¹ Nyai makaelumo aku mai wia nikamu: kaampit in keterangan ne rua kaapa telu tou sumairi wia nesa paseloselokan. ² Wia nisea, witun tempo limangkoiako simiwo i lewo, oe wia pakasa ne tou walina, nai kumoilila katara o aku lumilape makasa, taekan tempo niaku minawakatan o nikamu tanu tempo kinaaiku karua, oniaku ndai maupus nisea witua tempo aku maipe kahi, ³ Karna kamu paar wewehan bukti, kai Kristus mailila lumangkoi niaku, o Nisia rai lemah wia nikamu taan makawasa wia puser niu. ⁴ Maankan sia sinalib karna kelemahan, taan nisia tumou ka kawasa ni Opo Empung, Nulit kami lemah wia nisia, taan kami tumou ma wali-wali o Nisia ka kawasa ni Opo Empung. ⁵ Periksanomako nawakemu inesa, sakamu ketero wia paemanan. Perksanomako nawakemu: kaapa kamu rai maeman: i nawakemu sa i Kristus Yesus wia nggorem inawakemu? ka sarai taintu kamu rai tumahang ujian, ⁶ Taan niaku maarap kampaileke niu, ndai nikami ndai tumahang i ujian. ⁷ Kami masombayang wia i Opo Empung, orior kamu rai sumiwo lewo ndai karna nikami: nyi matamu tumahang ujian, orior kamu yai toro sumiwo i leos, maankan nikami sandiri ndai tumahang ujian. ⁸ Kani kami ndaitoro, sumiwo sapa sapa masaangkal ing kabenaran. ⁹ Kani kami mapaapaar, sakami lemah onikamu keter, o nyaimo pasombayang naimi orior kamu mamuali lenas. ¹⁰ Niitumo makasape yai niaku tumulise wia nikamu tempo niaku minawakatan o nikamu, orior saaku wia puser niu. Niaku ndai maksa tumindak keras kumiit in kawasa e nai Anugerami ni Opo Empung wia niaku, matotoor orai marorombe. ¹¹ Kaapuan e patuari, sumenango, painakuten nawakemu orior lenas. Terimanomako pakasa in tuturuku: kamu musti esa ate o esa utek. Onidopemu wia Damai sejahtera; oi Opo Empung sumber i nupus, on Damai sejahtera mawali wali o nikamu! ¹² Sumigi mako wia i tou oe tou walina kaampit in siong lenas. Normat wia epakasa ne tou lenas wia nikamu. ¹³ - ¹⁴ Nupus wangko ni Tuhan Yesus Kristus, o nupus ni Opo Empung o paesa esaan ne Roh Kudus ma wali wali nikamu waya.