¹ Witu e nedo ni’itu witu se jema’at waki Antiokhia wawean se pirala nabi wo se mememee teturu’, nyi’a i ti’i: Si Barabas wo si Simeon si patotoren Niger, wo si Lukius tou Kirene, wo si Menahem si niurus mewali-wali ampit si raja wilayah Herodes, wo si Saulus. ² Witu e nendo mekasa katoroan sea nu maraghes wia si Tuhan wo maposo, o lumila’ mouw e Roh Kudus: “I wuntulola si Barnabas wo si Saulus i wee-Niaku kaa e lukar neiy mouw i Kutantula i wee nisea.” ³ Takar moso mouw wo sumombayangouw sea, wo sea nu rimeta’ mola e lawas witu natas ne rua tou i ti’i, sea mayala sea nu rua mea. ⁴ Karengan neiy i reo ni Roh Kudus, Barnabas wo si Saulus se minae waki Seleukia, wo maname sea mole mea waki Siprus. ⁵ I keka’ayome waki Salamis nisea se minabarla e nuwu’ ni Empung witu e wale-wale ibadat ne tou Yahudi. Wo si Yohanes si rimapitla nisea tanume si sumesawang nea. ⁶ Nisea se limedongla e minapekasa em pulau i ti’i i ka’ayo waki Pafos. Witu sea maatoan ampit siesa tou Yahudi mekengaran Baryesus. Sia siesa tou menenihir wo si nabi palsu. ⁷ Nisia mouw si ka’ampit ni gubernur em pulau i ti’i, Sergius Paulus, sia mouw si tou pande. Gubernur i ti’i si kimeret si Barnabas wo si Saulus, karengan nisia si pa’ar melelingala e nuwu’ ni Empung. ⁸ Ta’an si Elimas – tuana mouw e ngaranna witu em baasa Yunani –, si menenihir i ti’i, si mengape-ngape’la wo me’inakut ma’engkolla si gubernur i ti’i witu e imanna. ⁹ Ta’an si Saulus, o kangkasi si patotoren Paulus, si wuta ampit e Roh Kudus, si timu’us nisia, ¹⁰ wo lumila’: “Heiy oki’ ni Iblis, nikoo koo minawuta ampit e rupa-rupa wiles eng kawilesan wo eng kalewo’an, nikoo koo kesaru e reiy’ sa mina’asa eng kaulitan, reiy’ re’en koo laa mena’ ma’engkolla e Lalan ni Tuhan e rondor i ti’i? ¹¹ Teakan, loo’onouw, e lawas ni Tuhan mineiy en timoro nikoo, wo nikoo koo minerapa, em pirala nendo eng kaurena nikoo koo reiy’ mete’u lumoo’ si endo.” Wo katoroan i te ni’itu kangkasi sitou i ti’i si mapedam tinawunani en semu wo e reidem, wo katoroan meringka-ringkap nisia si lewo’ sa reiy’ sumero tou rumawir nisia. ¹² Limoo’ sapa e minamuali mola i ti’i, ma’emanouw si gubernur i ti’i; nisia si mina’erang kaa en teturu’ ni Tuhan. ¹³ O laa si Paulus wo se ka’ampit-ka’ampitna se timele’ula em Pafos wo moleme waki Perga waki Pamfilia; ta’an si Yohanes si timele’ula nisea laa o mareng waki Yerusalem. ¹⁴ Waki Perga sea mapawee-weela em pakela-kelangan nea, laa o sea i ka’ayola waki Antiokhia waki Pisidia. Witu e nendo Sabat nisea se minea waki wale ibadat, laa o rumuber witu. ¹⁵ Ni’itu nu simampetou em pewaca’an witu e nukum Taurat wo eng kitab ne nabi-nabi, se pejabat-pejabat e wale ibadat se rimeo mueiy wia nisea: “ Patuari waya, sawona’ se patuari waya se wawean ower kaa laa meteteren wo me’ibor se umat i yi’i, i laa mouw!” ¹⁶ Takar tumo’orouw si Paulus, sia si minee tanda ampit e lawasna, laa o lumila’ : “ Heiy tou-tou Israel wo nikouw si meide’la si Tuhan, linganola! ¹⁷ Empung ne umat Israel i yi’i si minelengola se nene moyang taw o simiwo se