¹ Pelasan bêlês i oho, osa damejinio batanganu. Mahaere manga hokomba i tutuh, lebewe’ kohomba tanu monobuat. ² Sisei mohoda-hodait karuah i tutul i tutuh, ahi,i mohoda-hodait a manga totumu, sumata a Ningumêlêd. Apa’an manda esa tow alahem moho mangarti i tutula, tutuh i humua i manga perkara i’ruru. ³ Sumata sisei ê’mobuat, sia mohoda-hodait a manga tow [totumu], sia i tumod i’tumuru bo i mibor. ⁴ Sisei mohoda-hodait a tutul i tutuh, sia i tumod imbatanganna mio, sumata ê’ nimobuat, sia tumod jamaat. ⁵ Mabog’ahu, saboho kamotahula mohoda-hodait a tutul i tutuh, sumata’i halebei boho, saniboho kamotahula mobuat. Apa’an tow i mobuat lebe wakobaera nde totomu ê mohoda-hodait bo tutul i tutuh, kacuali sa totumu wa’oho hahi mongutêh ahad jama’at do’na todên. ⁶ Yanasa, morowog, siahu mahi wehow bo mohoda-hodait bo tutul i tutud, asiawe berêguna iho behow, sa ahu ahi’i i mehe we how toturu i Ningumêlêd suma koita’uan suma nobuat suma toturu. ⁷ Mekele hahi bo manga barang atalahê kanaluna, sumata mahenu, kele poloit bo kecapi kelembisa tow do’na mahailah i lilibanumu g asia ê mbewayayang i poloit suma kacapi, sa si landua ahi’i mahisalaan kawahenu? ⁸ Suma,sa terompet ahi’i motoling sisei ê mawasadia tanu maperang? ⁹ kele’aho hahi kamotahula e hohoda-hodait karua i tutul i roh, sa hamotahula ahi’i ê mapake manga kodait teas, kelembisa hahi tow do’na mangarti asia niaho behua i homotahula? Kawa’hodaitnu alahêm ange torona i huai homotahula a kakab? ¹⁰ Tado’o mio-suma kelembisa katado’an i kawa tutul am bao itoba, mandei kele aho mande êsa mange be silatahula e mahênu’ ahi’i motoro. ¹¹ Sumata sa ahu ahi’i mahalah katoroan tutul i hoho, mamuali ahu tow balina beahu. ¹² Keleaho hahi têka homotahula. Kamotahula memang i maberusa amindo manga kohomba i tutuh, sumata lebena aho kamotahula mapandang maberusa mapake oho tahu tumod i jama’at. ¹³ Kawalian’oho sisei mohoda-hodait tanu tutul i tutuh, sia musti sumombayang, saniboho besia bean hokomba tanu tumapsir. ¹⁴ Apa’an sa ahu sumombayang bo tutul i roh yanasa tutuhku mio ê nisumombayang, sumata pengutêheku ahi’i harua masombayang. ¹⁵ Jadi, asiahahi ê musti tawoi’ku? Siahu sumombayang karua i tutuhku sumata ahu sumombayang bo kasasonainku asakum ahu kumatar bo dumayow karua kasasonainku. ¹⁶ Kawalian, sa how dumayow bo roh nu mio, kelembisa totumu biasa ê imahi kele watanga’ kumua ulit a’ kua m dayow’nu maulengio. Sumata tow balina, a hi’i binangun. ¹⁷ Kawalian mande dayownu maulengio sumata tow balina ahi’i binanguna. ¹⁸ Dumayow ahu i ningumêlêd, awahem ahu mahoda-hodait imbahasa roh lebe be hamotahula i pahasa. ¹⁹ Sumata a potauan in jama’at lebe ahu mobag kumua lima kukua e’dona pangartian tanu masusui tow balina darape. Maribu kukua am bahasa roh. ²⁰ Morowog, naam kele kawa uteh i kedong, mamoali kele kedong a kata pia’an, sumata totumu matuiam asuang i muteh. ²¹ A suang i hukum torat be watig i totumu bana kukua balina bo nubuat tow balina mo hodait ahu a tow balina. Sumata ahi’i silatahula maibog tumanga i AHU. ²² Apa’an i boho kahomba’ kuykua i roh tutua ahia totumu meheman kahomba tanu ma nobuat mekele wo tepai a’totunu ahi’i meheman. Sumata a’ totunu maheman. ²³ Mamoali sa pahasa Jama’at sumesen makaruharua bo esa esatow menunu bo kukua i roh, osa sumuangoai totomu balina, suma totonu a hi’i maheman, ta’a sakum ilatahula kumua be komotahula sono’i. ²⁴ Sata sa pahasa monobuat sumuangoai totumuahi’i maheman suma totomu taleya.Sisia meman i pahasa si nolusui i pahasa. ²⁵ Pahasa tataru a suang anatena, maindo mamuali ulit. Ahad kumua sumiri i Ningumêlêd bo kumua. Totuu how Ningumêlêd a tutu i hamitahula. ²⁶ Mamuali kelembisa i’ai talewe, morowog? Sahamotahura simesen meromerot esa-esa tow dumayow tow balina Mazmur balina pangajaran. Suma kataraan Ningumêlêd suma karunia sumolusui kykua i roh sumata pahasa musti mawereguna tanu memangun. ²⁷ Sabana totumu menunu akukua i roh mande katadoan dua tele tow a esa bo esa bo bana esa tow balina tumapsir. ²⁸ Sa alahem totumu tu mapsir mande silatahula metewio a petauan in jama”at, bo bati menunu a batangana mio, bo a Ningumêlêd. ²⁹ Asakum nabi-nabi lebea dua suma tele tow atutu ilatahula moda-hodait balina masili a sia behua ilatahula. ³⁰ Sumata sabana tow balina dumatu ratu bi boho mahaere pelilahan yanesa apahamunan mete woho. ³¹ Apa’an pahasa komotahula do’na monubuat esa bo esa ahad pahasa komotahula dona mahajar bo mahere korowotan. ³² Kohomba nabi-nabi talo a nabi-nabi kokomba nabi kumuru amanga nabi. ³³ Apa’an Ningumêlêd ahi’i mabog madika mepatewate sumata sononoi. ³⁴ Mekele a pahasa Jama’at manga tow lenan, manga wene musti metewio a papetauan iu jama’at. Apapa’an silatahula ahi’i i’ehe mohodait. Silatahu musti kumuru imbantangan, mekelr ambehuana hahi a hukum torat. ³⁵ Sasilatahula mabog mahalahi lebe bae silatahula, tumaan a karoong ilatahula ambale. Nde ahi’i luboi. Manga wene menunu apapetauan in Jama’at. ³⁶ Suma awa kukua i Ningumêlêd i molai behomo tahula? Suma, bati behomotahula hahi kukua iho imahim? ³⁷ Sa bana nesa tow mangatam sia nabi suma tow i mahaere kokomba sarani, musti sia maholah, awahem asia embehuana behow waaho perenta Tuhan. ³⁸ Sumata sa sia ahi’i marduli i’oho, na’am kahi homotahula marduli i sia. ³⁹ Boho kawaliuan, morowog’ku damejin nio batanganu sa’ mahaere hokomba sa monubuta bo naam kahi dumarang tow e mohada-hodait bo tutul i tutuh. ⁴⁰ Sumata Pahasa oho musti I hlawus karua I bo be atoran.