Kapala Yahudi Kanulkanagge Tutuge Kuahanai Yesus ¹ Dadi ata kaulage batu oma anggur. Nada Mori oma na kilorage galu, mono nakahawe wu kalena kapahlawaina anggur, mono naha dede lewata kaha matara waige. Bege nakahewe tabara ata katau oma ma ubna kako ta diha nuha. ² Dikige rahi, naha lewayi wu ata dikidi reda katau oma longalayi ngihi oma anggur hadauna. ³ Bege, daldani nada ata paha lewa, mada paluyi, dawu gayi mono haga waina lima kalu. ⁴ Oro bataudage, naha lewa wali ata heka tabarada, mada pal wal nage katakna, darayige kanogo hamake danga. ⁵ Bewali, daha lewa pi wal ata mada hamateyi. Tauda dage kadadi tabarada kabuta, wadeka paluyi, wadekawal hamateyi ⁶ Mori oma naha lewa pi wal wu ata, nada Ana pama nawarana. Mabege, mana halewayi nada anana tabarada mono lina engage bada haakani oro baana guni. ⁷ Bege lidage, rada Ata katau oma pada panewe danga wikida-nyi nam kadauge, mai kadahamateyi tanamu nada omana kada dauge Yita ⁸ Nyi, kada yapayi, madaha mateyi, mada baitani tabal oma anggur. ⁹ Agawe paraina nade Mori oma anggur? Nyi kana mai mana paduha yi rada ata katau oma mono na oma nage na yiwe ta Ata heka. ¹⁰ Walemu kalu baha mahowe hanewege jurata Biha: watu habaitana tukang uma, nyiknage watu hadda. ¹¹ Nyiwene parayi nai Mori, mono parayi heka hadawe ba eta waige mata?. ¹² Bege, darunige yapa-Yi, nyidawe dama dautadi Ata buta oroge rada Ata buta datadawe Maraba Yesus padikidi lipa tuja tabarada. Ma, kakodage tanami Yesus. ¹³ Mabege, daha lewayi pira Ata Farisi Mono Ata Herodian mai tabaranai Yesus tanam katoroi jiwatana wali taha newe dauna. ¹⁴ Bada maiyo mono dapa newe tabarai Yesus " Guru, matadawe yau,m tena mono habai halayi hataki Ata heka. Oro, yau walem etadakmawe hada Ata tabolo hanuwani larai Allah waige katena. Natenawe bama bayarana pajak takaisar nyika wale?. ¹⁵ Enga dahoge bana bayarana nyika bana bayarana habayarana nyiduwe Yesus bada tada nade koboda, Nyi kalinadi tabarada aha mamu Kabaga? " Ngidiyi tabaragu wala dinar tanamu kagu toroyi ¹⁶ Nyi, ngidiyi, linai Yesus tabarada " mawo mono kamatolha ia nage mada bale hawe tabarana, " mawo mono hatolha kaisar". ¹⁷ Bege, linai Yesus tabarada. Yinadi kaisar hadauna kaisar mono yinadi Allah hadaunai Allah. ma, dabangara tabarai Yesus. ¹⁸ Ma, Ata Saduki, rada katakiwe aidage kadege haga amidi tabarai Yesus mono daka nukayi tabarana, lidage. ¹⁹ Guru Musa natolhawe tabarada badakage nada wu Ata, kapang angwuna laina diki walini kapiku kole ana. ²⁰ Da pitu Ata bada haangwuna. Nada kahada hakaiya na ngala ole umana, bana matege walakma anana. ²¹ Ma, nada olena haduda wai nika dangani nada lawai, mate wala jalakma anana. Tauda dumoge nada hatauda wai. ²² Ma, wadakma nada kapitu Ata bada ha angwuna walakma anada, hadage wal rada tangadi, nada lawai mate. ²³ Nihi talado kade haga, bada kole hakade haga, ia taka ka ole umani nada lawai? Oroge rada kapitna Ata bada ha angwuna bada ole uma