¹ Yesus parenta miama gasakola 12 genang seng muse, Gang moe momi je ma bola nama ajar sengse Gi abang-abang anga go nongmi sarinta lamal. YESUS, YOHANIS JIAL MIA GALA ² Oras Yohanis moe hukung e' gomimi, gang Kristus gakarajang anga umagia, angmuse gang angami gasakola fal gono ng ging gahing, ³ giohi jema Geteng, "Angase Eng phenangba aduma ba adi, e'naga ning oli male kang ga'ebeng ba gapil?" ⁴ Yesus gihur gabale maginang ubagang bola "Jema Yohanis gala tutuk, neningba ing umagia oli uling geli, ⁵ nama geng teke uling nua, giaka kifal bisa lamal, apeburang gio mada bisa mona, nama ga feli kaphe il umagia, nama amina bale aphetal, oli na ma masiking di, nama Injl miama giala tutuk. ⁶ Ber kat miama namaba gangka Nokuphat banaga. ⁷ Ging angami mate je ma angmuse, Yesus angmi nama tohing rai giala tutuk miama Yohanis gadang."Neningba ing bola jema moe belantara babulami gauling? Phul dol anu, eang ubuaning jia? ⁸ Ing momi jema, neningba ing bola gauling? Nama sabo ba la enas pake? Gingba paki ang enas pake anga moe raja gamihang mana gomi. ⁹ Ing jema bola nanening ba gauling? Nabi anu gauli ng? Nang tatabi miama iala tutuk, geng anga nabi nabi anga gonong gatang goa. ¹⁰ Sebab geng angba nama ae tulis miama gadang bola, 'Ieng uling, Nang nagahing fala geng gahing gohi miga tula Eng. Gang fiag anga usadia mia ma Adang Ahondal goa anga mi. Maleakhi 3 :1 ¹¹ Nang il mamolo angba miama iala tutuk. Nama hial ba a'e fal ugajali, fal anga joa ka lebe miphal Yohanis Pem bamtis banaga. Agani ibase gingba mi ol talalu toe Sorga abangmi angba, lebe miphal geng. ¹² Mulai Yohanis jial mia nama gafela sampe ma adimi jia, Sorga Abang gafal gidat anga nama gene rupa-rupa miama gidang, oli nama namul kafasar angba giuka rajang gomimi, ging mang paksa miama nama gadang. ¹³ Sebab nabi nabi ajimi, oli Taurat Gaparenta anga adu sampe Yohanis ujia. ¹⁴ Ing kalo bola Geng tarimase, Gengba Elia ba'ae adu majia anga. ¹⁵ Nama alalang angba, gafeli u' bola miama uhalela, biarla gang uhalela, oli umagia! ¹⁶ Aganise, kira-kira nane ningba Nang miama tapha nang adi umega? Ging gisu ang anga emanghula fal kaki riba, ae nama tohing gahaha mi miha, sengse ging gikaku giserang giagang, ¹⁷ sengse ging ubagang sebola, ning huling gapi iba se ingka sara sumba banaga. Ning aminang gadal phuhi, ibase ingka rasa susa banaga' ¹⁸ Yohanis adu gangka il kede oli gangka jilna banaga, ging ubagang sebola, 'Geng anga setang phela gomimi miha.' ¹⁹ Agani dise oli Manusia Gafal adu, il kede oli jialnase, ging tutuk sebola, "Uling Geng nama rakus oli nama naboga, nama pajak olu, oli nama dosa gaserang,' Agani ibase Lahatala ga akal kabule ping gene molo phe nangba pitadili pibetul, oli pi ukarajang gomi. GINGBA PARSAJA BANAGA GIOHI UGIELING ²⁰ Sengmuse, Yesus angmi abang-abang ba Gangmi tan da herang gene ging uling geli anga gihula, sebab ging ka giafak ubaruati banaga, ²¹ "Silaka miama Khorazim, silaka miama Betsaida gada ng! Sebab mujisat tohing rai ihahamami jadi.Miama Tirus oli Sidon, ging tulangmi gia fak ubaruati jema, pakiang aminang oli moroba pake. ²² Agani ibase Nang miama iala tutuk, jema oras hukung tabuhang miama Tirus oli Sidon gadang anga lebe mife la, hukung ba nama miama idang anga mitamadi. ²³ Hai ingba Kapernaum angase nama ing phuhi pale teng mida burang ujia? Naga nama iala hela aminang aba ng gomi, sebab tanda herang ihahamami angadi jadi, moe Sidon mi, abang anga do moe sampe fid adi ujia. ²⁴ Anga gelang Nang miama iala tu tuk sebola, mulai fid hukung tabuhang miama Sodom pali ka gadang anga, lebe mifela, dari hukung ba nama miama idang." SUKA SANANG MIAMA NAMABA YESUS GOLA ADU ²⁵ Oras anga gomimi Yesus tutuk, "Nang eng taja ning Niamang Emba burang palika ga Lahatala, Eng anga ba, il adi gonong miama na ma bisa pintar anga gonong ugiphuning, ibase ang miama falkakiri ba ugitubing. ²⁶ Oh, Nimang, girupa agani angaba Omi geg. ²⁷ Il rupa karanu ajimi anga, Nimang miama mameneng jema. Oli nama anu kakelang dika Fal geli banaga, suma Nimang, oli nama anu kakelang dika uling Nimang geli banaga suma Ga Fal, oli nama alalang angaba Fal Gang ging suka angaba Gang oli miama ugitubing angba bisa ututuk ubagang. ²⁸ Nola adu nolama, inang ajimiba moleng bala oli tamadi toni, Nang kuli ita madi uebang miama ioha pha. ²⁹ Tamadi ba'Nang miama ingtang mega jema, toni, sengse oli nabung adimi il gagola, sebab Neng adi mo leng bala, oli nomi galolang-galolang, angahi iual magang tening harak. ³⁰ Tamadiba Nang maminang anga enas, oli Natamadi andi jadi fela.