AKE NAMA GENG GENE GAHALA GANANG ¹ Ake nama geng gene ga hala ganang, anga hise nama ake bale enggene gahala ganang. ² Ing neningba gene miama nama gadang, angase il angaba nama kuli gene miama idang, oli suding ba ingmia nama suding, ang se suding angba nama bale miama ing suding. ³ Getabaniba ing bitang ol edeng ikaku gengmi ing bisa uling geli, ibase balok ba'ae ieng'mi anga ingka uling geli banaga? ⁴ Oli getabaniba ing ikaku gala tutuk sebola, biar balokba e'ng mi anga ma nang deko mia, Ibase ba lok phal engmi anga angka uling geli banaga? ⁵ Hai ingba manusia leko pusi, balok ba adia iengmi anga de komia matula senghise, ing bisa bitangba ikaku gengmi anga uling geli tarang,anghi se ing bisa bitangba ikaku geng mi anga deko mia. ⁶ Ake il hamolang miama jobal geneng ganang, ake oli mutiara anga phei miama b' genang ganang, anga hise ging ake giaka miama uma te lamal gnang, sengse gang oli bale mate ping semok pi kola sengse mate ping behil pikahi kiri-kiri. BAGANG, GOLA OLI UPAPELENG ⁷ "Ing kalo phana bagang, angase il anga nama miama maminang. Ing kalo phana go la, angase ing kuli harak, oli ing kalo upapeleng angase, il ang nama buka mamenang. ⁸ Anga gelang nama ala langba bagang angase gang mia, oli namaba gola angse gang kuli harak, oli namaba upapeleng angse nama kuli buka miama genang. ⁹ Oli alangba ihahamami adi kalo gafal roti bagangse, gang fal ba miama magenang? ¹⁰ Nagaba gang oli ab bagang angase gang mongba miama magenang? ¹¹ Masiking nama phela, ibase gang nua hamaba uka rajang miama gifal genang, kalo aganise neningba Pima ng toe surgami. Gang kuli ilba lebe minua angba miama ga fal gonongba gabagang se nang anga maginang" PARENTA GAHALOMANG ¹² Anga gelang il naning ba ing suka nama gohi gene miama idang,aganise indi il aganani angaba ukarajang miama gidang,sebab angaba Taurat oli nabi-nabi gonong gisurat gamau agani. FIAG APHETAL GADANG ¹³ Fiagajel kipe angaba mimaso, tami fiagajel ba be rang oli gomimi lohi, anga ping phana aminang gadang jema, angaba nama tohing rai suka galuali angami maso. ¹⁴ Ibase fiagajel ba kipe oli fiag kipe, agaba fiagba ping phana aphetal ugadu, anga gelang, nama kudi kelang su ka galuali, gingba dapa. UPAPIELING MIAMA NABI LEKO-LEKO GADANG ¹⁵ "Anga gelang, iafak ujaga miama ka nabi banaga gadang, ging piola adu giru pa emanghula jumba molo, ibase gamamolo ¹⁶ anga se, ging anga jobal napaha namul anga ba a'e. Ing gahi anga uling geli angmuse ing bisa geli tarang. Angase ang gur gahi anga, nama ae bukal magang gomimi olu, oli agoa mahi gahi anga nama ae il magang gomi olu? ¹⁷ Aga ni dise kalo te'ba nua, angase gang gahi miama u' angadi gahi nua, agani ibase, kalo te'ba phela, angase gang gahi miama u angadi kuli gahi anga phela. ¹⁸ Te'nua anga gangka gahi phela miama u'banaga, oli te'ba phela angadi gang ka gahi nua miama u' banaga ¹⁹ Te' tata'angba gang kalo ka'gahi nua miama u'banaga, angase nama kuli haba gakola, sengse nama mi ama ad huling anga miphei. ²⁰ Te'gahi amba ping uling geli, angmuse ping bisa te' garupa anga gieli. ²¹ Joaka nama ajimi nala tutuk sebola, Tuhan Tuhan, angaba surga abang anga mi maso, ibase nama ba Pimang Lahatala gamau gaujali anga ukarajang angba ging bisa sorgami maso. ²² Jema ga oras angamise nama tohing rai nala tutuk ubagang sebo la, Tuhan, Tuhan, ning adiba Ane gomimi nubuat gene, oli setang gatiari, oli Ane gomimi ning tanda herang gene? ²³ Angmuse Nang angami giala tutuk ubagang sebola, Nangka ing adi gonong ieli banaga! Nuaba mate noha pha, mate paletengmi jema, ingba suka karajang phela anga ukarajang." UHALELA SENGSE OLI UKARAJANG ²⁴ Anga gelang, nama ala langba Natutuk naubagang adi uhalela umagia, sengse oli ukarajang, ging anga gisu ang, emang hula nama pintar ga e' miama fal anamang tang nata anga molo. ²⁵ Anggelang ai phal hela, oli jial phal ja, harikang phal adu mi hera, agani ibase e' anga kara fak banaga, sebab ga'e anga fal anamangba tang mate. ²⁶ Ibase nama alalangba nahur adi uhalela sengse oli ka ukarajang banaga, girupa anga emang hula nama bodo ba ga'e miama phat tang na ta anga molo, ²⁷ Angmu se ai phal hela, oli jial phal mi hera, oli eang e' anga ubua ning, angmuse e' phenang rafak kola, anga gelang, gaphera anga phal talalu. ²⁸ Yesus angami il adi go nong ubagang sengmuse, nama tohing mate haherang jia, miama Gapelajaran anga gadang. ²⁹ Gang ging ajar gomi anga, emang hula na ma gakuasa phal gajoang, ka ahli Taurat molo banaga.