Kangadukadi Tabada paha nukkuna Kahareha ¹ Tannamu tangngami ata kangaduka tabarada kapa reha ka kawahage Oroge walle lakma kapareha na aika wali tayi Allah, monno yid'da paha yanna nai Allah. ² Oro bataudage nuttu, ba iyyakayi ka gabbani kapareha, nyi na gabbage paha didaranai Allah, monno yid'da naka gabbage enga nyidawe kole huko ta tuba tawuna. ³ Oronage, kapareha walle ngidimawe madauta ta barada naka karayige kadahha, ta bollo ta barada naka rayige kajapata. Aukam miyo Morha illa lage madauta ta barada kareha ? Rayige agawe naka kadahha, Monno yau enga kolena madika wali ta yid'da ⁴ Oroge yid'da naka kapaha nukkuwe tai Allah Tuttuge dahha m. Enga nyidawe, ba inna miyo rayige agawe kajapata, madautage la Oronage la walle ai mangkappe mage kahareha narrona kito kaleka. Yidd'da dunna kaha nukku tai Allah, ka rotiwe gabbage na kaha kakowe hoku nai Allah tabarada ata karayina kajapata. ⁵ Oroge nedo, miyoum kangakkadahoge, walle dikki kelmage oroge ma hokunai Allah, Tanyi dummowe oro ate murraha. ⁶ Nyiduwe oroge mi dummo yiwu wali katakku, Oronage yid'da ata pahalewanai Allah naka pahaddege tubba tauwuna tutuge hada nedo. ⁷ Yi da ge la tabara tangngada ba agadahoi na miya hayimi; Wali katakku tabarada naka daudage hibba wali katakku, kakahhai tabarada naka dauwuge hibbayi pakahha, Madauta tabarana ata naka dauwudage hibbayi dage madauta, monno haakani tabarada naka daudage hibbawe ha aka. ⁸ Illam rayi wuttawu ta aga dummowu tabara iya dummo, tanyiduwe manawaradi rada wadeka oronage ata ka manawarana olena na pannu bewe Hoku Taurat . ⁹ Oroge, '' Illam rayi kage jala dangngana olem, Illam hamate kawu Ole atamu, Illam kedu kawu, Illam millukadi hadauda, '' Monno ba daka pareha wadeka, tangngadi nama appohabeyi inne ta lar taha takki, '' Manawaradi ole ata mu katauda allana bam manawarage pola tauwu mu. '' ¹⁰ Manawara walle rayi mage ka japata ta ole atada. Oroge nedo, Manawara nyiduwe banna bange Hoku Taurat. ¹¹ Tauda Jallage, miyo bam tada kawe rahige tabaramu batauwuge innetutuge kadde wali ta dura;Oroge batauge tolka manemara na daggetawe tabarada yitta helege wali ta wungngage yitta bada hatena. ¹² Gaddi na langnga bege monno dammage bada daketabewe, oroge nedo maida yitta kada baitadi tangadi harayida kapagtana monno kada waidi tangngadi hatauwu wai kama gakahana. ¹³ Maida yitta kada morha li bawa ate kataudana inna bana laddoge, walle tunnu teba monno inu kayanna, monno walle kama rihhaka parayi, monno walle daha tauwu ma loppo kawii atena. ¹⁴ Enga nyiduwe, waidani Mori Yesus Kristus, monno illam karawakawe pola tauwu mu tutge rotiwe naha baimu.