¹ Mabegge,Yesus nahanewe lina tabarada "Yesus taknage katena tabarada,dadi rade ata kadede aika mateho kaha bada etawe kerajaan Allah ba ammige. " Dulkanaggeiyi Yesus Tutuge Mayilla-Na ² Monna, nim kaanni ladona, Yesus nakamaikadi Petrus, Yakobus, monnai Yohanes, bege nagidi tapan letena. Bege, Yesus kaheka wiknage hadana tabarada. ³ Monno kalabbe yinne hawaina na kaka dahha takawe. Lakma kaingtage wu'u ata karayige kataudana dahhana tapan tana. ⁴ Ubna,huida tabarada Elia oledai Musa hanewe danganadi Yesus. ⁵ Mabegge, Petrus nahanewe tai Yesus, " Rabi" atdahoge dahage badagama nehe. Maiyi kada rayina tauda dau hadauyo, wuyoi dawu-Mu, wuyoi Musa, monno wuyoi Elia. ⁶ Petrus wale tadagmawe aga linna bana baleha oronage bana madauta ⁷ Amgge karabba da koro kopaiyi mona da rangewe lii kamai wali taka rabba, linage Yesus, "Nyidnagin Ana hamanawaragu. Rangei Dinna! ⁸ Walle hilli eta hayadamage, kole bada torowe tabarada, walle da eta awakma ata ka oledi helenai Yesus. ⁹ Kolehe bada bur walta pan lete Yesus naha lewai tutge katakkiwe iyai ha etada, kahha bana kadde nane Anana ta jonga ata mate. ¹⁰ Mabegge, Nanarroge lii harangena tutge bada kanukka agawe oroge yinne ka kadde hagga walta ata mate. ¹¹ Ubbu, daka nukkaiyi Yesus. Ahhadalka rade ahli Taurat balidda bahwa Elia na'mai ullu daho? ¹² Ubbu, naha newewalli Yesus ta barad'da nyi takka dahowe Elia kanna mai ullu tutge kanna hatagga hadi rade agaiyi kadadi. Monna agawe yinne kama tolha tutda nade Anana na padadahoge aika tiddana? ¹³ Nyiwe Yesus linani Musa nai Elia nyimemadaho kamai monno darayini agawe habai'da ka ete katujana kamatolha tutna nyiyo (Elia) Ana Hakodo Halolena Walledamakkamanni wuggayi Waddi Japata Tali Tanadde Wuyo Ata ¹⁴ Benadai Yesus, Petrus, Yakobus da hagga ta ana hakodo halole-Na, nyi ba da etai ana hakodo halole-Na bada killorad ataabuta, monno rak ahli taurat dahha ngangarana hanewe. ¹⁵ Monno ra'kde ata abuta bada etai Yesus, daka da'da ngiddi monno dama lai lo tabbokai. ¹⁶ Bewalge Yesus naka nukkai, agadai rade ha ngangaram oledi ahli taurat? ¹⁷ Ma'nak wu ata ta til atabuta nabalehai-Yi. "Guru, ngidigun ana kabanigu tabara-Mu kabangga orona wad jabata. ¹⁸ Ba'amkan nak wad jabata bana tamani, nabaktan ta tanah monno nawurrakkage bana, monno hangaktad ngudna, bewal na dingra. U'g karaikiwa ta ana hakodo ana halole-Mu kada wuggai nade wad kajabata ta bollo walda makkakmani. ¹⁹ Manna balehai Yesus manna hanewe, "Taa, mi ata aikahatena! Pirra tauhoge mojage bag olegim? pirra tauhoge Ba naga tabaramu? Ngidgan nam lakawa tabarag! ²⁰ Bewalge, mada ngidiyi nak lakawa tabaranai Yesus. Monno nak wad jabata bana etai Yesus, nyimana kunya pipini nak lakawa. Naka lakawa na baktan ta tanah, mono naka bole mamai nakawurrakage bana. ²¹ Nadai Marabba Yesus nak nukkai amana nak lakawa "pirra tauge ma'dige bana dakwe tabarana? " Balehanna, "wal bana marrahha." ²² Monno wad jabata da duttun bai tani tatil latti monno ta weyo kagha mouhan balina. Bewalge, Bam angtak'na rayige kaheka gaina, manawara gama nami Kam tulgama. ²³ Manna hanewe Yesus tabarana, "Nyi bam angtak Duwu? tangu kahhage nadakwe tutda ata hatena." ²⁴ mana lakawa ho'onage monno kawula, "nauwag hatenawa, tulkagmoga eihatenahogu!" ²⁵ Kolebana etai Marabba Yesus rak ata kabuta bada kilorani Mana geha wuggayi wad jabata Malinadage bana hanewe tabarana, "yauwu wad