¹ Lebeh leos niitu, sa kamu sabar wia kekesoanku eh rintek niitu memang nikamu sabar wia niaku! ² Ka nyaku majulus wia nikamu majulur ilahi. Ka yaku ni kumotunangan wia nikamu esa tuama nikaakit ni kamu tanu perawan suci wia Kristus. ³ Taan nyaku mainde, katia pikiran niu ihkalelong wia kesetiaan ni kamu yang sejati wia Kristus. Masuat tanu hawa kineso ni loloi niitu ongkalicikana. ⁴ Kani kamu sumabaro, sa wewehan esa tou mai maberita Yesus oh nimalaengan tanu pemberitaan nami Yesus oh nimalaengan pemberitaan nami, kaapaa mawewehe nikamu oh roh nimalaengan oh ihtinerima niu kaapa injil nimalaengan oh ihtinerima niu. ⁵ Taan menurut pendapateku maan nokiite nyaku dai kumurana wia rasul-rasul oh dai wana kasuat niitu. ⁶ Sa nyaku dai kasa mailek maila-ila taah wia pengetahuan ndai teintu; ka nikami nimapailek ko mako wia nikamu wia pakasa ih nendo oh wia pakasa waya. ⁷ Sapa nyaku simewo selok, sa aku mawawa ih nawak oh maangkat ni kamu, ka niaku maberita in injil ih Opo Empung wia nikamu ni wehe te teintu? ⁸ Jemaat-jemaat laeng rimapok kumo ka nimindomo tunjangan wia ni sea oh nyaku toro malayani nikamu! ⁹ Sa nendo nyaku doi wana wia puser niu nyaku dai masususa yesa tou pun, ka sapa ih kurang wia niaku, panekepen ne patuari-patuari eh nimai wana Makedonia. ¹⁰ Demi kaulitan Kristus wia gorem nawakkeku tegas kume, ih kawangunanku dai toro pa alangen ni seite sia wana daera-daera Akhaya. ¹¹ Ka ah dai toro? kaapa nyaku dai maupus nikamu? pa ileken ni Opo Empung. ¹² Taan sapa siniwongku, ih tetap pasiwongka ka maalang ni sea eh masero kasempatan guna mawehe mange, ni sea masuat oh nikami wia toro pawangunen. ¹³ Ka eh ton niitu sea mo rasul-rasul palsu, eh mapaayang ruci, eh maasar tanu rasul-rasul Kristus. ¹⁴ Hal niitu dai motoro maerang ka ih iblis kang kahi maasar tanu malaekat terang. ¹⁵ Jadi dai wana hal ih ganjil, sa pelayan-pelayanan maasar tanu pelayan-pelayan kabenaran kasudahan nea masuat oh siniwo nea. ¹⁶ Soup kumekahin: tia eh wewehan ton ih maanggap niakut keso sa nikamu maanggap teintu oh sa kamu kahi manggap teintu terima no nyaku eh tou keso oh rior nyaku kahin toro tanu sumenangi ohki. ¹⁷ Sapa nikupoila, nyaku lumila me dai tanu ih tou malila kumiit Firman Tuhan, taan tanu ih tou keso ih maopo, ih nisia toro masusula. ¹⁸ Ka laker eh tou masusula tanu ih kaulitan nyaku paar masusula kahin. ¹⁹ Ka nikamu paar sabar wia eh tou keso, ka nikamu begitu bijaksana: ²⁰ Sa nikamu sabar, eh tou majojongos nikamu, sa tou masesep nikamu, sa tou makakuasa nikamu, sa tou masesepe ni kamu. ²¹ Mairang rendai nyaku maakui, ka wia kasuat ni itu ni kami talaluso lemeh, taan eh tou laeng berani ih masusula sesuatu, nyaku kangkahi-nyaku lumila me wia kakesoan-beriani kangkahin! ²² Sapa sea tou Ibrani? nyaku kangkahi tou Ibrani! Sapa sea tou Israel? nyaku kangkahi tou Israel! sapa sea tou keturunan Abraham? nyaku kangkahi keturunan Abraham! ²³ Sapa sea pelayan Kristus? nyaku maila tanu tou palelaan-nyaku pe kahi lebeh! nyaku kalakeran mawendu-wendu: kalakeran wia gorem imbui; pa siksan wia luar batas; kalakeran wia mo patean. ²⁴ Maka lima nyaku pasiksan ne tou Yahudi, empat nyapulu kurang esa pukulan, ²⁵ maka tolu nyaku sinambok, makasa nyaku piningkil oh batu, maka telu meani ih kapal kimandas, sanya endo sanya wengi nyaku melentut-lentut wia puser ih lour. ²⁶ wia pakelangaku nyaku sering paancemen bahaya so, so oh bahaya eh rongkit, oh bahaya wia eh tou Yahudi oh eh wia en tou rai Yahudi; bahaya wia kota, bahaya wia padang gurun, bahaya wia puser ih lour, oh bahaya wia eh patuari palsu. ²⁷ Nyaku maka laker mawendu-wendu; oh mapaayang wuter; laeng kahi nyaku dai timekel; nyaku maharen oh mareoh; laeng kahi nyaku dai makan oh mahnohnot kinaemelan oh dai limambung, ²⁸ daimo lumaker lila kahin urusanku susur ih nendo nia pipiara pakesa eh jemaat. ²⁹ Sa wewehan tou mapendam lemeh, dai reeh nyaku kahi kumiit mapendam lemeh? sa wewehan tou ni kasuhmul, dai kahi nateku maturas oh kasusaan? ³⁰ Sa nyaku masosombayang, sa nyaku memang masusula maka nyaku ih masusula wia ih kalemehangku. ³¹ Opo Empung, sia moih yamah wia Yesus, Tuhanta, ih palooren kaambo ih kaure-ure, mailek, ka nyaku ndai timowo. ³² Wana Damsyik, wali negeri raja Aretas mareho makawal kota eh tou Damsyik ih matitimboi nyaku. ³³ Taan wia ih gorem ih lohlo nyaku ni tampa wia esa papahaan wia luar temboh kota oh niitu nyaku nikareta wia lawas sena.