¹ E tou e maulit i Yesus siamo Kristus, nai ka tou wia opo empung, sa e tou ma wehemi nisia o timoumi, mehemi nisia o katou mi wia ni sia. ² Nyai mo tanda na, ka kita maupus eoki ni opo empung sa kita maupus i opo empung, ka masiwo perenta-perenta Na waya. ³ Ka nyaimo nupus ni opo empung ni itumo ka ni itumo kita ma kiit-kiit perenta Na waya, perenta-perenta Na waya ni itu buter. ⁴ Ka pakasa timou wia opo empung kimala i kaoatan. Ka nyaimo kauntungan kimala ikaoatan wia ndai paileken ta iman ta. ⁵ Sei sia kimala me kaoatan, sa rai nisia mailek ka Yesus tiin yoki ni opo empung? ⁶ Yaimo sia ni mai kaampit i ndano o daha siamo Yesus Kristus, ndai te ndano, taan ndano kaampit ndaha – o Roh kudus ni mehe o sumairi me, ka roh memang timena. ⁷ Katelu e sumai se me, wia gorem sorga Bapa Firman o Roh Kudus, ka e telu ti’i memang esa. ⁸ Ka wewehan e telu simairi me wia kaoatan: Roh, o dano, o daha, katelu nea memang esa. ⁹ Kita timerima sinairian ne tou, taan sairian ni opo empung lebe keter. Ka tentumo sinairian ni wehemi ni opo empung wia i nyAnak e Na. ¹⁰ Sa sei maulit wia Anak ni opo empung, sia makapunya sinairian ni itu wia gorem nawakna: Sa sei rai ulit pero wia opo empung, sia sumiwo ni sia mamuali tumo towo, ka ni sia rai maulit e rai sumairi ni wehe ni opo empung wia Anak na. ¹¹ Nyai mo sinairan ni itu: opo empung ni mehe mi tumou akar kaure-ure wia nikita o wia gorem ni Anak Na. ¹² Sa sei makapunya Anak sia makapunya hidup, sasei rai makapunya Anak sia rai maka ilek tumou. ¹³ Pakasana ni kutulis wia ni kamu, o maulit wia ngaran Anak ni opo empung, mailek o maka punya, tumou akar ka ure-ure. ¹⁴ Yaimo kaberania maulit wia ni sia, ka itu timerima sosombayangan nea, kanikita kimiwehe esa-esaan wia ni sia kimiit wia kapaareNa. ¹⁵ Ka saitu paileken ta, ka sia materima ka pailekenta, o kita makailek pakasa ni itu e wia kiniwehe wia ni sia. ¹⁶ Sa wewehan tou limoho patuari na simiwo lewo ka lewo erai mahali mi patean, mai mo sia sumombayango ni opo empung o Yesus ka mawehemi tumou wia nisia, ka nisea e sumiwo lewo rai mahali me patean. ¹⁷ Pakasa kalewoan ni itu lewo taan wewehan lewo rai mahali mi patean. ¹⁸ Pailekenta pakasa ne tou timou wia opo empung rai simiwo i lewo, taan sia timou wia i opo empung limendong ena, sa e lewo rai tinimboyan na. ¹⁹ Paileken ta ka timuur wia opo empung o pakasa ikaoatan wia bawa kuasa ni tou lewo. ²⁰ Taan paileken ta, ka Anak ni opo empung e mai mehe nupus wangko o mangarti wia ni sia, o kita mailek i benar o kita wia gorem i benar, wia gorem ni anak Na Yesus Kristus. Siamo opo empung o benar o timou akar e kaure-ure. ²¹ E oki-okiku, mahilek wia pakasa e mangelat waya.