¹ Wia penatua mange wia Gayus i kaupusku, dia wia kabenaran: ² Patuariku kaupusku, nyiaku sumombayang, oh kou maleos-leos oh sehat-sehat waya ya pakasa niitu, masuat oh jiwamu leos-leos ite. ³ Ka niaku senang rendai ka e patuariku nimai omehe kasaksian wia nidopmu, wia kabenaran, ka memang kou midop wia kabenaran. ⁴ Wa nyaku dai wana kasenangan lebeh wangko taan luminga, eh okiku waya nimidop wia kabennaran. ⁵ Patuariku kaupusku, nikou timIndak tanu eh tou percaya, wisa siniwomu waya eh patuari maan sea tou waya asing. ⁶ Nisea nimehem mo kasaksian wia sinaru neh jemaat wia kaleosan nu. Leos rendai pasinowu sanikou timulung nih sea wia lalan neah, Oh nesa cara ih kapaar oh nesa cara ih kapar nih Opo Empung. ⁷ Ka oh ngaranna nisia nimangkato erai timerima sapa-sapa wia eh tou waya erai kumenal ih Opo Empung. ⁸ Nikita wajib tumerima eh tou teintu rior kita toro mindo bagian wia papa ayangen neah wia ih kabenenaran. ⁹ Nyaku timulis some oki wia eh jemaat. Taan dio trefes ih paar mamuali tou parior-rior wia nisea waya rai paar ma akui nikami. ¹⁰ Niitumou sabyaku mai nyaku maki-kiwehe wean genang pakasa siniwo ih siniwona. Kanisia meleter mawehe teme lila lewo wia nikami. Oh dai pe puas wia niitu. Nisia kankai dai paar tumerima patuariuna sasea mai taan malarangi te eh tou paar tumeriwa eh jemaat. ¹¹ Patuariku leos rai toro tumiru ih lewo taan ih leos. Taan sasia masiwo lewo rai lumoho ih Opo Empung. ¹² Tanu ih Demetrius pakasa eh tou mawehe kasaksian leos kong kabenaran sandiri mawehe kasaksian leos, maan ni kami mawehe leos wia nisia oh paileken na kasaksian neimi ulit. ¹³ Laker kasa patulis nemi nikou oh tonta oh pena. ¹⁴ Kapaarku nyaku masungkul nikou oh sumirita masaru-saruan. ¹⁵ Syaloom mawalime nilou! Salam wia patuarimu. Laus some salamku wana eh patuari yesa oh yesa.