¹ Awahem nia katelunam ahu mahi behomotahula. Batipemanga katarangan duasuma telu how sarii a nesa werkara totuu (ulit). ² Be silatahula a tepo i lumeotêm i mêsea, bo apahasa totumu balina, behuahum a pahamunan bo mahasawe kahi meleeu ihua, ia talewe a tepo ahu andekang bo homotahula têna kele a tepo kahahihu karuana, awahem ahu ahii mainjo mahalês silatahula a tepo ahu maleng mahi. ³ Nde homotahula mabog esa tanda, awahêm Kristus mohodahodait bo hii sia hawe! Be homotahula, sumata mahahasawa a tutud ihomotahula. ⁴ Apaan mandewe sia kinalawatem hawali kahawelan, sumata sia menonow nda kawasa i Ningumêlêd. ⁵ Silihenange ê batangnumio, awahahi hamotahula hii meman i batanganu, awahem Kristus Yesus asuang i batangan i homotahula? Apaan sa hii helewaaho, kamotahula ahii mête-ête. ⁶ Sumata paharaweiku, awahem kalahan ihomotahula, awahêm ahii hamitahula ê tahii mête-ête. ⁷ Sumombayang kamitahula a Ningumêlêd, saniboho homotahula naam tumulid tapia ahii saniboho hamotahula wai dona tumulid asia niaho maulêng, mandewe kamitahulawe kawilahan ahii. ⁸ Apaan kamotahula hii rona tumulid awa-awa lumawah i kabenara, êndona tuliden i homotahula êwai tanu kabenaran. ⁹ Apapaan kamotahula mekahi, sa hamotahula hawe bo homotahula morowot. Osa waii hahi ênisombayang i hamitahula, waaho saniboho kamotahula mamuali mauleng (ahem dai) (loor). ¹⁰ Waaho kawalian mahasaiai ahu manulis be homotahula tepo ahu mederekangan bo hamotahula, saniboho sa ahu a tumututud be hamotahula, ahii sama ahu minjo i kahetehan kumiit kawasa ê behokomba i Tuhan beahu tanu (mainjo) momangun bo ahii tanu mawawêbeled. ¹¹ Amahahad, siri manga morowoku, mêkahiange damejinio batangan saniboho motolimomod (ahem dai) loor. Trimannange pahasa tuturuku! Esa kawate esa kawahuteg, i homotahula. ¹² Menonowange mosononi, yanasa Ningumêlêd, lumbuhan imbêlês bo kaenowan malalasoho be homotahula. ¹³ Pahasa tow lenas kumirim sanonoi be si how. Kohomba Yesus Tialo, bo beles Ninguleme bo karua Tutuh Lenas mahalas komo tahula