¹ Waki Ikonium tu’u se rua rasul i ti’i se ghimorem witu e wale ibadat ne tou Yahudi, laa o mee teturu’ en tuana rupa, i ka’ayo eng kelaker se tou Yahudi wo se tou Yunani se mina eman. ² Ta’an se tou-rou Yahudi, se simede’ em paabaran nea, se minasu’la e nate ne tou-tou reiy’ maka sine’u si Empung wo e simiwo nisea meupi’ wia se patuari-patuari i ti’i. ³ Paulus wo si Barnabas se minena’ pirala nga edo eng keurena witu. Nisea se mawee teturu’ ampit em berani, kaa nisea se ma’eman wia si Tuhan. Wo si Tuhan si minente’la e nabar tanume e nupus karunia-Na ampit e kimaruniala wia nisea eng kuasa kaa laa metetuanala eng kowa’-kowa’ wo e mujizat-mijizat. ⁴ Ta’an se tou kelaker witu eng kota i ti’i se minaweteng minapa rua: wawean se maedo-edo se tou Yahudi, wawean kangkasi se maedo-edo wia se rua rasul i ti’i. ⁵ Takar muleiy mouw se tou-tou reiy’ maka sine’u si Empung wo se tou-tou Yahudi mewali-wali ampit se pa’aka-aka’an nea e limentutla e nesa gerakan kaa mesesiksa wo melelawala se rua rasul i ti’i ampit em batu. ⁶ Se rasul-rasul i ti’i nu minete’u mola nyi’a, o sumingkirouw sea mea waki kota-kota waki Likaonia, nyi’a i ti’i e Listra wo en Derbe wo en daerah kaledongna. ⁷ Witu sea maabarla e Injil. ⁸ Waki Listra wawean siesa tou si merube-ruber i te, karengan e lewea’ e ne’ana wo si kepor rengane’ neiy i patoumi wo reiy’pe’ ma’an mekasa toro kumelang. ⁹ Nisia si rimuber o malingala, katoroan si Paulus nu meila’. Wo si Paulus si timu’us nisia wo limoo’, kaa nisia si maka iman wo si toro le’osen. ¹⁰ Laa o pokeiy ni Paulus ampit en suara menaleinteng: “Rumedeiy mouw makateren witu natas e ne’amu!” Wo sitou i ti’i si kimompo’ rimedeiy, laa o kumelang mea o meiy. ¹¹ Katoroan se tou kelaker nu limoo sapa en siniwola ni Paulus, nisea i ti’i se minaleiy witu em baasa Liakonia: “dewa-dewa se timumpa mouw wia eng keuneran ta witu e nasar ne tou.” ¹² Barnabas si patotoren nea Zeus wo si Paulus si patotoren nea Hermes, karengan nisia si meila-ila’. ¹³ Takar meiy mouw si imam ni dewa Zeus, eng kuilna e rimeta’ waki luar kota, si maali-ali se sapi-sapi raghar wo e wungang-wungang e niali waki lengko’an kota kaa laa mesesempela en tetule mewali-wali ampit se tou kelaker wia se rasul-rasul i ti’i. ¹⁴ Liminga e ni’itu si Barnabas wo si Paulus se kimurensangla e labung nea, laa o tumumpele’ witu eng keuneran ne tou kelaker kasuatan maaleiy: ¹⁵ “Heiy kouw nu waya, ka’a kouw simiwo en tuana? Nikeiy i yi’i keiy tou i te karengan masuat tanu nikouw. Nikeiy keiy wia nyi’i kaa ma’abarla e Injil wia nikouw, rio kouw tumele’ula em pasiwo-siwon reiy’ sipenoron i yi’i wo murikit wia si Empung matou-tou, si simiwo mola e langit wo em bumi, en tasik wo e reiy’ sa mina’asa em pumpunna. ¹⁶ Witu en zaman limangkoiyla Empung si minayala em baya ne bangsa kumi’itla e lalanna siesa o siesa, ¹⁷ Ta’an Nisia reiy’ kaa e reiy’ minapa’atola en tou-Na ampit e reiy sa mina’asa kale’osan, nyi’a i ti’i ampit en timumpami e naro waki langit wo ampit mineela e nora-oras rewur i wee nikouw. Nisia si minapateu-teula e natemu ampit eng kekaanen wo eng kelaya-laya’an.” ¹⁸ Ma’anouw tu’u se rasul-rasul i ti’i se limila’ en tuana, ta’an sea se tawi-tawi reiy’ mete’u malouw wia se tou kelaker se mesesempela en tetule wia nisea. ¹⁹ Ta’an meiy mouw se tou-tou Yahudi waki Antiokia wo Ikonium wo nisea se minelur se tou kelaker i ti’i o rio maedo-edo nisea. Laa o sea lumawa si Paulus ampit em batu wo kumeong nisia waki luar kota, karengan nisea se mapokeiyla, kaa nisia si minate mouw. ²⁰ Ta’an katoroan se murid-murid i ti’i rimedeiy limedongla nisia, o tumo’orouw sia laa o ghumorem witu eng gorem eng kota. E nendo kawo’odoanna o mae mouw sia mewali-wali ampit si Barnabas mea waki Derbe. ²¹ Paulus wo si Barnabas se maabarla e Injil waki kota i ti’i wo se minaka’ato laker murid. Laa o marengouw sea waki Listra, Ikonium wo e Antiokhia. ²² Witu en tampa i ti’i nisea se minente’la e nate ne murid-murid i ti’i wo ngime’enge’la wia nisea rio sea tumentem witu e iman, wo limila’la, kaa sa megheghorem witu eng Keraja’an ni Empung nikita ta lewo’ sa reiy’ me’anla e laker peme’itan. ²³ Wia e susur jema’at se rasul-rasul i ti’i se timantula se penatua-penatua i wee se jema’at i ti’i wo nisea nu simombayangola wo minoso mola, sea sumarakan se penatua-penatua i ti’i wia si Tuhan, si kembu’an em pa’emanan nea. ²⁴ Nisea se kimere e minapekasa em Pisidia wo i ka’ayola waki Pamfilia. ²⁵ Witu sea se minabarla e nuwu’ waki Pirga, laa o mea waki Atalia, waki pante. ²⁶ Maname o mole mouw sea mea waki Antiokhia; waki tampa i ti’i mouw nisea eng ketarean nu neiy i sarakan witu e nupus karunia ni Empung kaa laa mememuleiy em pepa’ayangen, e neiy mouw i sampet neala. ²⁷ I kekeka’ayola witu sea kumeret se jema’at merur, laa o sea mumanla e reiy’ sa mina’asa wo’o sapa en tinuanala ni Empung ampit e nieletan nea, wo kaa Nisia si minuka’ mola em pepalen i wee se bangsa-bangsa walina witu e iman. ²⁸ Witu sea se ure maana’ mewali-wali ampit se murid-murid i ti’i.