YOHANIS GANG GASARINTA ¹ Oras ba a'e mjia gomi mi, Yohanis jial mia nama gafela, gang moe Belantara Yudea mi sarinta. ² Gang ubagang sebola, "Nuaba iafak ubaruati sebab Surga abang gaoras adu apal jema." ³ Mianu Geng angaba nabi Yesaya ubagang sebola, "Nama gamang anu moe Belantara babula gomi agang moring ubagang sebola, 'Ing fiag anga usadia mia ma Pimanaking Gadang, Gafiag anga gene gang molo."" Yesaya 40 : 3 ⁴ Yohanis galokang gapa kiang anga unta ga'amudi, oli gahaphakang baloli anga, te' phualba miama baloli. Gamud anga kamet,oli fani gajial. ⁵ Angmuse Yerusalem gamanusia, nagaba oli Yudea gagoang gomi gama nusia oli Yordan gadingkil goa gamanusia anga ajimi gola adu. ⁶ Angmuse Yohanis Yordan jail, miama gifela sengse oli giohi gi phela gahalang ajimi umangku. ⁷ Agani ibase, Yohanis gang ulingse Farisi oli Saduki gamanusia, tohing rai adu bohula, jial miama gifela, Gang giala tutuk se bola, 'Hai ingba mong ka ming gafal gidat,alalang ba iohi Lahatala gomi kalila adi geil'ehi? ⁸ Anga gelang, nuaba iomi gagahi angaba miama matubing, sengse iafak anga ubarua ti. ⁹ Oli ake iomi gomimi ubagang sebola, 'Ning adi nidata tulangba Abraham, Nang tatabi miama iala tutuk, Lahatala Gang bisa fal rupa karanu baharu adi gonong miama Abraham gafal gidat gene, kalo ingka parsaja banaga. ¹⁰ Mulai oas adi gomi mi, takse nama usadia mia ma te'bariking tang mega jema, anga gelang,te' tata' angba gahi u' ibase,gahi angaka nua banaga anga se, nama kuli haba gakola. ¹¹ Nang jial adi miama ifela gaubagang sebola ing iafak ubaruati jema. Agani ibase Nama anu a'e naluali adu jia, Geng anga Gakua sa anga lebe miphal dari neng, Geng gasendal anga di nangka bisa phana jadi banaga. Geng Eang Hamo lang oli ad falingba miama ifela. ¹² Adise bakul mia ma il uhola gene hamolang gie gatangmi jema, Gang kuli alak ba'ae gemanami anga uhola. Gahiba hamola ng anga Gang miama ge mana gomimi. Agani ibase, alak gabahing oli gaphahi anga Gang kuli miama ad faling mi gapia, ad anga na ma pakdi jadi banaga. YOHANIS JIAL MIAMA YESUS GAFELA ¹³ Oras anu gomimi, Yesus Galeleami adu moe Yordan mi, Gang Yohanis gola adu bola Yohanis gohi jial miama gafela. ¹⁴ Ani ibase, Yohanis gaga, gang ubagang sebola, "Neng adi Engba parlo nafela, ibase Engba oli nola adu?" ¹⁵ Angmuse Yesus gahur ga bale Gang ubagang bola, "Gang gegae, sebab agani anga malekang jadi miama Nadang, agani anghise gang jema Ganua hama anga ajimi gene gakanap mi. Angamuse Yohanis di angmi Gamau anga ugalu ali. ¹⁶ Yesus gafela sengmu se Gang angami jial gomi kaluar, ging ulingse, Surga gafiaga jel belelang, Eang Hamolang hela,garupa ang aduang ulo molo, adu Geng tang miha. ¹⁷ Oli nama gamang anu sorgami hela ubagang sebola, "Adiba Na fal, Nang nomi miama gaja hi, Geng adiba Nang Geng suka."