¹ Nade Yesus tama nage ta Sinagoge, nedo bali dani ata kamate gaba limana. ² Yida daha matranani Yesus monna da torroyi baragga hataggahanan Nyi nani nade ata ta lado miggu tannam kama antah bama hadakke-Ni balida ³ Begge, Yesus mana hanewe tabarana nade ata kamate gaba limana, "Dedewu ta tailna." ⁴ Monna Yesus naha newe tabara yida, "nadakawe bara'ina kadaha monnaa bara'ina kajapata inna lado miggu? Hahoila ngah ata monna hamateyi?" Tabollo, yida daka danna. ⁵ Lodoge, Yesus manna torro we kalingngorana manna bani. Nyi dage kaha milla oro katudi ateda yida. Lodoge, Yesus manna hanewe tabarana na ata kamate gaba limana, "Hanyokatan limamu." Monna nada ata mana hanyokatan limana, monna na limana na tagaha. ⁶ Oro nage, ata-ata Farisi mada kako, monna halege dage bada hawuna oled rade ata-ata Herodian kama gaba-Ni tutge baha mate-Yi. Buta Ata Kadokunni'i Yesus ⁷ Tabollo, Yesus naha dikko rauwikna oled rade ana hakodo halolena ta hoba, tabollo kataukalna butana ata kawalta loda Galilea kadoku-Ni, monna kawalta Yudea, ⁸ walta Yerusalem, Idumea, loda tabal laiwe Yordan, monna rade wi'ina tabara Tirus monna Sidon, buta ata karange tangage harai'inai Yesus, kamai tabara-Na. ⁹ Oro nage rade ata buta, Yesus naha newe tabara ana hakodo halolena tannam kada hainyaka wu tena tuba-Na tannam yida kailla daheran Nyiyo. ¹⁰ Oro nagei Yesus banna buta be'i ata hatagahana, matangada ra ata kamangkalawarana daha dahera-dahera wikna kama 'jo'ja-Yi ba lida dage ¹¹ Monna tangada rada wad-wad japata bada etayi'i Yesus, yida daka wo'jo ta aro-Na monna daka wula, "Yau Ana nai Allah!" ¹² Tabollo, Yesus nahertakkaddi yida bada takwe baiya'i Nyiyo. Hadidrayi Kabulu Dudana Ana Hakodo Halolena ¹³ Lodoge, Yesus pannenage tapanletena monna rade ata ha kabate-Na kag halinna-Na, monna yida ammid tabara-Na. ¹⁴ Nyiyo manna hadidrai kabul duda ata tannam yida ka'da oleda-Ni monna Nyi kana anta bana halewa yida lo talarage linai Allah, ¹⁵ monna nayidi bibta hareha tannam kada wuga mortana-mortana. ¹⁶ Yesus naha didrai kabul duda ata yida: Simon (tabarana Yesus mana yini ngara). ¹⁷ Yakobus, ana'i Zebedeus, monna Yohanes, olebaina Yakobus (ne'e tabarana Yesus nayidi yida ngara Boanerges, kappege,"Ana-ana Guruh)". ¹⁸ Andereas, Filipus, Bartelemeus, Matius, Tomas, Yakobus, ana'i Alfeus, Tadeus, Simon ata Zelot, ¹⁹ monna Yudas Iskariot ka bokala wai-Ni. Kuahanai Yesus Kawalidawe Tayi'i Allah ²⁰ Lodoge, Yesus manna tama tadiha bat'umma, monna makillora rada ata ammid bada makahha nedo lodoge Yesus monna ana hakodo halole walle da antama ya kababa. ²¹ Kole rada ole bai-Na bada rangewe tutge inna, yida ammidi kama maranga hagani Yesus oronage yida bada takwe wlle hil pimanage balida-Ni. ²² Monna, Ahli-ahli Taurat kaburru walta ta Yerusalem malida ge, Niy tama nanni wadjapata Beeizebul!" Monna, "Nyi nawuga mortana waige bibta harena rato mortana." ²³ Lodoge, Yesus manna kamaikadi yida maitabara-Na, monna manna takdage waige lihatujja, "Aga linna kawe nai kabalka banna wuggayi'i kabalka? ²⁴ Nyi inna wu kalingngora hareha banna bahha kawe, banna gaba daukage tau dauna, inna kalinngora hareha walna hil kulha damawe. ²⁵ Monna, inna wu umma banna bahha we gaba dauge tauna, unna umma walna hil kulha damawe ²⁶ Nadai kabalka banna kadeka gaba dauge inna tau dauna monna banna bahhaka, nyi walna hilkulhadama, tabollo ngahdanage inna harehana. ²⁷ Walle ladamanni nada wu ata kaanta tama ta umma ata kulha monna banna kedu kahha nadi hapotena, helege nyi banna katti ullununi nada ata kakulha, abnyidahowela nyiyo banna nagalanadi hapotena ta ummana." ²⁸ Nauwa Ug takgimige katautakana tabarami, tangaddi jalada anada kadadi ata nadadwe baha walid'di, monna tangada mapadda rada hatakda yida. ²⁹ Tabollo, iyai'i ka paaddai Wad Biha walle nahil dad mawe baha walini, tabollo jala aihil hawaldawe. ³⁰ Oronage, ahli-ahli Taurat bada hanewe, "Nyi na taman wad japata." Ha Olebayi Takkanai Yesus ³¹ Lodoge, inyana monna olebaina nai Yesus ammidi monna dadede tabal umma. Yida daha lewa ata tabara-Na loka maika-Ni. ³² Kalingngora ata tangra ngodo dage killorani'i Yesus monna daha newe tabara-Na, "Torroi'i inyam monna olebaimu dadi tabalha'a tangra mayega dag Yauyo." ³³ Begge, Yesus nabalehayi monna nahanewe, "Inyai inyag-Gu monna olebai-Gu?" ³⁴ Nyi mana torroi rada ata ngodo kakillora-Ni monna nahanewe, "Torroi, rade yida inya-Gu monna olebai-Gu!" ³⁵ Oronage, inyai na karayige hakab atenai Allah nyina olebai kabani-Gu, monna olebai lawai-Gu, monna inya-Gu."