¹ Manga morowog, wa'i kamitahula maindo sumahai behamotahula asakum bêlês kohomba' a mbehomba' a manga jama'at a Makêdonia. ² Mande apa-apa'an pinangêpe'an tanêd a papongigonên, sumata' kahi' i latahula mêlebe-lebes bo mande silatahula lêngey io, sumata' silatahula siha a kamaulêngan. ³ Sumairi ahu, awahêm silatahula imehem mi'it a kaeleian ilatahulaa, osahahi lumebe a kaeleian ilatahula. ⁴ Bo karua' i kawolahan, silatahula mangelei bo mangambut behamitahula, saniboho silatahula mahaere bêlês kohomba tanu minjo beteng a pêsalian a manga tow lênas. ⁵ Silatahula imehe lebe tado'o e paharawên i hamitahula. Silatahula imehe imbatangan ilatahula, pahamunan be Ningumêlêd, ahad iboho apa'an pandung i Ningumêlêd kahi behamitahula. ⁶ Kawalian i boho kamitahula lumêse be si Titus, saniboho sia mimbat i hamotahula bo mawahao imbêlês pêsalian kelembisa sia nimolai. ⁷ Osa i'ai talewe, mekele bo hamotahula siha'a nasia mange, a kawaheman, a kawakodait, a kawahutên, a kaulitan tanu mowod, bo a bêlêsnu bêhammitahula keleahohahi kamotahula siha a pêsalian bêlês i boho. ⁸ Sa ahu kumua i'ai ahi'i osa pêreta, sumata tumutru' i tinawoi i manga tow balina tanu mowod, mabog ahu tume'esi kawolahan i nate imbêlês ihamotahula. ⁹ Apa'an kamotahula mahailahêm iboho bêlês kohombai Tuhan ihita Yêsus Kristus, awahêm sia, imêlêngei apa'an tatawoi ihamotahula,mande apa-apa'an sia siha; saniboho kamotahula meêsiha'asakum kalengeianNa. ¹⁰ Wa'i ndereiku asakum iboho, manedo'na madoro behow. Awahêm i molaim a ta'un ilumeotêm kamotauhla molai mawalapang bo mindo kaêpu tanu mawahao hahi, ¹¹ Yanasa i'ai talewe, sua-suaiênem kahi tawoien iboho. Mero-merot tawoiên iboho mekele bo kaela'anu, bo tawoiênêmange pahasa i. ¹² Apa'an sa hamotahula ela tanu mehe, yanasa awasia mbehenu maindo tiriman, sa asia mbehenu bealêd awasia ni'aho behow, ahi'i bealed awasia ni'aho talahem behow. ¹³ Apa'an kamotahula bana palihu'den ahi'i osaniboho mangatow balina mahaere kawolahan, sumata saniboho bana katimbahêlan. ¹⁴ Yanasa merot-merot i'ai talewe kalebeanu lumêkêw i kahurangan ilatahula, saniboho kalebean ilatahula do'na hahi lumekew kahurangan ihamotahula, saniboho bana katimbahêlan. ¹⁵ Kele be watih: Tow ê mawasêsên tado'o, ahi'i halebe bo tow mawasêsên ahi takura, ahi'i hahurang., ¹⁶ Dumayow be Ningumêlêd, ênapa'an i hamotahula behomba'a kaulitan kekaboho a nate i Titus tanu mowod behamotahula. ¹⁷ Yanasa sia tumirima ii mbehua ihamitahula, sumata andalem kako'an kaulitana i boho, sia mi'it a kahabogena moho behamotahula. ¹⁸ Iwakaru-harua teka sisia kamitahula imasiu i pog ihita, ê niharayow a pahasa jama'at apa'an patawoiêna a pesahaian i kukua iNinjil. ¹⁹ Sumata' ahi'i wa'aho ! Sia hahibeturu'um i manga jama'at tanu iwakarua i hamitahula a pesalian beles i'ai, e tinawoi ihamitahula tanu konunga'an i Tuhan bo kele sairi kawolahan inate ihamitahula. ²⁰ Yanasa pandung ihamitahula mawaworus i'ai: awahem bana tow sumero ihamitahula a pesalian beles noras tinawoi ihamitahula bo bako' mbua'na. ²¹ Apa'an kamitahula mawapikir i kamaulengan, ahi'i bati a ndior i Ningumêlêd, sumata' kahi a saa-saangen i totumu. ²² Iwakaru-harua i latahula iwasiu i hamitahula esa tow balina hahi, awahem pog ihita, e lêtêh pawate'esên bo awahêm pahasa iboho tanu mowod. ²³ Titus awahem karuahu e niwakaru-haruahu tanu kamotahula: manga morowog ihamitahula balina awahem bewasiu i manga jama'at pahasa i boho maindo konunga'an i Kristus. ²⁴ Kawalian ituru' be silatahula a sa'a-sa'angen i manga jama'at tara imbêlêsnu bo tara ka-anggorangku tanu hamotahula.