¹ Sisiri i Paulus, êsa rasul, ahi’i’ apa’an i totumu’, ahi’i’ hahi apa’an i nesa totumu’, sumata’ pandung i Yesus Kristus bo Ningumêlêd, Amang, ê maleng imawatow i Sia a tutud i tow imamatem, ² bo a pahasa pog ê mbewakaru-harua, a manga jamaat a ngGalatia: ³ Bêlês kohomba’ bo sononoi ênow i Ningumêlêd, Amang i hita, bo Si Tuhan Yesus Kristus karuru i homotahula, ⁴ ê nimehem i mbatangan-Na apa’an manga dosa karoan i hita, tanu malus i hita a kata’pia’an i mbaoitoba ia’i talewe’, mi’it a pandung i Ningumêlêd bo Amang i hita. ⁵ Tanu si Sia hêmoho konunga’an kaêtoêto’. Amin. ⁶ Haeraku, awahêm kamotahula kele’aho kotiro’an itumalihut be Sia, ê napa’an bêlês kohomba’ i Kristus itumiangêm i hamotahula, ilumasêm a ninjil balina, ⁷ ê kaulitana ahi’i moho injil. Bati bana ê totumu’imawa likeke i hamotahula bo ê manutu’ mowurisi i injil Kristus. ⁸ Sata’ mande hahi hamitahula suma êsa malaekat a sorga re moai ê kumua be hamotahula êsa injil ê mahisala’an bo injil ê behuam i hamitahula behow, kodorotan sia. ⁹ Kele i mbehuam i hamitahula a pahamunan, ia’i talewe’ maleku ihua mahasa: sawana totumu’ kumua wehow êsa injil mahisea’an bo asia tiniriman i hamotahula, kodorotan sia. ¹⁰ Yanasa kelembisa ia’i talewe’ : awa ahu mangilah kahabogên i totumu’ suma papandungên i Ningumêlêd? Awa êpe’aku iwêtêna’an i totumu’? Sahelemange ahu maibog mêpe’ iwêtêna’an i totumu’, yanasa ahu ahi’i sosiu i Kristus. ¹¹ Nde tepu’unku be hamotahula morowogku, awahêm ni’aho ninjil behuahu ahi’i injil i totumu’. ¹² Apa’an ahu ahi’i itumirima i’aho a totomu bo ahi’i totomu’ ê nisumusui i’aho we ahu, sata’ahu itumirima i’aho a mbetuturu’ i Yesus Kristus. ¹³ Nde hamotahula itumanga’am sakum i kawenonowhu a pahamunan a nagama i Yahudi: ahêm pahadam ahu irumai i njamaat i Ningumêlêd bo i mangambut itumurasi silatahula. ¹⁴ Bo a nagama Yahudi siahu ihuamio’ mi’it muna-muna endê naka doroan katado’oan karua mêdêngan bo siahu a tutud i mbangsahu kele totomu’ ê ndê’dêmio’ mahiaha i kanaraman i nawo-nawo’ku. ¹⁵ Sata’ a tepo Sia ê nisumi sirem iahu tu’os ahu a kanombalwe imamahu bo itumiang iahu karua i mbêlês kohomba-Na, ¹⁶ maibog imawahilala i mbata’-Na we ahu, saniboho ahu mongahai i Sia a tutu i manga bangsa hi’i Yahudi, yanasa mande sangaoras kêmoho ahi’i ahu imangelei pêtimbangên a totumu’. ¹⁷ osa hahi ahi’i ahu i’moho a Yerusalem manauw silatahula ê nimamoali Rasul pahamunan be ahu, sata’ahu imoho a toba i nArab osa wiboho maleng moho a nDamsik. ¹⁸ Osa ihaworusoho têlu ngata’un, moho ahu a Yerusalem moho milah si Kepas osa ahu manupang sangawulu bo lima ngando a mbalena. ¹⁹ Sata ahi’i ahu imêlila mande bati êsa tow a mangarasul balina. Bana-hemoho si Yakobus pog i Tuhan Yesus. ²⁰ A ndior i Ningumêlêd têpu’unkumio’: asia mbewamatihku be motahula wa’i ulit. ahi’i ahu matowo. ²¹ Osa ahu mo a manga-sakumen i sisia a Kilikia. ²² Sata paelku ahi’i kinahilala’an i mangajamaat i Kristus a Yudea. ²³ Silatahula bati’imahatanga’, awahêm sia ê napahamunan imapêda’i silatahula, ia’i talewe’ masahaiêm i kawaheman a mahiseaan wehaibog turanem. ²⁴ Osa silatahula imarayow i Ningumêlêd tatawoi hu.