¹ Mawasukad ahu, mandewe kahi alahem toro ta kelêaboho ahu mawatara, asia niaho pinapilah b tuturu' â tinirima â Ningumêlêd. ² Kala haku asakum seisia to sarani. Sangawulu bo epat ngatauan be haleot. Be niaho am batangan, ahii hâlahaiku, baê niaho a luar im batângan, hii halaiku, Ningumêlêd lebe mahailah hi'i makapui i hatang â to sakong ka teluna a sorga kaumbungn. ³ Kala hâku hahi aho e tow: bâe a suang im batangan baê a luar im batângan, hii halaiku, Ningumeled lebe mahailah. ⁴ Hi'i makapui sia bêhatangan â Firdaus osa sia mahataan kodait â tahii hahua, ahii matau-ihahua i kita'i tow totumu. ⁵ Ndê totumu i boho iwongahaihu. Sumata, batangaiku ahii iwongahaihu â kahawelaiku. ⁶ Ndê mande hahi i mongahaihu, ahii hahi sa âhu tow bodoh' we, apaân ahu ihumua i kaulitan. Tâ kahi ahu tumahang im batangaiku soroa naam na e tow mebe' hahi bêahu lebe â peneilah beahu bo ki natangaan be ahu. ⁷ Osa hahi naam mongahai i pahasa toturun, a taimeri osa ahu binean paroh a ketedku, waaho esa tow wapasiu i sumesenggot, sumusub i aahu, suoaya naam ahu mongahai im batangan. ⁸ Asakum waaho' mahatelum ahu i mimbal â Ningumêlêd sarona waaho i wapasiu i sumesenggot be ahu. ⁹ Tâ sinowatan i Ngeledtow be ahu: Dônam (tumenam) êm beles kohomba' be how, nde âpaan i kahawelan kawasaNa majadi tollimomod. Apa'an lebe i habogku i iwongahaihu i kahawelaiku sarôna kawasa i Kristus lumolos muyung 'i ahu. ¹⁰ Iboho kawalian ahu, senang bo mabog â kahawelan, a dina'i, bo kasusa'an, am beuah, a kahenengan bê si Yesus Kristus. Apâan saâhu mekawel labê ahu morowot. ¹¹ Mande ahu i mebodohem, tâ kamotahula ahii. lemese i'ahu. Sai hiit pedayowen ahu i hamotahula. Apaân mandewe ahu ehem torona' ta apahasa mange, ahi ahhuu besêsê â mangâ rasul-rasul. ¹² Apahasa waaho be wawatara apaan ahu esa rasul, a nitumulid â tutud i hamotahula, a pahasa kasabaran, bo manga tanda, bo mujizat-mujizat bo manga kawasa. ¹³ Nde asuang i nasia kamotahula behâhahad iwawawekeke bo jamaat belina. Sata hi'i, hahi ahu mainjo tanggongan be hamotahula? Mahiapungahu hii ahu mêbiles. ¹⁴ Kaulitana i'ai talewê mahatelum ahu sumadia i mimbat. Osa ahu ahii mainjo tangg'ongan be hamotahula. Nde ahii kasihan'annu e panggilahen tak kamotahula. Apaân ahi manga hedong i hamotahula e musti sumesen i kapunya'an tanu matuana, tâ manga'matua tanu manga bata'i latahula. ¹⁵ Iboho kawalihan irahêsku pahasa kapunya'aku bo batangaku, sa ahu mahales sio i hamotahula, tâ ndeaho ahu ahii niit i hales ihamotahula? ¹⁶ Kumiit, siahuwe ahii ma'jadi tango'ngan be hamotahula, ta â katondeiaku, imawasogow i hamotahula, karua pawandei. ¹⁷ Osa' apâan ahu mahasa i minjo kauntungan be hamotahula, a tow tutud i hamotahula? ¹⁸ Dali' pimangeleihu si Titus moho osa i wakarua i hamotahula, osa sia iwasiuhu â pog balina banâkah si Titus i minjo kauntungan be hamotahula? Ahiikah kamindua menonow kumiit â roh mekele bo ahiikah kemitahula mekele kawahio-hio? ¹⁹ E too kelêitu kamotahula mangatam apaan kamitahula matogas â muka i hamotahula? Asasaangen i Ngeled tow bo tanu si Kristus ihuahu pahasa wai manga pog yang i halêsku i mamoali â ni momangun i kawaheman i hamotahula. ²⁰ Nde i haliâku, sa ahu malengai kaereaku kamotahula hii hele i nihabogku, osa hahi kaarean i homotahula ahu hii kele i kahabogen i hamotahula. Ihaluaku sa wana, pahisalahan, kanat boro, tanu batanganio, popos, buyu-mbuyung, kasukagan bo kaurasian. ²¹ Ihaliaku' apâan sa hahi ahu maleng moai, Ningumeled mawa, mawa i'ahu asasaangen i hamotahula. Osa ahu ma tapê tadoo tow a tempo behale otem itumulid orow awe kahi imawedis a kasa'mehan. Pedetuhan, bo ahem nadat e patuden i latahula.