¹ Gaumate muse, malai kat aphetal gajial mol mia ma natubing, ga hamolang emang hula kristal molo, toe totu Lahatala oli Jumba Fal gakadera angmi kaluar, ² gafiag hahama kotami angami, oli jial mol gabiba alo anga, te aphetal gegjia ba ae angami philing, gahi anga rupa karanu falung alo, oli te anga, gahi u'uru anuse gahi u mianu. Oli te gafael anga miama obat gene bangsa-bangsa ajimi gihoning. ³ Angami anga,kutuk ka a'e banaga, ibase Lahata la gakadera, oli Jumba fal angaba ae gihahama mi. Gamanusia gamalal ajimi Geng somba. ⁴ Ging kuli uling giafakal anga geli, se ngse gine anga, nama mia ma giafakal mitulis mega. ⁵ Il kakua dika, moe mo mi banaga anga gelang na maka lampu galiali, nagaba oli fid galiali anga parlu ba naga, sebab Lahatala anga ba miama gi il liali gene. Gingba oli parenta anga puni ani gegjia gegmega. YESUS KRISTUS GA ADU MA ⁶ Malaikat angmi nala tutuk, "Hur banang ubaga ng jia adi ing parsaja, sebab hur adi tatabi oli molo mo lo. Lahatal gengba nabi na bi oli eang eang ga Lahata la, Gang gamalaikat gingga hing giohi ilba bola jadi, mi ama gamanusia gamalal ugitubing il-il ba bola sakali sejadi. ⁷ Umagia, Nang sakali seadu, Berkat miama gi ngba, suka hur nubuat su rat gomi adi, uhalela seng se oli ukarajang. ⁸ Neng adiba Yohanis, aji mi nang umagia nang uli ng geli jama. Oras nang um agia oli uling ajimi geli, ang muse malaikatba il ajimi miama natubing anga na ng giaka ejelmi niaka phu ng muding. ⁹ Angmu se gang nala tutuk ubagang bola, "Ake ukarajang ani ga nang!" Neng adidi manusia emang hula eng molo, oli akaku gonong oli nabi nabi gonong gajoang, oli gingba suka gahur gadal, bagie su rat gomimi ugaluali gajoa ng Lahatala angaba Geng somba!" ¹⁰ Sengmuse, malaikat anga angmi nala tutuk, "Ake hur nubuat bagie su rat gomi adi utiali ganang, sebab gaoras adu aphal je ma." ¹¹ Ugalolang nama ba phela gahalang gene uga lolang ging phela anga ge ne, namaba hamolang bana ga, biarla ging hamola ng banaga, Ging banua ge ne biarla ging nua gene, oli namaba hamolang,biarlah ging tetap gidiri gene gaha molang. ¹² "Umagia, Nang sakali se adu! Nang gisefa anga pha na adu, miama gitadili gibe tul anga gabale gene ¹³ Neng adiba Alfa oli Omega, Neng adiba Gaha lomang oli Nengba gauma temi, Oli Nengba gamitula oli Nengba gami fiaki ¹⁴ Berkat miama, nama ba gajuba anga upha gene hamolang, anghise gingdi te aphetal anga gig u,oli ko ta anga ging bisa mima so gafiagajel anga galuali. ¹⁵ Namaba kota gamota goa mate angaba jobal-jobal, gingba suka nama rasong, suka lamal sama gene, ging ba suka nama gene tamina, suka te'fal uada oli te fal gahi, oli ging ba suka nama ga'ali gala leko. ¹⁶ Neng adiba Yesus, Nang Na malaikat geng ga hing, giohi adu il ajimi adi miama jemat-jemat anga gi ala tutuk, Neng adiba Daud gahaluhul oli gabariking, Neng adiba Geng phal Fid Madangmi liali huling mela k phenang ba adi." ¹⁷ Roh oli pengantin nama hial ubagang ebola, "Ma" biarla namaba umagi a anga ging tutuk, "Ma" oli biarla namaba gemengtati anga aduma,oli nama ba gifak usadia ma,sengse jial aphetal adi, u'hi na mang para sasuma gomi." UTIALI ¹⁸ Nang usarinta mia ma nama ajimi gadang,gi ngba hur nubuat adi umagi a; "Kalo nama joa ae hur ba nang ubagng jia adi, tang hur miama magala, Lahatala kuli, susalala ba gi e surat gomi tulis adi mia ma gadang. ¹⁹ Oli, Kalo nama joa, hur nubuat ba gi e surat gomi tulis adi, gang oli gene migakurang, anga se Lahatala tee aphetal ba miama gegoang gadang gene, ae abang Hamolang ba'ae surat gomi tulis mi mega adi Gang bale mia." ²⁰ Gengba miama saksi gene il adi gadang, gang tutuk sebola, "Tatabi Nang sakalise adu" Tatabi! Tuhan Yesus, Nuaba adu! ²¹ Tuhan Yesus Ganua hama, pinang ajimi piala to puni. Tatabi.