ATA NATENAI ALLAH ORO MAYILLANA YESUS KRISTUS ¹ Oro batauda ge inna, yitta baha tengu beda waige hatena, nyiwe yitta da moli danga beni Allah ledeni morda yitta, Kristus Yesus; ² ledeni nyi, yitta da kolena lara tama ka aro taha tena ta kenyurui Allah inna batauge dadi pu dage yitta bada dede, mono yita da lagahara lari ta ma manne manadai Allah. ³ Wale nyikel mawe inna, yitta dumo da laga hara lari tama mayillada yitta kalida oro yitta tadawe waige mayilla inna na hadadi dage mappaha, ⁴ mapaha naha dadige hada katahna kama kiraha, mono hada katahna kama kiraha naha dadige mamanne, ⁵ mono mamanne walna hamarahak madadi ateda, oromanawarai Allah pa bibena neda lari ta ateda yitta ledeni wadi Biha pa kanyuru benada tabarada yitta ⁶ Kole yitta bada loja ho, Kristus mate tutu ata tilra ta mahigo katuba. ⁷ Oro, pajawe da ata ka auwu mate tutu ata katena, loko ba dadikna ata ka awu mate tutu ata daha. ⁸ Tabolo, Allah naha dedo bege manawaraNa tabarada yitta, inne kole yitta dadiho ta jala, Kristus mate tubada yitta. ⁹ Rehige wali inna, kole bana hatenguda waige raNa, yitta enga hamane maradawali tahokunai Allah ledeni Nyi. ¹⁰ Oro, kole yitta bada dadi muhu poni Allah, yitta naha moli beda waini Allah lede matena AnaNa, rehige inna batauge oro yitta da molibe waini Nyi. Mono nadedo bewe inna batauge yitta naha moli beda tai Allah, yidawe yitta dumo enga mane marada ledege morhaNa. ¹¹ Wale nyikelmawe inna, yita dumo daegela neda lari tai Allah ledeni morda yitta Yesus Kristus, bada ledeNi yittabatauge Hibawe moli Allah. ¹² Oro bataudage inna, tauna jala bana tama bewe neda lari ledeni wu ata mono mate tamawe lede jala, tauda dumoge mate mahabarawe tabara tangana ata oro tangana na jalabe. ¹³ Oro, jala dabege ta panu tana ai dahoge uku pareha Taurat Musa dadi, tabolo jala wale nayapu makdadi Allah batamrahoge ai dage ukku pareha Taurat ¹⁴ Loppo bataudakge, mate naha rehawe wali tai Adam kaha tai Musa, loho dumo ta ata ai karayige jala katujana patayinai Adam, ba nyiduwe mawoge wali tanyinimi ka amna. ¹⁵ Tanyiduwe, ha yinai Allah inna wale naha mera dak mawe inna jala. Oro, nyimoro jala wu ata, buta dangage ata kamatebe, nyi rehige marada ate wali tai Allah mono panyiyo lede maradana wu ata nada haluguna Kristus Yesus. ¹⁶ Mono, kanyuru walna hatuja dak mawe oroge inn jala wu ata nada.oro bana yidi rakada inna wu layi harayi enga enga kodonani hukuna, tabolo kanyuru tutu buta harayi ngidiwe patengu. ¹⁷ Nyi oro jala wu ata, mate naha rehawe taa wu ata nada, rehi wikna ata ka hiba kama jabola kanyuru mono marada katena enga harehana neda lari tamorha ledeni wu ata, haluguna Kristus Yesus! ¹⁸ Nyidawe, katauna harayina wu ata tangada ata hibawe hokona, tauda dumo nage parayina katena wu ata dumo tangana ata hibawe morha mono patenguna. ¹⁹ Oroaina manudu wu ata, buta ada kadadi ata kajala. tanyiduwe, oro manuduna wu ata, buta ata paha tenguda. ²⁰ Uku pareha Taurat ma tabayi dajalage jala kiki butawe.Tanyiduwe, taha dawu jala ki butawe, kanyurui Allah enga kiki majabola ge, ²¹ dajalage katauna jala bana harehawe neda lari ta mate, manawara marada ate dumo na harehawe lede tenguna ka kodoni atata morha aika duka neda lari ta Kristus Yesus morda yitta.