¹ Riaka nogoru sambayang kengomino nako Majou ai demo itaiti iaisimorene maruka idadi kainginioka. ² Dela ngomi imipidili nyawa-nyawa yokakajamu de yoruruta ino.karena angodumua mamaiman meiya. ³ Yesus manege osatia unadone ini sibuturungudeoni bigogomo iruruta ino. ⁴ Ngomi mia pake ngangaku mayo ino mangale ngini niaakana okia pareta ngomino. ⁵ Kolaika ma yesusu isidumutu niasingia kemayou madudutu ika watahan kemakristus ika. ⁷ ngini sandiri nisiodaka sokonoke ngini niaturu musti nimituru ngomi sababu ngomi mipamalakauwa ngomi minimoteke. ⁸ Ngomilah mia oyomo masomoa mainomo nako mifanguikauwa, ikilioroli, ngomi miusaha de mimanarama igogong ange denaru langini uwa nimakana niyasisusa kenyawaika. ⁹ tomanege ngomi mikanua to ona mamahak malabang miaike tongomi miaroese masiretene idadi contoh moi kengeniuku dengini nia moteke. ¹⁰ ngomi kawo makokomotekekesiloh, ngomi miaike pareta ini nako sonyawa yoholuku yo manarama ,uaojomo. ¹¹ Sababu, ngomi miisene magenaga amurunaga ini bimoteke ona yosahu de hal-hal manguna meija. ¹² Nyawa sokamanege ngomi miyapareta de ngomi miyaike mangale de yesus kristus ai romanga de ni mnarama niyanouku de niaoyomo tongini niaroti ¹³ Sadangkan ngini, riaka nongoru,uwa inibinomoyo niakana yaloloa. ¹⁴ nakoso nyawa yotaat kauwa okia misidemo surat madoyaka manena,nyawa sokamanege niyaike nonako deuwa nimakoko moteke deona menege supaya una manege imajeke. ¹⁵ Deuwa nijaakana ke nia musuh,tatapi niyatawanono maruka nianongoru. ¹⁶ Majou ai da mai de sananga kalaha ani beke damai kaitaurika de sagala kan dadi Majou ani bimoteke ngini ingonauru. ¹⁷ ngoji paulus,talefo aji tabea manena de tongoji aji giama masiretene maruka ka aji surat madutu,soko manegelah ngoji ta lefo. ¹⁸ cocatu Majou ino,de ma yesus kristus, oni bimoteke ngini inibingodumu.