umat i ti’i minamuali wangko’, katoroan nisea nu maana’ waki Mesir tanume se tou wo’oseiy. Ampit e lawas-Na mulia Sia si mina’aka-aka mola wia nisea rumou’mi waki e wanua i ti’i. ¹⁸ Epat nga pulu’ nge te’un eng keurena Sia si sabar witu em pake’a-ke’angan nea waki padang gurun. ¹⁹ Wo sia nu minunengola se pitu bangsa waki tana’ Kana’an, Sia memete-metengla en tana’ i ti’i wia nisea kaa laa mamuali warisan nea ²⁰ eng kaurean wo’o wona’ epat nga atus lima nga pulu’ nge te’un. Nu reiy’ mouw i tu Sia meela wia nisea se aki-akim i ka’ayo witu en zaman ni nabi Samuel. ²¹ Kamurian sea kumiwee siesa raja wo si Empung si mineela wia nisea si Saul bin Kish wia se walak ni Benyamin, epat nga pulu’ nge te’un eng keurena. ²² Si Saul nu neiy mouw i singkirla, Empung si minopo si Daud minamuali raja nea. En tanume si Daud Empung si limila’ mola: Niaku ku minato mola si Daud bin Isai, siesa tou mekepa’aren witu e nate-Ku wo si matuanala e reiy’ sa mina’asa eng kepa’ar-Ku. ²³ Wo waki se see’na mouw, se minatoroan ampit e neiy mouw i ta’ar-Nala, Empung si timo’orola si Lumelawir i wee se tou Israel, nyi’a i ti’i si Yesus. ²⁴ Melelaa eng ke’e eiy-Na Yohanes si minaaleiy mola wia se minapekasa bangsa Israel rio sea makedo’ wo meela en tou baptisen. ²⁵ Wo katoroan si Yohanes nu tawi mouw sumampet lumekepla e lukarna, sia lumila’: Niaku ku reiy’ Nisia si i papokeiy miouw, ta’an Nisia si laa meiy kamurian ta’an niaku. Mewewuka’la eng kasut witu e ne’a-Na tu’u niaku ku reiy’ waar. ²⁶ Heiy patuari-patuariku, le’os se neiy i kaghorem see’ ni Abraham, ma’anouw tu’u se meide’la si Empung, e nabar kalawiran i ti’i e neiy mouw i pa’ayola wia nikita. ²⁷ Karengan se penduduk Yerusalem wo se ma’aka-aka nea se reiy’ maakula si Yesus. Ampit e mineela e nukuman paten wia Nisia, nisea se limekepla e lelila’an ne nabi-nabi em pewacala susur e nendo Sabat. ²⁸ Wo ma’anouw tu’u sea reiy’ minatola wo’o sapa en toro mamuali to’otolan kaa e nukuman paten i ti’i, ta’an nisea se kimiwee mouw wia si Pilatus rio Sia wunu’in. ²⁹ Wo sea nu limekepola e reiy’ sa mina’asa wo’o sapa e neiy i kepatik en tanume Nisia, nisea se timumpala Nisia witu eng kayu salib, laa o ghumoleiyla-Nisia witu eng gorem eng kubur. ³⁰ Ta’an si Empung si timo’orla Nisia witu e nelet ne tou minate. ³¹ Wo eng keurean pirala nga edo Sia minapa’atola en tou wia nisea se maki’itla Nisia waki Galilea mea waki Yerusalem. Nisea i ti’i mouw en teakan se minamuali sairi-Na i wee se umat i yi’i. ³² Wo nikeiy teakan keiy maabarla e nabar mekepa’aren wia nikouw, nyi’a i ti’i kaa en ta’ar neiy i weela wia se nene moyang ta, ³³ e linekepola ni Empung wia nikita, se see’ nea, ampit timo’orla si Yesus, tanu neiy i kepatik witu e mazmur karua: Si Oki’-Ku Nikoo! Niaku ku minapaurangola Nikoo Witu e nendo i yi’i. ³⁴ Empung si timo’orola Nisia witu e nelet ne tou minate wo Sia si reiy’ laa i sarakan sumeup witu eng kapunengan. Eng kapualitan i ti’i e neiy i papaloo-loo’ola ni Tuhan witu enuwu’ i yi’i: Niaku ku laa lumekepla wia nikoo en ta’ar-ta’ar