1
ihoamat silatahula am beta iluah, a toba tow Gerasa.
2
pe mio Yesus ambolutu moai esa tow sinuangan tutuh tapia a pawakuburan metau i Sia.
3
iboho metew biboho, alam nemoho tow dona sumogod mande rante.
4
sia binawatungen bo berante sumata rante dinudutna bawatung behawotala kawalian alahem moho esa tow dona i mawalam i sia.
5
bo bengi sia mawabebe a pakuburan bo mange dungusan osa mawasawang-sawang bo siamio mapakur batangara mio bo batuh.
6
sia melilah si Yesus andekang Sia malolah mangila si Yesus osa inonirih i Sia.
7
kahatehena mawosawang sia, asia pandungu be ahu, hei Yesus bata ingeled tow a matatang. Tanu Ningumeled naam mahusilakan.
8
atalewe, Yesus kumua be sia: Hei sihow tutuh tapia, lumuai a tow iyai.
9
Sia tumaang a totumu i aho Sisei ngalanu? Sowatena, ngalaiku Legion, awahem kamitahula tado’o.
10
mengeki teka serit sami boho Yesus naan, melei tutuh tapia lumuai a sakumen niboho.
11
a palis indungusan tadoa tiei mangilah kan.
12
mangatutuh mangelei be Sia: Iwasiu hamitahula dumeso a manga tiei, iwayai yoho kamitahula sumuang atiei.
13
i mongeê pinangelei ilatahula, osa lumuai manga tutuh tapia sumuang a manga tiei iaho sangawalas tiei, aho ande-ande duangariba katadooan o melombo a tubir iluah, osa matedolowa asuang.
14
maliyaha tiei i malolah osa sumahai niboho a kota, a karoongan a sakum, osa meluai e tow milah asia ni mamuali.
15
moai besi Yesus bo milah toro sinuangan ni boho dumatuh bo imakem latang bo nyamanem tow sinolongan ni Legion, osa silatahula mataloh.
16
isumairi i aho, sumahai besi latahula asia ni mamuali totumu sinolongan ni setan bo kelembia aho manga tiei,
17
silatahula mesusuden si Yesus, boho sia mepanamio toba ilatahula.
18
iboho si Yesus sumake hahi a suang i mbolutu, pahamunan tow sinuangan sesenggot mangelei boho sia bewongee luma i sia.
19
ahii mongee, sumata KuaNa be tow i boho, maleng ambalenu, a tow sangaroongu bo sumahai besilatahula pahasa asia tinuliden Tuhan behow bo kelembisa Sia imahales sihow.
20
i boho moho bo tumotor mewahai Dekapolis, pahasa asia tinulid i Yesus ambatangana bo silatahula mamulai maerang.
21
si Yesus maleng tumetela bo bolutu, tadoo tow medororo oho, moai osa sia, sisia biboho atapirih asilie i luah.
22
esa tow kapala imbale peribadatan ngulana Yairus, atepo siamilah si Yesus, sumalimboho sia muka inae-Na.
23
Pangleiku karengan hi ulit-ulit be Sia: Bataku bene pahadosan toyota i mate, moai ndoo bo iwao kamaNu ambaoNa be sia maloid bo osa tetap menonow.
24
si Yesus mohobo tow i aho, tadoo tow medororo Lumas i Sia bo mepewesetan ataiNa,
25
biboho bana esa wene, sangawulu bo rua taong kaetoan makệlam totonaw.
26
imebaleng-waleng bahundamen i manga a tabib osa i mahawum pahasa wesia, sumata ahem moho berguna.
27
akoyow tanu si Yesus, osa atutud tadoo tow, sia sumusut besi Yesus alihut bo tumaka jubahNa.
28
ihuana: Sa tinakum jubahNa ahu memauleng,
29
sio i aho behaso ndoong totonaw bo kahelamana, awahem batangan i maulenge a mahadona.
30
i yoho hahi, kailahanni Yesus, osa bana ugat ikumuai ambatangana, osa sia sumeleng atutud i tadoo tow bo tumaan: sisei nitumaka in jubah Hu?.
31
sumowat, sihow miles kerembisa mangatow totomu i ange medororo ataiNu, bohoW tumaan si sei ni tumaka be ahu?
32
sia tumele asakumna osa mamilah sisei itumulid i aho.
33
iyohow imamuali matalo bo ihele anoras mahaila asia ni mamuali ambatangan, tumod bo sumalimbuhu asaangen ni Yesus bo i kalondolan i nate masirita pahasa besia.
34
kuaNa ambene i boho, “hei kedoKu, kahemananu imawawiam no how, mohonem karua ini nenow bo behatalam mahados.
35
si Yesus mohodait mahi tow sanganah i kapala bale i Ningumeled bo humua: batanu imatem, asia mbereguna how mawasusah-susah ing guru,
36
si Yesus ahii wandung sirita ilatahula bo kumua a kapale imbale Ningumeled, “Naam matalo, maheman nange.
37
si Yesus ahiiwehena esa tow lumas i sio balina iaho si Petrus, si Yakobus bo si Yohanes, pog i Yakobus.
38
ihoamat ambale Ningumeled, biboho pilaheNa, manga tow meburoso, mekae bo menunu i kodait motengeh.
39
sia sumuang mohodait sia amangatotumu i aho nde aho komotahula maburoso osa mekae? Kedongia i ahii imate sumata me boo.
40
silatahula imekeke i sia osa i yeleiNa pahaso totumu i boho, osa peangen Na amang boinang i kedong i boho bo silatahula i mahalas i sia sumang a kamar ikedong iboho.
41
takaana kama ikedong i yoho, kuaNa: Talita Kum, artina: Hei kedong, i hua hu behow, tumod.
42
tepo i boho, aho kedong, tumod bolumapang umura imalekewem sangawulu borua ngataun.
43
besilatahula naamnde esa tow mahailah i boho, osa wasiana silatahula mehe kan a kedong i boho