YESUS LEBIH MI PHAL MUSA MI OL ¹ Anga gelang kaku go nong, ingba hamolang ka dulang, ing angba sorga abang geg angaba nama ui agang. Anga gelang Yesus Rasul phal oli Barate phal, piumangku, ² Geng anga ba kalaka, miama namaba Gang uolu jema anga gida ng, emang hula Musa kala ka maiama ga'egomi gada ng anga ga joang. ³ Seba b Yesus angaba bisa nuaha ma, lebe miphal anga dapa sebab Geng anga lebe miphal dari Musa.Emang hula nama anu e'gene, namaba e'gene, nama geng uada milebe, ibase e'anga namaka uada banaga. ⁴ Sebab e'ba nama bakung nata, anga nama anu ukara jang, ibase il karnu ba bisa mate anamang gimate gomimi anga Lahatala. ⁵ Musa kalaka Lahatala ga e gomimi upiling, miama balenta fala gene, gengba kesaksian gene miama, il-il ba ae pingtang aduma jia anga gadang, ⁶ Agani ibase Kristus kalaka, miama Lahatala ga'egomi gafal ge ne, phenangba ping kalo gengmi mimate anamang, pi'iman parsaja gomimi, oli geng mikakubal sampe je ma gaumate mi. LAHATALA GALUALI TARUS ⁷ Anga garupa emang hula Eang Hamolang uba gang molo, ⁸ "Fede fid adi, ingkalo gamang anga uma gia jeme angse ake iomi anga gene ga'anamang ga nang. Emang hula, tulang goda soba ingtang adu, mo e belantara babula gomi, ging Geng lafang anga ga joang ganang, ⁹ Phenangba miamu idata gonong neng soba, Masiking ging Nakuasa anga geli galuang mitung kar phuta gomi. ¹⁰ Anga gelangba, Nang nomi mia ma taphanang adi gi kalila nang ubagang sebola, "Giomi anga aji jia, ging ka nafiag na'asal manggara ti banaga." ¹¹ Anga gela ng nang nomi mia gikalila Nang sumpa: "Ging anga ka nagadili ma na anga mimaso jadi bana ga. Mazmur 95:7-11 ¹² Yafak ujaga-jaga ka ku gonong, ake ihahama mi anga joa giomi phela, seng se oli ing gene parsaja ba naga, sengse Gang ing pha na Lahatala miama imota goa mega. ¹³ Ibase ing malekang fong gene mia ma tatadang, fid kakanap, selama ping do ae aphetal jia, fede fid adi gomimi, ang a hise ihahama mi anga, na ma joa ake gomi gene ga'a namang ganang, sebab do sa anga pia'ali piala leko. ¹⁴ Pingdi Kristus miama pigoang gadang gene, kalo pi'iman anga Geng mimate anamang mulai gahaloma ng sampe gaumatemi, ¹⁵ Emang hula ae tulis uba gang sebola, "Kalo fid adi gomimi, ing gamang anga umagia jema angase, ake iomi anga gene ganamang ganang, emang hula ing Geng lafang molo. Mazmur 95:7b-9. ¹⁶ Nama alalangba, per nah ae Lahatala gamang anga umagia jema, ibase ging geng lafang? Kalu gi ngba Musa moe Mesir pali ka tang giatang tedo kalu ar? ¹⁷ Oli nama alalang ba, Lahatala gomi miama gikalila, galuang mitung kar phuta? Kalu gingba suka phela gahalang ukarajang, anga gelangba ging amina mitibarakang moe babula aruka tang ? ¹⁸ Oli nama alalang angaba, Lahatala sumpah miama maginang sebola, ging ka gadili mana anga mimaso banaga, kalu miama gingbaka sukaka, ga parenta ugaluali banaga? ¹⁹ Jadi ping geli sebola, gingka mana anga mimaso banaga, sebab gingka par saja banaga anga gelang.