Maringngi Monno Hanauwu Wali Tai Paulus ¹ Nauwa gu yigiminni tabara mui Febe, olebayida yitta lawai nyiduna wu ata kapa nukkuwe kangote ta Kengkrea. ² Hibbayi nyiyota jonganai Mori kataudana tangngana ata hapede, monno tulluni nyiyo ta tillu tangnga kahhage habaina wali ta baramu Oroge nyi dauyo badda yina ma tullu ta barada ata buta monno dummo tabara nauwa dauwu. ³ Hadikkigage maringngi gu tabara nai Priskilamonnoi Akwila, nada ole ulla gu ta jonganai Kristus Yesus, ⁴ Naka badda hatoroge ngahu dauda yid'datutuge morha gu. Tangage yidda, walle nauwa kelmanaka hailana manuta tanyi dummowe tangngana kanote aika Yahudi na. ⁵ Hadikki jalla gage maringngi gu ta barada kangote na ta umma da yid'da. Hadikiki jalla gage maringngi gu tabaranai Epenetusnada hama nawaragu, nyiyo nada ata k ullu ta Asia naka hibai Kristus. ⁶ Maringngi na tabaranai Maria nada bada ulla tetakkana tutu miyo. ⁷ Maringngi tabarai Andronikus monnoi Yunias, Tangada olebai wu Bangsa gu lohho alla ole ta gallu gu naka dummo hatada ta jonga da rada Rasul, na dummo ka badda dana na tai Kristus ailahoga nauwa. ⁸ Maringngi tabaranai Ampliatus, na hamanawara gu na tai Mori ⁹ Maringngi tabaranai Urbanus, ole ulla da yitta tabaranai Kristus, monno tabarai Stakhis na pa nawara gu. ¹⁰ Maringngi tabara nai Apeles, naka dela kadi ka baddatahna hakamana tai Kristus. Hadikki jallagage maringngi gu tabara radaata olebaina Aristobulus. ¹¹ Hadikki gage marngngi gu tabara nai Herodion, olebai gu kawun a Bangsa gu. Maringngi tabara rada Ata olebainai Narkisus, naka dana tai Mori. ¹² Hadikki gage marngngi gu tabaranai Trifena monnoi Trifosa, naka joli takka tai Mori. Monno, tabaranai Persis na hama nawara gu, na dummo kaulla takkana ta jonganai Mori. ¹³ Marngngi dummo tabara nai Rufus, Ata ha pede ta Jonga nai Mori, monno dummo tabara inya nana ka da'di inya tutu dummo. ¹⁴ Maringngi tabara nai AsinKristus, Flegon, Hermes, Patrobas, Hermas monno tangada olebai naka oledi rada yid'da. ¹⁵ Maringngi tabaranai Filologus monno Yulia, Nereus monno wattona, loppo tabranai Olimpus, monno tangngana ata Murraha na ha oledi rada yid'da. ¹⁶ Yikimi maringngi nada wu loppo wadeka waige pa ngagha ka murraha. Tangana kangote nai Kristus hatomage maringngi da yid'da ta bara mu. ¹⁷ Batauge nauwa gu dulla gimmi miyo, bagu olebaigimmi, hamattaradi yid'da na kaha tummuge hawattena monno kapa jallorana, lohho na ka li heka wali rada paha nuwada naha badda hibbam miyo; dikkarawudi yidd'da. ¹⁸ Oroge, rada ata katujjana nado aika panukkuwe tai Mori yitta Yesus Kristus, tanyiduwe hanukku we habayi da yid'da dau; monno waige hanewe naka mawu lohho hatakki- hatakki ha keketa wkkina, yid'da da tipui ateda tangada ata rada aika tauwu paha ngaddadi. ¹⁹ Oroge, manuddu mu badda da tadawe tangana ata, oroge nedo nauwa la gaharawa orom miyo. Tanyiduwe, nauwa baige tannam miyo hatadage tabarage aga naka kadahha monno ka murraha wali ta hada naka japata. ²⁰ Alla puge moli maringngi enga na geha ha mabboni nai ka balka ta kabu koko ledu Mu. Kanyurruh na Yesus Mori da Yitta, doku mamanno gu. ²¹ Timotius, olegu kappaha nukku gu, hadikkige maringngi tutu mu, monno dummo wali tai Lukius, Yason, monno Sosipater, tangana olebai ta bangsa gu. ²² Nauwai Tertius, naka tolhawe jurrata inne, hadikkigage maringngi gu tabara mu tai Mori ²³ Gayus, naka yiwe matullu tabara gu monno ta bara tangngada kangote, ha dikkige maringngi tabaramu, Erastus, bendahara kota, monno Kwartus olebada yitta, ha dikkige maringngi ta bara mu. ²⁴ (Kanyurruh nai Yesus Kristus, Mori da Yitta, dokugimmi mi tangngam! Amin.) ²⁵ Tabara na Nyiyo naka makkage ha kullaham miyo ka tujjai Li ege ate naha ngiddi gu monno paha lara gu tutu nai Yesus Kristus, monno na tujjawe waige baha hudi rahsia napaka bunnyi ka taukalana madina, ²⁶ Tabollo na batauge badda hatingoge ledege Jurrata- jurrata rada nabi, katujjage waige harehanai Allahna aikamanu dukkana naha badda halara tabara tangngana bangsa tutu ka irriwu ta bara kaha manuddu ha tena, ²⁷ Tabarana Kanyiwai nai Allah naka bannuna tada ledegei Kristus Yesus; kamanadana kahha lado murri - lado murri! Amin.