¹ Sakum pêsalian tanu manga-totumu lênas alam sama ahu kumuai aho be homotahula. ² Kailahankum e kawolahan i natenu a sakum asia ahu mawa-wobeat i homotahula be mangatow makedonia. Ihuahu akhaya i sumadian tumotol a taua behaleotêm. Karêdêmaan i mamoalim poisu a tadoo totumu. ³ Siahu imasiu i mangawog waaho, sani aho kobeatan i hamitahula a sakum wai tanu homotahula naam i hatara mamoali mahuow, sata sani aho komotahula uli-ulit i sumadian kele i mbehuahum. ⁴ Sani aho sa mangatow i makedonia mangahi makaru-harua wo siahu. Noam silatahula komotahula alawe imahasadia, kawalian hamitahula tanu ahii kumua i komotahula mahalêlam monokia a kawaheman i hamitahula waaho. ⁵ Kawalian i aho ahu mahahêlam pêrêlu dumasu i mangawog waaho tanu matang mamua we ahu, sani aho silatahula pahamunan marus powalad ê mberandim i homotahula a pahamunan sani aho mahasa i hasadia kele tatara i kawolohan i nate i homotahula bo ahii hele powalad ê mbewêlêse. ⁶ Tenêmêa niai: Toturu ê malulumbo keleawa, mainjo muwa keleawa hahi. Bo totumu e malulumbo tadoo, mainjo muwa tadoo hahi. ⁷ Ihamaot êsa-êsa mapowalad makiit kawolahan i natena, naam karêngan inados i nate apaan belêsê, nde ningumêlêd mahalês i totumu ê mapahe karêngan i kahi. ⁸ Mahabaye mawalipa i pahasa beles kahombabe komotahula, sani boho homotahula mainjo doro a nasia ngawila bo donaihua mahalipapaa mangakaumalengan. ⁹ Kele bana i watih: Sia i mapêbeteng, si sia imangombaa mangatotumu lêngei kaulitan na i haeret ahad kaêto-êto. ¹⁰ Si sia ê mawasadia i nimawalulumbo tanu homotahula bo mawalipa bo mawatow bua-bua i kaulitan. ¹¹ Komotahula mainjo iwawasiha a nasia mange kaênaan i nate, ê mawalêmbo i ndayou a ningumêlêd i homotahula. ¹² Apa-apaan pêsalian i mbêlês sumua-suang niai powalad, ahii bati wawaroro i mangakapêrluan mangatow lênas. Sumata kahi mawalipa kumua indaroyow be ningumêlêd. ¹³ Bo apa-apaan komotahula imêtêm a pasalian niaho, silatahula imonunga i ningumêlêd apaan koemanan i homotahula a pangeean i kukua i Kristus. Bo apaan kawolahan i natenu a paapêbeteng i nasia mange teka silatahula bo a pahasa tow. ¹⁴ Sedape moho a sakum sombayang silatahula, silatahula hahi mahatênêm i komotahula, apa-apaan bêlês kohomba i ningumêlêd malipa be homotahula. ¹⁵ Darayow be si ningumêlêd apaan kohombana niaho ê tahi ihahua.