kudus en toro emanela, e neiy Kumouw i weela wia si Daud. ³⁵ Kaa ni’itu Sia si limila’la witu e mazmur walina: Nikoo koo reiy’ laa mayala Sitou Kudus-Mu lumoo’ eng kapunengan. ³⁶ Karengan si Daud si timuanala eng kepa’ar ni Empung witu en zamanna, laa o sia tumayan wo i le’osla witu esa nga weka ne nene moyangna, wo nisia si memang neiy i sarakan witu eng kapunengan. ³⁷ Ta’an si Yesus, si tino’orla ni Empung, reiy’ tuana. ³⁸ Jadi kete’uanola, heiy patuari waya, o karengan Nisia mouw takar tu i abarla wia nikoo em paampungan en dosa. ³⁹ Wo witu Nisia susur tou se ma’eman se maka’ato eng kabebasan waki e reiy’ sa mina’asa dosa, e reiy’ ka’atoan niouw witu e nukum ni Musa. ⁴⁰ Kaa e ni’itu, tumeghamouw, rio te’a mamuali wia nikouw sapa e neiy mouw i lila’la witu eng kitab ne nabi-nabi: ⁴¹ Ghenangenouw, heiy kouw sumesero’-sumesero’, i kenganga mouw wo mere’i mouw, karengan Niaku ku metetuanala e nesa pepa’ayangen witu en zamannu, e nesa pepa’ayangen, e reiy’ laa emanen niouw, sa i susuiyla wia nikoo.” ⁴² Katoroan si Paulus wo si Barnabas kumaluar, nisea se kiniwee kaa laa sumusuiy en tanume em poong i ti’i’ kangkasi witu e nendo Sabat tumodongla nyi’a. ⁴³ Ni’itu nu simampetouw e maraghes, kelaker se tou-tou Yahudi wo se maki’i-ki’it e agama Yahudi se meide’ wia si Empung, se kimi’itla si Paulus wo si Barnabas; se rua rasul i ti’i se timuru’ nisea wo ngime’enge’la rio sea reiy’ mena’ matou-tou witu e nupus karunia ni Empung. ⁴⁴ Witu e nendo Sabat tumodongla nyi’a o meiy mouw se weitouw e minapekasa eng kota i ti’i se minerur kaa melelinga e nuwu’ ni Empung. ⁴⁵ Ta’an kaa, eng katoroan se tou Yahudi nu limoo’ se tou kelaker i ti’i, o mawuta mouw sea ampit e niri ate wo kasuatan maojat, sea makelong sapa e neiy i lila’la ni Paulus. ⁴⁶ Ta’an ampit em berani si Paulus wo si Barnabas se limila’: “Memang wia nikouw mouw e nuwu’ ni Empung e lewo’ sa reiy’ i abarla ketarean, ta’an nikouw kouw simede’ nyi’a wo mapokeiyla en toumu e reiy’ waar laa maka’ato em patou-touan kekal. Kaa e ni’itu o keiy lumenge wia se bangsa-bangsa walina. ⁴⁷ Karengan e nyi’i mouw e neiy i perentala wia nikeiy: Niaku ku timantu mola nikoo mamuali terang i wee se bangsa-bangsa se reiy’ makasine’u si Empung, rio koo mali eng kalawiran i ka’ayo waki en tempok em bumi.” ⁴⁸ Liminga e ni’itu o lumaya’ mouw em baya ne tou se reiy’ maka sine’u si Empung wo nisea se limo’orla e nuwu’ ni Empung; woe m baya se tou neiy i tantula ni Empung kaa laa matou-tou kekal, se ma’eman. ⁴⁹ O laa e nuwu’ ni Tuhan e neiy i siarla waki e minapekasa en daerah i ti’i. ⁵⁰ Se tou-tou Yahudi se meule se wewene-wewene i parerio-rerior se meide’la si Empung, wo se pemangko’-pemangko’ witu eng kota i ti’i, wo nisea se limentutla em paghioan wia si Paulus wo si Barnabas wo minure’ nisea waki en daerah i ti’i. ⁵¹ Ta’an kaa si Paulus wo si Barnabas se kime’isla e riawu ne’a nea en tanume e nge’enge’ wia se tou-tou, laa o mea waki Ikonium. ⁵² Wo se murid-murid waki Antiokhia se minawuta ampit e mepa’a-pa’ar wo ampit e Roh Kudus.