1
Wa’im tino’tolan i kukua sakum si Yesus Kristus, bata iNingumêlêd.
2
Kele iwati-watih a kitab i nabi Yesaya : “Pilahên, masiu Ahu i sosiu-Hu mamuna we-How, sumadia sia i ndalam tanu sihow.
3
Bana nunu’ itow matere-terewa’ a padang gurun : sadianem dalan tanu si Tuhan londolênêm dalan tanu si Sia”.
4
si Yohanes pembaptis mahi a padang gurun osa tumerewa’ai : “matobatêm bo iehêm batanganu baptisên osa Ningumêlêd mawaapungêm i ndosanu”.
5
mangahim besia mangatow a kêsanên lukad i Yudea bo wahasa tow i Yerusalem, osa karengan i mapangaku i ndosana silatahula binaptis a londola Yordan.
6
Yohanes malatang jubah bul i unta bo wokol bolulang, bo pakanêna borit bo biluh i talun.
7
mbesahaina : Ihaleot ahu bana mahi siSia ê lebe moimbahut nde ahu : kumêpa bo muhamange i tali sapatuNa ahi’i ahu iwêtênaan.
8
maptis ihomotahula ahe, sata’ siSia maptis ihamotahula Tutuh Lenas.”
9
tepo wa’aho mahi si Yeszus i Nazaret a tana’ ingGalilea, bo Sia binaptis i Yohanes a londola Yordan.
10
namai a nahe, mêlilah Sia langit behauha, bo Monggonguot kêpom mombo lumolosai weSia.
11
katanga’aniloho nunu’ a sorga : “sihowêm mBata’ku ihalêsKu, behowêm Ahu mêtêna’an.
12
a niha wo rusoho ni’aho siMonggonguot matod i Sia moho a padang gurun. Biboho a padang gurun mutum Sia êto’na êpat ngawulu’ ngando, pinahêpêan i tapatena’’
13
Sia karuru i manga biagên silu mangamalaekat masali i Sia.
14
si Yohanes tiniho’ mahi si Yesus a ngGalilea monahai ikukua iNingumêlêd,
15
kuaNa : “Endona imalêkêwêm ; Kaholano’an ; Ningumêlêd susutêm matobatêm bo memanêm i Kukua !”
16
si Yesus mêlapa-lapang masili’ i luah Galilea, mêlilah sia si Simon a bo si Andreas, pog i Simon. Silatahula mêpaso wasot i lolombo’ a luah apa’an silatahula tapalolombo inda’
17
si Yesus besilatahula : “Ayom, lumasêm i Ahu bo komotaula indoyKu tapalolombo’ i totumu”. Osa silatahula tilahom imêpa’io lolombo’na lumas i Sia.
18
silatahula tilahom imêpa’io lolombo’na osa lumas i Sia.
19
ahi’i hapui ahad Sia lumawus i pahêbenNa, pelilahenNa si Yakobus, bata’Zebedeus, bo si Yohanes, pognga, mamu’tu-mu’tud ilolombo’ a suang i mbolutu.
20
si Yesus itumiang silatahula bo silatahula mêpa’io i namanya, si Zabedeus, a suang i mbolutu iwakaru-harua i mangatow wasewana osa lumas i Sia.
21
Silatahula behoamat a Kapernaum, iharawusoho Sabat tumotol Yesus tilaho sumuang asuang imbale Ningulemed bo sumusui,
22
Silatahula mahaerang tumanga pasusuianNa apaan Sia sumusui silatahula kele tou mahaimbahut ahii mekele pataasen Torat.
23
wa’aho a suang i’aho mbale wa’ibadatan bana nêsatow dinasuh i tutuh ta’pia. Tow wa’aho i sumawang :
24
papandungên-Nu wo hamitahula, ei Yesus tow i Nazaret ? Mahi how manutu’ tumutus i hamitahula ? Kalahayku.
25
si Yesus i moboro’ isia, kuaNa : “mêtêw, lumuaiên be sia !”
26
tutuh ta’pia imêdandu randu’ i’aho totumu’, osa karêngan kumiah mo’arid lumuai sia we sia.
27
silatahula imobeat, ahad silatahula i mapêkodait, kuana : “Asia nia’i ? êsa ajaran taleya. Mohoda-hodait Sia teka i nimbaut manga tutuh ta’pia hahi pinêrêtaNa bo silatahula ihumi’it be Sia.”.
28
tilaho weharerem sirita sakum sisia a pahasa du’u ingGalilea.
29
wiboho a mbale wa’ibadatan si Yesus karêngan i Yakobus bo si Yohanes moho a mbale i Simon bo si Andreas.
30
mama epo i Simon malelet apa’an makolotin. Tilaho wehua i latahula kaadaana we si Yesus.
31
Sia a mbeleletan i’aho mbene, osa karêngan itumaka i kamana iwawatodNa sia, osa makolotina behatalam. Ahadi’aho wa’aho mbene i sumêlêwir silatahula.
32
a tumia’oho nêndo, peangenai we si Yesus pahasa tow wahadosan bo dinasuh i setang.
33
manêrên pehatow i’aho kota a ndior i mbonang.
34
Sia imawamauleng imangatow mahigon i mêbawalina’an mahados bo imelei i manga setang. Ahi’i wehena ni’aho mangasetang inumu’ apa’an silatahula mahahilala i Sia.
35
anoras dendepe’, tumod Sia osa moho a luar. Moho Sia a lesad liai osa sumombayang biboho.
36
si Simon bo mangahamuna ilumasoho i Sia;
37
mahatau oho i Sia kumua silatahula : “pahasa tow mangilah-ngilah i How”.
38
: “Ayomêm moho hita a lesad balina, a mangakota masusutan, saniboho boboho hahi Ahu sumahai i Kukua, nde tanu wa’aho si Ahu imahim’.
39
Sia moho a sêrêb i NgGalilea osa maposahai i Kukua a manga wale waibadatan ilatahula bo mahelei inganga setang.
40
adosên i kusta mahi we si Yesus, bo karêngan isumalibuhu a ndior. A mamohong sia tutulungNga, kuana : “sa how mabog, do’na how mawamauleng iahu”.
41
ateNa wahali’is i mbele’Na osa mayomoho Sia i kamaNa mamos i’aho totumu’ osa humua we sia : “mabog Ahu, memaulêngange how.
42
wa’aho behatalam ê mahados kusta i’aho totumu’, osa mewaulêng sia.
43
Sia imaiso i’aho totumu’ maleng karêngan i kêtêh darandi :
44
na’am maosiri-sirita awa-awa sakumên êwa’i wesiseiange, sata’ mohonêm, iwawaturu’nu batanganu a nimam bo mowaladio’ powalad tanu pinêmaulênganu, ê mbewêreta i Musa, maindo sairi tanu silatahula.
45
ni’aho totumu’ moho imapakua i’aho mbehamoali osa imawarere wisana mange, ahad si Yesus alam mata’u mawaturu’ sumuang a kota. Imêtêwêmio’ sia a luar a mangatampa liai ; sata tow a mororu’una imoroahimage we Sia.