TANDA BA ISRAEL GAMANU SIA GIAFAKAL MI JIA 144.000 ¹ Sengmuse nang neng uling se malaikat phuta, du nia geng phidil phuta adi mimate jia, ging mate Eang ba il geng pidil phutami anga tahang, anga hise ea ng ake dunia tang,tang ta ng, oli te ubuaning ganang. ² Nang oli neng ulingse, malaekat ebeng anu moe fid madang gegoami adu, Gang tandaba, Lahatala aph etal gabungmi mia phana adu. Gang agang gamang phal-phal miama malaekat phutaba nama kuasa mia ma maginang giohi dunia, oli tangdi gajahing ³ "Ak e dunia, tang, oli te fal anga gonong gajahing ganang, kalo ningka Lahatala gama lal anga gonong ging tanda bado." ⁴ Nang umagia ging ba nama ging tanda anga gato hing, manuasia144,000. Ginang ajimi ajima anga Israel gafal gidat gonong. ⁵ Yahuda ga'abang gomi nama ba nama ging tanda jema anga manusia 12.000. Oli Ruben ga'abang gomi namaba nama ging tangda jema anga manusia 12.000. Oli Gad ga'abang gomi gamanusia ba nama ging tanda jema anga manusia 12.000. ⁶ Oli Aser ga'abang gomi gamanusia anga nama ging tanda 12.000. Oli Naftali ga'abang gomi gamanusia anga nama ging tanda jema 12.000. Oli Manase ga'abang gomi gamanusia anga nang uma gia se gatohing anga 12.000. ⁷ Simon ga, abang ging ba nama ging tanda jema, gatohing anga, lebe kurang nama 12.000 Lewi ga'abang gomimi gataphanang anga nama ba nama ging tanda jema gatohing anga 12.000. Isaskar ga'abang gomi gataphanang nama ba nama ging tanda jema anga 12.000 ⁸ Sebulon ga'abang gomi gata phanang ba nama ging tanda jema anga 12.000 Yusuf ga'abang gomimi gataphanang anga namaba nama ging tanda jema anga 12.000 Benyamin ga'abang gomi gataphanang ba nama ging tanda jema anga nang umagia se 12.000 ⁹ Seng muse nang neng uling se,nama bakang phal anu,pingka gatohing taga nang jadi banaga. Ging anga negara,suku, abang, oli hur hur ajimi ae, Jumba fal ga kadera gahondal goa mate, juba aphal afening ba pake,oli giatang gomi anga korma gafel puni. ¹⁰ Ginang ajimi moring giamang phal-phal sebola," Salamat miama NiLahatala genang,Geng ba toe kade ra tang paleteng miha,mia ma Jumba fal genang. ¹¹ Oli malaikat ba ae ma te Mana Hamolang migo leng, oli mate boma anga migoleng, oli il rupa phuta, ging mate toku uada mana Hamolang gahondal goa, sengse ging oli Lahatala somba, ¹² Ging angmi ubagang sebola, "Tatabi!" Tajaning palefang, nuaha ma, tarima kasi, somba haro mat gakuasa, oli gakuat dagiri miama Lahatala Geng amba magenang, ani gegjia gegmega. ¹³ Ang muse boma ba ang ami anga,ga'anu ma neteng ubagang sebola, Nama alalang ba juba aphal pake adi,oli ging adi tatami ba adu? ¹⁴ Nang angami gala tutuk sebola, "Nimang, anga se engba geli ba'ae." Gang anga mi nala tutuk sebola, "Ging adiba namaba,susa lala phal-phal gomimi kaluar jema,sengse ging oli gi juba anga,miama jumba fal gafe anga mihala gene gang aphal jema. ¹⁵ Anga gelangba,ging bisa Lahatala Gamihang mana gahodal goami mate, Gobalenta iliali,ilkakua, Gamana hamolang kadula ng gomimi.Oli Gengba ma na hamolang mimiha,anga giala topuni miha. ¹⁶ Gingka malapal banaga nagaba oli giemengka tati banaga,oli fid dika giokali la banaga,nagaba fid gatu tung,nagaba oli il'ebeng. ¹⁷ Sebab jumba falba ma na hamolang gahaha mami angaba,miama giterang fa la gene,Gang oli ging tera ng,miama jial geng aphetal ugadu.oli Lahatala gieng gajial gieng mi halu anga uhapo miama maginang.