YAFAK USADIA MIMA YESUS GAPIL ¹ Adise kaku gonong, gaoras oli gajel, angaka parlo tulis miama mamina ng banaga. ² Sebab ing sendiri geli sebola Yesus ga aduma anga garupa anga, emang hula nama il kakua adu il gaphuning anga gajo ang, ³ Ging ubagang se bola, "Suka nafera, Tening e rama," Ibase ukaruang di nagase susalala ging tang adu, ging tangma, emang hula nama hial bola ajali ga keta anga gajoang, ging gidiri giafak phahi miama uhapha jadi banaga. ⁴ Agani ibase, kaku gono ng, ingka kakua gomi aphe tal banaga, anga gelang fid anga adu emang hula na ma il gaphuning anga gajo ang. ⁵ Inang ajimi adi ta rang gafal oli il liali gafal. ⁶ Anga gelang ing ake ta, 'emang hula nama ebeng ging ta' anga gajoang gana ng, ibase nuaba ma, sengse ping piafak adi upieling oli piaufak adi ujaga. ⁷ Sebab namaba bola ta angase ging ilkakua hi ta, oli nama ba naboga angase naboga, il kakua gomimi. ⁸ Ani ibase ping adi iliali gafal, anga gelang ma'e ping ta piafak adi gojajuku, kondo faja phenangba, pi'i man oli tomi tajajahi angba pake, sengse salamat gato pi, pingmi kuat angaba pa ke, miama pisalamat gene. ⁹ Lahatala Gangka ping utantu, ping fa susa anga harak banaga, ibase salam at pi Tuhan Yesus Kristus gomimi. ¹⁰ Gang amina mia ma pidang, ang hise ping piafak ujaga, nagaba ping ta di, ping gala topuni miha. ¹¹ Anga gelang ing tafo ng gene anu miama anu ga dang, sengse ing oli teng tatumba miama tatadang, emang hula ing ae ukaraja ng anga gajoang. FONG GENE OLI HUR GAUMATEMI ¹² Kaku gonong nang ibagang, namaba karajang karas ihahamami ing male kang geng uada, ging anga ba iatang puni phana Laha tala ugadu. ¹³ Ing tabi-tabi ging uada sengse iomi anga oli miama gijahi karn a karajang ba ging ukaraja ng anga. Apheta tonua to hama anu miama anu gada ng. ¹⁴ Ning ing hondil, Kaku gonong, gingba malas talalu anga gihapa, ging ba gi iman moleng anga ging gene ging mate anamang, oli gingba moleng bala ang a ing gio moling, sengse oli sabar miama nama ajimi gadang. ¹⁵ Giuling anghi ake na ma joa phela gahalang uka rajang se oli ake phela mia ma balas ganang, ibase ia fak ugape, nua hama angba ukarajang miama nama aji mi gadang. ¹⁶ Ing mang suka nafara tarus. ¹⁷ Sambajang angaba tarus! ¹⁸ Il rupa karanu gomi mi tarima kasi angaba uba gang tarus, sebab ilba garu pa agani angaba Lahatala suka Kristus Yesus gomimi. ¹⁹ Ake Eang Hamolang pak ganang. ²⁰ Ake nubu at anga reme ganang. ²¹ Ani ibase il ajimi anga uji! Sengse ilba nua angaba pu ni anamang! ²² Phela gahalang rupa rupa karanu anga, ajimi miama iohapha! ²³ Biarla Lahatala tomi anu taha anu ga'ejel anga ba inang ajimi ing gene ha molang. Biarla Eang ualmagang oli aboga aji ajimi gang ugariang, ka mi phela dinaga sampe PiLaha tala Yesus Kristus Pimanaki ng gang adu ²⁴ Gengba piagang anga kalaka, Gang kuli ukarajng. ²⁵ Kaku gonong samba jang miama nindi nidang. ²⁶ Palaki adi miama pika ku ginang ajimi maginang Lahatala gatamunang ha molang gomi. ²⁷ Nang tatabi abagang Pimanaking gane gomimi bola surat adi basa miama pikaku ajimi moe momi maginang. ²⁸ Nua hama Pi Tuhan Yesus Kristus gabung iala topuni.