¹ Mamuali mange mahalas kêahu, kêlê siahu mahala be si Kristus kiangi kohong i mbênê. ² Dumagow ahu i hamutahula nde asia mangê, hii hamutahula molingo iahu bo menet-mêtê-ête mataka a a tutuu i mbeteiilan kehamutahula. ³ Sumata haboku komutahula mahalad iai, awahêm kahong i tuama si Kristus, kahong i mbene, tuama esa kahong i Kristus si Ngêlêdtow. ⁴ Pahasa tuama sa masombayang suma monobuat sa kahong mêkukung, anedona i kohonga. ⁵ Sumata pahasa kene, masombayang suma ma nabuat ahii mêkukung, medouos i kohonga nde sia mêkele bo kene kisasombayang. ⁶ Apaan sa kene ahii ma bo mekukung, ahitoro sia kumuting i mtanga. Sumata tamu kene, medoros-sa kumuting enutanga suma kimasombayang ahi toro sia, mêkukung. ⁷ Apaan tuama hii sama mêkukung; sia mawasulo i tara bo kaloaian i Ningumêlêd. ⁸ Apaan tuama ahii tinulid a mbene, sumata kene e tinulid a tuama. ⁹ Bo tuama ahii tinulid apapaan i mkene, sumata kene tinulid apapaan tuama. ¹⁰ Waahokawalian kene ahitow mapake têpai pebawa a kohonga tamu a monokiing. ¹¹ Sumata kelewaaho, a sakum i Ningumêlêd alahêm kene hii tekai tuama, bo alahêm tuama hii têka i mbene. ¹² Apaan mêkele kene tinulid a tuama kele waahohahi tuama i tumow a mbene esa pahasaiboho a Ningumeled sa mahi. ¹³ Petimbangenumio ; saloor kene masombayang a Ningumeled ahisama mekukung? ¹⁴ Kayombaanemio ihumua kehow awahem medoros i tuama sa sia utah katangan. ¹⁵ Sumata mainjo sisiiim a nikene, sa sia utah katangan? Apaan utah kehe a mkene mainjo kukung. ¹⁶ Sumata sawana totumu mabo sumêpa, kamitahula tekahahi jamaat i Ningumeled ahii manauam i aho kalewaaho. ¹⁷ Asakuni pahasa atoraniai ahii ahu dumagow i hamu tahula apaan papêtanuan i hamutahula ahii meang kamaulêngan sumata meang katapiaan. ¹⁸ Awahêm apamunaan kinataanaiku sa kamitahula masêsêsên tanu jamaat, kana papahisalaan kehamutahula. ¹⁹ Apaan a tutud i hamutahula hiitoro kana pahisalaan saniboho i hatara a mahahad a tutud i hamutahula sisey ê mongête, ²⁰ Sa hamutahula masêsêsên, ahii masêsêsên mêdekoman. Wakauai Ningumêlêd. ²¹ Apaan a papêdekoman iaho pahasa totumu kuman i kakomêna mio, mahahad kalina maleo kalina malolango. ²² Awa hamutahula alahêm kalenu mio tanu pakanan bo palekuan? Siana ma bo kamutahula medoros i jamaat i Ningumeled bo mawwasekia i pahasa tou lengei. Asia nihiuahukehemutahula? Dumagow ihamutahula? Ahii ! Asaleam i pahasa yai ahi ahu dumagow. ²³ Awahem asia kelansuku kehow ainirimahu be ngêlêd tow. Awahem Tuhan Yesus amkengi sia be toro, minyo uoti. ²⁴ Esa kumua piawiaaneho, pamisumisunge Na bo moludait : “ wai batangaiku, ketaum tanu kamutahula, tulidênange wiai mainjo papangimunan i ahu!” ²⁵ Kelewaaho hahi minyo sia kower, mahawu moho, esa sia kumua :” kaweiai awahêm sasani taleya si negel indahaku, tulideniai tebe hemutahula luku esia mainjo pangimunan i ahu!” ²⁶ Apaan tebe kamutahula kuman bo lului kowen iai, kamutahula sumahai pinatean i Tuhan motahad sia mahi. ²⁷ Yanasa siseyange kuman roti suma luku kower i Tuha ahii mêtênaan, sia mahaorow ambatangan bo daha i Tuhan. ²⁸ Waaho kawalian êsa-êsa tow sumilid i mbatangan mio, bo ihalawusaho niaho sia kuman roti bo lulai a kower iaho. ²⁹ Apaan sisei kuman bo luku, sa ahii mongee a katangan i Tuhan, sia meangai ukuman ahii sisiamio. ³⁰ Apaan niaho a tutud i hamutahulah tadoo ê kawel bo pahadosem, esa tadoo i mamate. ³¹ Sa hita masilih imbatangan ihita mio, ikuman ahii tumerai hita. ³² Sumata sa hita i ikuman i Ningumêlêd dinabas hita, sani baho hita ahii ikuman kama i mbaoitoba. ³³ Waaho kawalian murowoku sa hamutahula sumêsên medekoman merosodoananange morohama. ³⁴ Sa bana totumu maleo, kupapê sia ambalena mio sanibaho ahii kamutahulah sumêsên nde ikuman. Balinaiho tulideiku hemangê sahu imalengemai.Kananaman mêsala a papêdekoman kengi.