¹ Awahem nia katelunam ahu mahi behomotahula. Batipemanga katrangan duasuma telu tow sarii a nesa werkara totuu (ulit). ² Be silatahula a tepo i lumeotêm i mêsea, bo apahasa tatumu balina, behuahum a pahamunan bo mahasawe kahi maleeu ihua, ia italewe a tepo ahu andekang bo homo tahula têna (têpat) kele a tepo kahahihu karuana, awahem ahu ahii mainjo mahalês silatahula a tepo ahu maleng mahi. ³ Nde hamotahula mabog esa tanda (bukti), awahêm Kristus mohodahodait bo hii sia hawe! Be homotahula, sumata mahahawasa a tutud ihomotahula. ⁴ Apaan mandewe sia kinalawatem (telah disalibkan) hawali kahawelan, sumata sia menenow nda kawasa i Ningumêlêd. ⁵ Silihenange (ujilah) ê batanganumio, awahahi hamotahul menet mête (moote) a kawaheman, silihenange batanganu! Awahahi hamotahula hii meman (yakin) i batanganu, awahem Kristus Yesus a suang i batangan i homotahula? Apaan sa hii helewaboho, kamotahula ahii mête-ête. ⁶ Sumata paharaweiku, awahem kalahan ihomotahula, awahêm ahii hamitahula ê tahii mête-ête. ⁷ Sumombayang kamitahula a Ningumêlêd, saniboho homotahula naam tumulid (tumawoi) tapia ahii saniboho hamotahula wai dona tumulid asia niaho maulêng, mandewe kamitahulawe kawilahan ahii (moote). ⁸ Apapaan kamotahula hii rona tumulid awa-awa lumawah (sumaru) i kabenara, êndona tuliden i homotahula êwai tanu kabenaran. ⁹ Apapaan kamotahula mekahi, sa hamotahula hawe bo homotahula morowot. Osa waii hahi ênisombayang i hamitahula, waaho saniboho kamotahula mamuali mauleng (ahem dai) (loor). ¹⁰ Wahaho kawalian mahasaiai ahu manulis be homotahula tepo ahu mederekangan bo hamotahula, saniboho sa ahu a tumututud be homotahula, ahii sama ahu minjo i kahetehan kumiit kawasa ê behokomba (dianugerahkan) i Tuhan beahu tanu (mainjo) momangun bo ahii tanu mawawêbeled. ¹¹ Amahahad, siri manga morowoku, mêkahiange damejinio batangannu saniboho motolimomod (ahem dai) loor. Tirimannange pahasa.tuturuku ! Esa kawate esa kawahuteg, i homotahula. Menonowange mosononi, yanasa Ningumêlêd, lumbuhan imbêlês bo kaenowan malalasoho be homotahula. ¹² Apa’an iyaitalewe kita melilah a seremin bana gambar morendem, sumata hi’i êto kita maindo milah tokia bo tokia. Ia’i talewe ahu bati mahahilala karua i tahi’i têkêw, wumata hi’i êto ahu maindo mahahilala karua i lêkêw kele siahuwe kahilala’an. ¹³ Ênde kelewa’aho bati kêmange wa’aho katelu ia’i, awa’aho kawaheman, paharawan bo beles, bo’êm bako ni’it êwa’i beles.