1
Wia Yudas, pareho reho ni Yesus Kristus o patuarini Yakobus, wia nisea e timowa, e niwehe wia Allah Bapa, nikaupus ni Yesus Kristus.
2
Rahmat, damai sejahtera o kaupusana leinembe mako wia nikamu.
3
patuari waya e kaupuseku, kasasakan niaku uli-ulit ma inakut matulis wia nikamu tentang keselamatan waya, niaku tanu pereho-reho, o tinulis nyai wia ni kamu o mehemi tuturi wia nikamu, orior kamu mainakut waya mempertahankan iman e nimo ilela wia e tou-tou kudus.
4
Ka katureimi wewehan tou neikatantu igumorem masere-serep wia toro niu, niseamo elaato nitantumi nukumen. Nisea mo waya etou fasik emakiselok, kasih karunia ni Opo ta untuk sinampetan gahlo nea, oi masangkal i Penguasa o Empungta, Yesus Kristus.
5
Taan, maan kahi pailekan niumo waya niitu o daimo karagumu, niaku paar mapagenang kamu ka nulit i Empung e tou Na wanatanah Mesir, taan pakasape kahi bininasana nisea erai maeman.
6
O niSia timahang emalaekat e rai malinga-linga wia susupuan kakuasan nea, taan etimelau eiu pahana-ana’an nea, o tinorungkuan wia gorem karimbunana kaoatan kaambo nendo wangko penghakimana.
7
Masuat o Sodom o Gomora o pakasa i kota leineudong niitu, o tanu kasuat niitu masiwo percabulan o mengiit waya kapaaran rai wajar, i tinanggongngo kependisan mbaha kekal tanu nigenang wia pakasa netou.
8
Maan teintu pakasa etou mengipi-ngipi nyai ema cemar nawak nea o sesero i kuasa ni Opo Empung o e mahojat imulia wana sorga.
9
Taan iwangko malaekat, Mikhael, witu gorem peinaselok-selok mapipet oi iblis kai mayat ni Musa, rai berani mahakikimi iblis o naawiten, taan linila: “Satoro Mapiara rumuke nikou!”
10
Taan teintu sea mahojat pakasa ndai paileken nea o justru sapa paileken ne wia nalurina masuat oi binatang rai wana yakal, niitumo nima li kabinasaan nea.
11
Nimasilakamo sea, kanisea kimiit lalan kine langan ni kain o kanisea, ka mbawaeran, timenemako wia kasesatan ni Bileam, o sea mabinasa ka kadurhakaan kasuat ni Korah.
12
Niseamo yai sumenang wia perjamuan nupusmu, o nisea rai mahira-irang makāān o waya maaley nawakena sandiri; nisea tanu rambun rai sirano, limangkoi sinengo reges; nisea tanu pohong-pohong wia noras musim gugur e dai mawehe wuana, pohong-pohong e nimawuwut makar i kalatena o nimatemo karengan.
13
Nisea tanu mbalolongan i lour rimber, yang membuihkan keaiban nea sandiri, nisea tanu bintang-bintang e wia nisea sindiamo tanpa karimbunan kaoatan makar kaure-ure.
14
O tanuka nisea Henokh, turunan kumapitu ni Adam, nimubuato, lilana: “Nulit ulit i Empung mai oe mariwu-riwu tou kudus Na,
15
emai mahahakim pakasa etou o e mananawu ni nukuman wia etou fasik, ka pakasa peniwo-niwon, e peniwo-niwon nea, o pakasa lila nista, o pengila-ngila ne tou berdosa e fasik tii wia Mapiara”.
16
Nisea tii etou magahlo-gahlo o e manginga-ngingal e pahange-angean nea, nidop makiit gahlona, taan semur nea mengila-ngila e ndai toro i pengila-ngila o nisia sumila etou ka makailek keuntungan.
17
Taan nikamu, patuari kuwaya e kaupusku, genang-genangen sapa meilila irior wia nikamu ne rasul-rasul i Empung ta, Yesus Kristus.
18
Ka nisea linilamo nikamu: “maako i kaamnoan wewehan mai e sumesero e tumou kumiit i gahdo nea”.
19
Seamo e mapepete kakinuasamo ne kapaaran-kapaaran kaoatan yai o etimou rai si Roh Kudus.
20
Taan nikamu, patuari e kaupusku loongkene nawake mu sandiri wia natas tinuuran imanemu ḛ suci rendai o sumombayang wia gorem Roh Kudus.
21
Piara leos nawakemu wia nupus ni Empung kasảsa’kan maana rahmat ni Empungta, Yesus Kristus, akar nidop kaure ure.
22
Turu’te mako kaupus-upusanmu wia ni sea e bimbange,
23
Selamatente mako sea okahateni sea wia mbaha. Taan tureitemoka kaupu-upusan pawali-wali o kaindean wia walina kahi, o kalilisenokan lambung nea kacinemaro waya kapaaran-kapaaran i dosa.
24
Wia nisia, i kuasa majaga, orior tia kamu kaselok o enimali nikamu raiwana noda o wuta i kasenangan wia sinaru kamuliaan Na.
25
Empung mengesa, Juruselamat ta, ni Yesus Kristus, Empung ta, wia ni Sia wewehan kamuliaan, kebesaran, kekuatan o kuasa i rior pakasa i toun i tēkan akar kaure-ure. Amin.