¹ na kako nahas,ata amon,na rawina kariaka woletage yabesh-gilead.kamurrinage,da panewe kua ata yabesh lai nahas,''rawina sapakata,makka ma dadi atamu.'' ² nahas na waleyi ata amon,''ne linnawe ku rawige sepakatu,mata kawanamu ku wikkoguni,gaimu ka ammige makke ne lai ngaradukka'da ata israel.'' ³ rato-rato yabesh da waleya,''ya kaluaga pittu loddo madoinage,gaimu kamma pawede ata ne ngaradukkanage israel.ba daiko a pamuarikama,ma lousona monno dadi doumu.''.'' saul na gatage yabesh-gilead ⁴ ba badda dukki yidda papawede nee gibean-saul monno padukki ge ne patekki togo katilluda ne bangsa,ngaradukka'da bangsa da ngio kalada'di lii'da. ⁵ bage,saul na bali wali uama danana na kako ne lirada lembuna.saul na tuayi,''appa dage yidda ata?''da tekkinage ne pataekki'da ata-ata yabesh. ⁶ Diawa Marobba Allah na kuasaya saul ba banna rengngewe ne patekki,bage na kedde pongnguwe bani'na. ⁷ na dekeyi iyya pasang lembu,na tippu-tippukayi,bage na pangiddidi ne ngaradukkanage bangsa israel li lai ata papawede,a panewe,''garra a idda kako diakuni saul monno diakuni samuel,ne linnawe parawidadi aro lembu-lembu'da.''kamurrinage,Muori na pamai we madauta lai ne bangsa,bage makka da sadekka kako. ⁸ dukki saul banna pariksawe bezek,wai touda ngasu rata ata israel monno touda kabullu rata ata yehuda. ⁹ lai yidda ata papawede na tekkidage,''ne linnawe patekkimidi ata-ata yabesh-gilead:kuaka ammi ge gata tubamidukki banna wadala mata loddo.'''yidda ata papawede da bali monno tekki dage ata yabesh,bage makka da sennangu. ¹⁰ yidda ata-ata yabesh da panewe lau nahas,''kuaka,ma lousona patabbokawu. rawikadoge appana pa iatamu a dessa.'' ¹¹ makka,kuakage,saul na bareyi rakyat badda dadi touda pasukan.da tama tilli-tillu kariaka dukki rasi giliran dawa kabu gedde monno pakalayi ata-ata amon ba danna wadalapo mata loddo.da ka issaka yi ata a iangaponna,bage makka dai duada ata a madaka marengnga. ¹² kamurrinage,yidda bangsa da penewe lai samuel,''garra a panewe,'appa makka saul wa a dadi tokko'da?'yagamani nai ata kamma uku pamateya.'' ¹³ linna saul,''daima lakka iyya ko ata pa uku mate nii loddo!oronage,nii loddo Muori bali rawinage patuluna lai ata israel.'' ¹⁴ bage,samuel na panewe lai yidda bangsa,''mai katta kako nee gilgal monno ka pa bou maddi tokko nee bali.'' ¹⁵ makka,da kako kuayi yidda bangsa nee gilgal monno keketaya saul banna dadi tokko,ne aro-Na Muori,nee gilgal.da ya korban pa muarika dengnga ne arona Muori .kamurrinage,na maringawe atena saul monno ngaradukk'da bangsa.