¹ Imehe kamaulêngana, sa kamutahula êlud a kawodohan kisitkuiai. Apaan kamutahula totu'u elud beahu. ² Waaho kawalian ahu manganat behamutahula kele kanati sumesenggot. Apaan bewara wekamauleku'm kamutahula bo êsa tuama tanu meangi kamotahula kelemio mangala'un besi Kristus. ³ Sumata ahu matalp ndesa kawareken i hamutahula iwawaureng a paki'itan besi Kristus, kele si Hawa pinomandai i nulah iaho karuai kataponandeiana. ⁴ Apaan kamutahula êludio, sawana esa tou mawatara Yesus balina kelei bewawatarai hamitahula, suma aneke behamutahula roh balina mahisalaan bo tinirima suma Injil ahii mekele bo tiniruma'm i hamutahula. ⁵ Sumata saihi'it a kawarekei'ku, mande hisit ahii hurang ahu a manga rasul a talahem e miwê keleinaioho. ⁶ Sa ahu hii totoh mahalahi mapoho'dait, ahii hahi kelewaaho asakumi kawandeian, apaan kamitahula imawataram behamutahula a pahasa tepo bo asiamange. ⁷ Awa ahu mêsea', sa ahu kumi'ding imbatangan tanu mawatatang ihamutahula apaan ahu mawatara i Ninjil i Ningumêlêd be hamutahula karuai ahii sama imbaeran? ⁸ Manga jemaat balina kinandetaku baerilokoilatahula sani'boho ahu mahaelei masali i hamutahula. ⁹ Bo anoras alon a kahurengan a tutudi hamutahula ahii ahu mawasusa mande êsatou, apaan asia ahi lêkêw beahu belêkew i nanga morowo' a Makedonia sa mahi. A pahasaioho ahu mahialai batangaiku sani'boho na'am moali palihudên i hamutahula, osa ahu kelewaahomio..! ¹⁰ Tau kaulitan i Kristus a snang imbatangaiku tepu eiku mio, awahem kasukad'aiku ioho ahii kaaparan i siseiange a pahasa sakumen i Akhaya. ¹¹ Nde aho ahii? Awa hawali ahu ahii mahalês i hamutahula? Ningumêlêd mahalah iaho. ¹² Sumata asia e tatawoihu, ene-eneteiku tanu mapar silatahula saniboho silatahula alahem po'dalehan tanu nawantara, awahem silatahula mêkele bo hamitahula assakum ipahasainde'na i wapongaha. ¹³ Apaan manga totumu iaho manga rasul bo tow, matawoi lunggi, mapohereb kelei manga rasul Kristus. ¹⁴ Pahasaioho ahii ihaekang, apaan iblis kahi mapohereb kele kiongi sulo. ¹⁵ Yanasa alam niaho sa hii wiasa sa manga tapasalina mapohereb keleitu tapasali a kaulitan. Amahahad silatahula hahi tumirima i tênda iwêhumbi'an i pahasa pintulid i latahula. ¹⁶ Maleku pê'balengênoho: na'am bana totumu' mapakuaiahu bo'doh. Bo samutahula hahi mapakua kelewaaho, tinimanange ahu kele totumu' bo'doh saniboho hahi mongaha kisit. ¹⁷ Asia êmbehuahu, behuahu niaho ahii kele esatow moho'dait kumi'it i kuai Ningumêlêd, sumata' kele esatow bo'doh maheman, awahem sia do'na mongaha. ¹⁸ Apaan ta'do'o totumu mapongahai baoito'ba kele waaho hahi ahu. ¹⁹ Apaan kamutahula meêlud a tow bo'doh, nde mahahêlaman kamutahula pandei. ²⁰ Apaan kaêlu' dan i hamutahula injonemio kamutahula suma êrêsotên bo minjo kountungan be hamutahula suma mahahêlam do'na pase'en. ²¹ Karuai bako' sakia' pangakuku moho awahêm sa kelewaaho kawelio' kamitahula a mawawkelewaaho. Sumata' sa tou balona, benanei mongaha, siahu hahi do'na mapoho'dait keleitu totumu' bo'doh. ²² silatahula toui Ibrani? Siahu hahi tou Ibrani! Sa silatahula tou Israel, siahu hahi tou Israel. Awa silatahula kata' i Abraham? Siahu hahi suru i Abraham. ²³ Awa silatahula masila si Kristus? Kataana ahu keleitu alam kinasalusuian, sumata' ahu totu'u tapasali lebe mauleng, mapongugatio' ahu, mahata'do'o ahu isuang a torunggu; dina'i motahad toyo'ta mate. ²⁴ Mahalimam ahu dina'i i tou Yahudi, bo pinaha telu ngawulu' bo siowan ahu pinacambokan. ²⁵ Maha telu ahu pinacambokan i manga totumu' Roma; maha pinatuwi' imbatu. Mahatelu behalênêd e kapal sake-sakeaiku a saloyon, bo mahaando sangawengi ahu malêmbo-lêmbo a tutu'di saloyon. ²⁶ Mahata' doo ahu mahebe'be a ta'do mio sesepê, masaang indunuh, tapangandet, sesepêd hawali atou Yahudi bohahi a manga tow ahii Yahudi, sesepêd a kota, sesepêd a talatandus, sesepêd a tutudi saloyon bo mahia mangawo'towo. ²⁷ Mahata'do'o ahu ahu matawoi maha we-we'e; maga ta'do'o hii mo'o, hii makan, hii luku' ihapa'io kinaleoanem, kalotin alam lumata-latang. ²⁸ Bo alam kumua mahoimbalina, tawoeinku te'beinendo waaho mo mia-mia jamaat. ²⁹ Sawana tou mahahêlam kawet, siahu hahi mahahelam kawel so bana hahi tou ihawisu' i maha'dosio' natehu. ³⁰ Sa ahu mongaha, mongaha ahu i kahawelaiku. ³¹ Ningumêlêd waaho Amangi Yesus, Ngêlêdtou. Parayowên ahad kaeto eto' kalahan ahu ahii matowo. ³² A Damsyik ambenu bi'boho ambawa inDaja Aretas, masiu sururaho mapahiahai kota tanu tumiho'iahu. ³³ Sumata' besuang ahu a karanjang sa irêpêsoai a ndalêm mê'be ambosoi dinding kêton. Ahadiaho ahu behalêpot a kamai gubernur iaho.