jabata kabangnga tillu nawwag harehawu hu'na walta nak lakawa lopo illam hil tama haggani!" ²⁶ Kolebana kawula monno bana kunyapipini nak lakawa kalangtakana, nyiwe nak wad jabata, banna huna. Manak lakawa meranani ata mate ubbu tangada ata kabutatakka lidadage, "matenage!". ²⁷ Mabellage, Yesus nanarronan limmana nak lakawa monno naha kaddei, ubna dedeki nak lakawa. ²⁸ Monna Yesus na tama ta umm, ana hakodo ana halole-Na daka nukka mehai. "Ahha nami aima ingtakanni wuggai? ²⁹ Monna, Nahewe tabarada, "katujana nade walna hu'awakmana helena bada sembahyang." Yesus Takki Haggalnagge Tutuge mate-Na ³⁰ Wa bali, Yesus monna ana hakodo ana halolena da kakao monna da lihabbo ta loda Galilea. Monno, Nyi walena auwukma bada ata katadai. ³¹ Oronage, Nyi tamraddi hanuwadi ana hakodo ana halolena monno Nadage bataknage; "Ana ata da yii talimma ata, monno daha mate-Yi. Monna kole bada hamate-Yi, tauda lado ta aro Naa kadde hagga." ³² Mabegge lage, ana hakodo ana halolena waleda tada'kmawe ha tak-Na monno dama dauta kanukka-Yi. Hagabbanna Tutuge Inyai Kadadi Ata Taggahayi ³³ Begge, Yesus monna ana hakodo ana halole-Na da dikkii ta kapernaum. Monna, kolehei Yesus ba adani lar ta umm, Na kanukkayi tabarada, "Agaii hatakkim ta lara?" ³⁴ Tanyidawe, kadana daldage oronage tamrada kako ta til lara da hangangara wikna tutge ba iyai kahadda madakka. ³⁵ Ubge, Yesus na ngodo monno nakamaikadi kabuldudana ana hakodo ana halolena. monno, nahanewe tabarada, "nyi badaka ata kabaina auwu ullu, nyidaho kahadda murru tangkahhage monno ka narroge tangngage." ³⁶ Mabegge, Yesus Na ngala wu'lakawa monno da tauwuyi mana dede ta barada. Monna Na yapuiyi naklakawa, nadage Bana hanewe tabarada, ³⁷ "ia daiyi katabokai lakawa marraha na tilngara-Gu, nyi katabo kaw-Wa. Monno ia dui kahibba-Wa, wale nau-Wak da'kma hahibbada, tabollo Nade kaha lewa-Wa. Orang yang Mengusir Setan dalam Nama Yesus ³⁸ Yohanes nahanewe tai Yesus, Guru, nami ma'etai ata kawuggayi morrtana ta ngaramu, manna nami matonui oronage yida dokuda ³⁹ Bewalge, Yesus naha newe "iyam tonkai oronage lak'ma ata karayige wu'u hada habanning daga tangara-Gu, ladomema nedo ⁴⁰ Oroge,iyai eika kabada, dadi tabarada. ⁴¹ Oronage, nawwag takwe katena tabaramu, ia dui'i ka yigu we'e wu'u koba bam dokoni Mori, walena bung'ngai mawe hige." Tutuge Tubage Doku ⁴² Monno iyaduyi kahaoro walta dihha wu'u lakawa kahatena tabara-Gu nyi karayina jala, at hoge daha tabarana watu kama dakka daironani takokona ub'baitanni taban. ⁴³ Mono, limmamu bana ha orokawu rayigi kajala, katuplayi limmamu kajala. Nadahadahowe bam tamawu kamorha kadaha monno limamu kadubbu igdahoge duda limmamu bana tama'ii ta neraka,ta'a latti iaka badda. ⁴⁴ Dau-daudi kaela aika mate monno latti ai kabadda awa. ⁴⁵ Monno , nade ledumu bana haorokawu ta jala, katuplai ledumu. Athoge daha tama ta morha waina ledu kadubbu igdahoge duda ledumu baitad ta neraka. ⁴⁶ Dau daudi ka'kla aika mate monno lati ai kabadda. ⁴⁷ Mono, nado matam bana haoroka kajala, layin nado matamu. Athoge daha bam tamawu ta kerajaan Allah wu'u mata igdahoge duda matababaitadi ta neraka. ⁴⁸ Dau dawudi ka'kla aika mate mono lati aika badda. ⁴⁹ Oronage, tangngad ata enga nyidahowela bahamahini latti. ⁵⁰ Mahhi na dah'hawe, tabollo mahhi bana bungawe mahge, agadahowe hadage kanna mah hagage? Dadahoge mahi ta taudaumu mana dahawe tabara ole atamu.