradukka'da ata a kullisa monno a manadana pa iatana saul,pakassanadi.