¹ Wia penatua o ibu i sinisir o eoki-yokina e paling kaupus ku ulit ndai te nyaku maupus nikamu, taan o e pakasa ne tou i kumenalo kabenaran. ² O pakasa abenaran nimena wia nikita o wali nikita makar e kaamnoan. ³ Kasih karunia, rahmat, o damai sejahterawia i Opo Empung, o wia Yesus Kristus, Anak Bapa, i mawali nikita wia gorem kabenaran. ⁴ Nyaku mapela-pela renday, ka kailekang kumako, e sanga paharua wia eokimu ti mou wia, gorem kabenaran, o masuat o perentah tinerimata wia i Opo Empung. ⁵ O tekan nyaku makiwehe wia ni kou, ma, ndai te tanu nyaku matulis perentah weru wia nikou, taan kumiit, perentah i wia nikita katare, o nikita maupus-upusan. ⁶ E nyaimo maupus niitu, nikita tumou kumiit perintah Na, nyaimo perintah niitu, niitumo kamu tumou wia gorem kasih, kumura sinongol niu wia katarena. ⁷ Ka lakero e penyesat kimaluari, o nimangemo wana pakasa i kaoatan. E rai mengaku Yesus Kristus ni maim o tanu e tou, ni seamo e penyesat o antikris. ⁸ Jumaga-jaga, o kamu tia kailangan sapa pinaayang, niu niitu, o rior e nupamu wutah. ⁹ Waya e tou rai mena wia gorem tuturu kristus, taa e kimentar kimaluar wia niitu, ndai makapunya i Opo Empung, sasea menawia gorem ajaran niitu, nisia maka punya Bapa o Anak. ¹⁰ Sa wewehan ou mai wia nikou, sasia mai wia nikou, ndai ni malimi ajaran nyai, ndai toro teriman wia gorem mbalemu, tia pa wehan tabea wia nisia. ¹¹ Sa sei mehe wia nisia, sia makailek pasiwo-siwona wana lewo. ¹² Butuullo lakero tinulisku wia nikou, nyaku ndai paar sumiwo kartas o tinta, taan kapaareku mai sandiri wia nikou o sumirita masaru-saruan o nikamu, o rior sukacitata kakiitan. ¹³ Tabea wia nikamu wia eoki patuarimu e sinisir.