¹ Nyaku ni mindo kaputusan wia gorem nateku, ka nyaku rai mo marengi wia ni kou wia kasusahan. ² Ka, sa aku masususah natemu, sei pe kahi sumiwo nyaku mamuali senang sarai ni sia niwehe kasusahan ka nyaku. ³ Ka niitu mo ti noroan i suratku nyai, o niitu nyaku marengi, tia aku masusah ka ni kamu o aku musti sumiwo i kasenang. Ka nyaku pinikirkumo wia pakasa ni kamu, ka kapaaran ku masuat kapaaran niu waya. ⁴ Nyaku tinulis wia ni kamu kaampit nate o mainde-inde o susa rendai o mahame maulit, taan paileken niu kumura kawangkoan kasih wian ni kamu waya. ⁵ Taan sa wewehan e tou ma siwo kasusahan, ka ndai nateku e si nusana, taan nate niu simusa name taan nate niu waya, kaapa paling oki - o kamu rai me lembe-lembe, nate ni pira tou wia nelet niu waya, ⁶ tanu w tou taintu toromo lilaan kami itu tanu bagian wangko wia ni kamu. ⁷ Ka ni kamu kaputari musti makiampunge o mali pangiboran na, o sia rai mate wia kasusahan ta lous muter. ⁸ Ka Nyaku yai mehe tuturu, o kamu nuli-ulit mehe me ni sia. ⁹ Ka niitu mo tinoroanku timulis surat wia ni kamu niitu mo manji ni kamu, sa kamu ulit waya wia pakasa niitu waya. ¹⁰ Ka sei sia ampungan niu i kaselokan sia ampungana waya. Ka sa aku maki ampunge, tanu nyaku wewehan musti yampunganKu, tantu niitu siwon ku ka ni kamu wia muka ni Kristus. ¹¹ O setang rai makailek kauntungan wia ni sia, ka pai leken ta toroan na. ¹² Kaambo mange aku wana Troas ka malila mange Injil Kristus, Aku makailek, ka i Tuhan ni muka mo lalan wia paayangen wana. ¹³ Taan nateku rai mapendam punek, ka nyaku rai maka punya patuariku Titus. Ka nyaku kumiwehe ne mangemo wana Makedonia. ¹⁴ Taan makase wia Opo Empung, wia gorem ni Kristus, mahakit ni kami witu lalan kasenangan Na. Kaampit nielekan naimi, Sia sumena mange kawangunan o maiek ni sia waya. ¹⁵ Ka wia Opo Empung nami ma wou leos wia Kristus wia puser nea e paselamaten wia nutek nea e pa binasa.. ¹⁶ Wia e kaapuan kami e mawon patean wia e mapate e wia timuran mawou kinatowan wia matotou. Taan sei paar make-kelang paayangen yai? ¹⁷ Kani kami rai tanu e tou laker laeng menero kauntungan wia Firman Allah. Ka leos ena wia gorem ni Kristus kami lumila tanu niitu wia tinorom leos wia perentah ni Opo Empung o wia muka Na.