kahani nade lawaiyo. ²⁴ Yesus nabalehayi Yida, wale nyikaduwe kapege pajalora dangamu, oroge aimu tadawe Jurata Biha kawahanai Allah? ²⁵ Oro, bada kole hakade haga walta jonga Ata kamate, walakma ka ole umani waleka halaina, tabolo Yida datujayi Malaikat ta Surga. ²⁶ Tubada Ata kamate paha kade haga walem bacakmawe juratai Musa, mono tuba tara wani, aga nawe Allah bana panewe tabarana Allah Abraham, Allah Isak lopo Allah Yakub. ²⁷ Nyiyo wale Allah Ata kamate mayi, tabolo Allah Ata morha.Mige jalora taka- taka mige. ²⁸ Bege, wuata walta ahli Taurat mai mono rangeyi Yida bada hatijana hanewe. Bana kole haetayi Yesus bana baleha daha-Nyi kana kanuka tabarai Yesus, pareha gitakage Hatada baning wal rada tangadi?. ²⁹ Yesus nabaleha, "haku ka hada baning: Range ta Ata israel! Maramba Allah duka wutaka- takayi Mori. ³⁰ Loho, manarani Mori Allahmu waige atemu katangkahana, waige paha ngadamu katang kahana, loho ngara dukage kulhamu. ³¹ Mono, kadudakana nenyiwe: manawarani Ole Atamu kataudana tau daumu walakma pareha karehi bikta wali nada. ³² Bege, alhi taurat nadage nahawe tabara Yesus "yau tena, Guru. Yau tena mono baduka Yaupe, loho walakma hekakma walta Nyi. ³³ Ba, manawarani waige ate katang kaha, waige paha ngada katang kahana, mono waige tangage kulha, lopo manara ole Ata katauna tau dauyo, katau taka nage bana rehi dapoyi wali tamaraka patunu mono manuta. ³⁴ Bege, kole Yesus bana etayi nada Ata bana baleha waina manya ngala nyiyo raha newe tabarana "Yauyo walem maraukma wali takalingora Allah. Benadage, walehilakma Ata kaban Ate kanuka tabarai Yesus! ³⁵ Bewalge, hagapege panuwana ta uma Allah, Yesus hanewe aga nakkawe ahli-ahli Taurat bada hanewe nai Kristus nyikna ana daud"? ³⁶ Daud dau naha newe tajonga wadi Bisa, Mori naha newe tabarana paha akagu ngodo tabara ta kawanagu, kaha nauwa pangodo gudi muhu-muhumu takabu ledumu. ³⁷ Daud dau natakiwe Kristus meranai "Mori Nyi aga nakkawe Kristus bana anani"? Mono, Ata buta darangeyi waina lagahara. ³⁸ Tajonga panuawana, Yesus nahanewe, "hamataradi rada ahli-ahli taurat kabaina kako nutu- nimi waina kalabe madaka mono baige hiba manuta tapadau-tapadau hakabo. ³⁹ Mono kamang padau ngodo hamanuta neda ta Sinagoge mono hadau pamanuta ta hadau hakula tahadau kula. ⁴⁰ Yidakna kabaige karamadi umada kalawai balu. Mono daledege sembayang daha duhaga-duhagaYida enga dahibawe hoku karehi bikta. ⁴¹ Bege, Yesus ngodo aroni nada dau tauyi manuta. Buta ata pote kahatamana waina yapna kabuta. ⁴² Bege, amini wu lawai balu kamila mono hatamadi dobala amaha bahi kamerana hina wala sen. ⁴³ Lodoge, Yesus naka maikadi ana hadoku-halole-Na mana hanewe tabarada, "nau taki mige ka tau takana tabarami, lawai balu nade naha tama bena karehi buta neda taha dau manuta wal rada Ata wadeka. ⁴⁴ Oro, Yida tanga kahada dayi tatilu kabuta, tabolo lawai balu nade nayi tatilu milana, na yiyi tanga kahadi hadauna rada tangadi pakanyuruna."