¹ I haboku sarona kamatahula mahailak i manga pog i hamatahulah kelembisa nawo i hita a suang i towuod bo silatahula i lumeod i saloyon. ² Mainjo i walalas i Musa si latahula bi nabtis a suang i towuod bo a saloyon. ³ Pahasa si latahula i human kakanen sarani mekele. ⁴ Osa silatahula i luku i palekuun sarani yang mekele osa hahi i luku am batu karang sarani bo silatahulah melas am batu karang i Ningumelêd. ⁵ Mande i keleaboho ahii behe i ngeled tow apa-apa’an i mawohodem a padang gurun. ⁶ Pahasa wai mainjo pa ponarahen be hita ba i wapa wa imun behita saniboho hita naam mabog i tapia kele tinulid i latahula. ⁷ Osa naam kita mainjo tapemasil kele i payuliden i esa rua tow be silatahula. Kele im be watih. Dumatuh pahasa si latahula osa kuman bo luku, i tumod bo marayo-rayow. ⁸ Naam kita tumulid medetuhan kele wa tuliden i esaan be silatahula sampe sagando i mate dua ngawulub telu ngoribu tow. ⁹ Naam kita mahepe i ngeled tow kele pa tuliden i esa, rua tow a tutud i latahula. Osa si latahula i mate tinoko i nulah. ¹⁰ Naam kita sumbu-sumbutanga kele tinulid i esa rua tow a nepang i latahula osa moai powasen i malaikat maut. ¹¹ Pahasa i boho i mamonu ki nelan i latahula mainjo pahuludan bo be watih mainjo pangimunem behita a menonowe ahad i potahadan. [kaeto-eto]. ¹² I boho kawalian sisei mahara-raw amened tio tu molod mapilah saniboho ahii haeled. ¹³ Pahasa pa kelamen i hamotahulah bati kele mio i boho, ahii lumeod a keter/ugad ihita. Awahem Ngelet tow satia i boho kawalian ahi’i ilingona kamotahulah beêpean lumeod i ketenu. Atempo kamotahulah beêpean bi neana kamolahulah dalan sampe hamotahulah mampu i tumanggong. ¹⁴ I boho kawalian manga pogku karua im beles du mekang a tape masil. ¹⁵ I huahu be how a tow mo elud, petimbangenu asia behuahu. ¹⁶ Ahi ikah a cowen, kumua hita bako kahi a sinagotan in daha i Yesus. Ahii roti pinamisung mie pa sigotan bo si Yesus?. ¹⁷ Apaan roti mainjo esa, i boho kawalian kita mande tadŏo tâ esa batangan apapâan pahasa hita i mahae re daha i Yesus? ¹⁸ Pilahen mauleng e bangsa Israel a katoroan i keter. Ahii silatahula i human asia be sarakan mahaere beteng a nisumali a mesbah. ¹⁹ Asia e pa tujun i kukuaioho? Apaan pahasa tape masil tetap esa. Atau pasil i mainjo esa? ²⁰ Ahii ! Asia niaho i habogku waaho ni ehe a pasil tapia. Ahii besi Ngeled tow. Ahii habogku kamotahulah so goten i pasil tapia. ²¹ Ahii kamotahulah luku a cowea i Tuhan bo a cowen i pasil tapia. Ahii kamotahulah mahaere betengi a medekoman bo Ngeled tow bo medokoman a tapemasil. ²² Esa i habog i hita i hatape i Ngeled tow? Apaan kita dona lumeod i keter/Ugad i Tialog? ²³ Pahasa waaho dona : Kumiit. Tâ ahii pahasa ê bereguna : pahasa waaho ahii pahasa ê momangun/ete. ²⁴ Ahem nde hita mangilah kâuntungan i hita tâ i munen e tow balina ma pangilah kauntungan. ²⁵ Pahasa kamutahulah dona kuman i ni wapa jual â pasar i keted, ahii miriksa i katanedan i nate. ²⁶ Apaapaan baoitoba bo suanga im bao toba itu i Tuhan. ²⁷ Sa hamotulah noten i tow kuman osa ahii mo eman, osa tiriman i hita eho ê not. Kuman asia ni wulagnga ahii miriksa i pahasa katanedan i nate. ²⁸ Sumata sa esaan besi latahula, kumua be how waaho masombayang â tapemasil naam niaho kanenu. Apaan i huana niaho a katanedan i taan i nate. ²⁹ Dona mange pahasa katanedan ahii sa katanedan ahii sa katanedan i taan i natenu tâ katanedan i nate i tow balina. ³⁰ Saahu kumapet i kahi asia niaho kinanu, ndeaho kua i tow tapia hawali a kakanen nde-pedayowen. ³¹ Sinowatku sa ho human bo luku bô sa how tumulid balina, tuliden niaho â marayow i Ngeled tow. ³² Naam kow mawalembo i tape a nate i tow , bae-niaho tow i yahudi, tow i yunani bae jamaat i Tuhan. ³³ Mekele ahu i mawa senang i nate i pahasa tow osa ahii tanu siahu, tânu pahasa tow sarona mahaere kaenowan.