¹ Tumondong niitu niaku limoho e epat malaekat timoor wianepat toroan koatan o sea tumahang nepat reges koatan, o rai wana reges masengo wia katanaan, ka'apa wia lour ka'apa wia pohongpohong. ² O niaku lumoho esa tou malaekat laeng rimengka wia tampa pahondolan ni yendo. Nisia mahali segel empung: kinatouan; na'an sia rumekey suara lengku rendai wia e epat malaekat i tinugasan mateteri koatan naan lour. ³ Lilana: "Paterin koatan kaapa lour kaapa pohong-pohong ka ni kami raipe simegele pereho-reho ni empung kami wia tuntung nea!" ⁴ O niaku sumongol kalakeran nea i simegel lako wia pakasa suku turunan Isreal. ⁵ Wia suku Yehuda mapulu o rua ngariwu wia suku Ruben mapulu orua ngariwu. ⁶ Wia suku Asyer mapulu o rua ngariwu, wia suku Naftali mapulu o rua ngariwu, wia suku Manasye mapulu o rua ngariwu. ⁷ wia suku Simeon mapulu o rua ngariwu, wia suku Lewi mapulu o rua ngariwu, wia suku Isakhar mapulu o rua ngariwu. ⁸ Wia suku Zebulon mapulu o rua ngariwu, wia suku Yusuf mapulu o rua ngariwu, wia suku Benyamin mapulu o rua ngariwu. ⁹ Tumondong niitu niaku limoho: kaulitana, tanu nimerur sela tou laker irai nikareken kalakeran wia pakasan bangsa o suku, o kaum, naan bahasa timoor wia sinaru takhta o wia sinaru yoki i Domba, nimake Jubah puti o timimboi: lalai'na palem wia lawas nea. ¹⁰ O suara lengku rendai sea rumekei: "Keselamatan wia empung nami i rimuhmun wia natas takhta nana wia yoki i Domba." ¹¹ O pakasan ne malaekat timoor limendong i takhta o etua-tua naan e epat makhluk ni itu, ne sea kimundu wia muka takhta ni itu o masemba empung. ¹² O lumila "Nulit! Lolo'oren naan katewangan, o kapinteran naan sukur, naan no ormat naan kakuasaan naan kaketeran. ¹³ O Yesa tou wia si melete tua-tua ni itu lumila wia ni aku: "sei reen sea e ni make jubah puti ni itu naan wisa sea o mai?" ¹⁴ O aku lumila wia ne sea: "Tuangeku, tuang mailek." O sia lumila wia ni aku: "ne sea yai tou-tou kimaluar wia kasusahan imbangko; naan ne sea kimemeso jubah nea o mamuali puti wia nggorem ndaha ni Domba oki. ¹⁵ Ka ni itu sea timoor wia muka takhta ni empung o maselewir nisia nendo o mbengi wia tampa pasombayangan. Naan ni sia i rimuhmun wia natas takhta niitu limahwa mbale Na wia natas nea. ¹⁶ Ne sea rai mapendam makarem naan mareokahi, o yendo naan paso rendai ndai pendamen nea kahi. ¹⁷ Ka oki ni Domba wia puser takhta niitu majaga ni sea o ma hali ni sea wia gi garan ni ndano ka tou'an. O empung ma'apus pakasan lue'na wia mberen nea."