Tuttunagge Pahewa ¹ Ta murge, Yesus na tana dage inne hadau yo monna na kakoda tana Yudea monno nutu ta laiwe Yordan. Monno buta ata kama kaha malohho ge ,monno kadamma, nyiyo naha nuwa lidi. ² be'ge, ata-ata farisi katau dada nage ,yiyo bana hawal lida yidda , mai wal dage , mona bada hajode yi, tau taka ge nade kabani pahewa danga ni ole umma na? ³ Yesus na baleha yi, agai halewa nagemi Musa tabarami. ⁴ yida hanewe da na hahain linna rayina jurata pahewa, monai hewai. ⁵ Tabolo Yesus hanewe nage tabara yida, oro nage Musa bana katuwe atena monno nahewayi. ⁶ Tabolo wall hoge bana raina kadadi ata, maraba Allah rayi nage kabani monno lawaiyi ⁷ Oroge, ata kabani tana nani amana monno inyana ⁸ monno kadudana dadi wu hoba bege, yida wale duda mal da, waige ba wuhoba ⁹ bege agawe Allah bana hawuda, illa dakani wu ata kaha hewa wikna. ¹⁰ Tanyiduwe, larr ta till umma ana hakodo ana halole-Na kanuka nage tabarana tut ge nutu. ¹¹ tanyidowe, nyi hanewe nage tabarana, lang m'ba iyai kahewa dangani ole umma na nikah dangana kabani wadeka, illam ralkakinni kajala tabarana ole ummamu. ¹² Monna, tauda jalage ole ummana pahela dang'ngan laina monno nikah kabani wadeka nyio rayi nage kajala. Yesus Nahhamma Ringuyi Ngaradukkada Lakawa ¹³ Monna, nyida ngidiyi lakawa maraha tabarana yesus taman kanarodi rade lakawa, tabolo ana hakodo ana halolena, kanukkayi ¹⁴ Tabolo, nyidawe Yesus etanadi, nyio bana bani monno hanewe tabara ana hakodo ana halole, "nyamadi lakawa marah'ha kada mai tabara-Gu monno illam tonkai oronage kerajaan Allah katujana kadauge ata katauda yid'da. ¹⁵ Luggudi bagtakdage, katena tabaramu, iyai aika auyo na tabo kawe ta kerajaan Allah katujana lakawa marah'ha walena dadi maye tama nutu lari ta kerajaan Allah. ¹⁶ Tamurge, Yesus yapunadi rade lakawa nyio, nyiwe bana hama ringnadi monna na ijalai limana ta pan katakda. Ata Pote Katullaragge Dokunni Yesus ¹⁷ Ma'be'ge, Yesus tanggra hagan mana ge ta lara, dadi ata ka malai tabarana monno takodi kuddo tabarana monno kapatani,"Gur kadaha. Agai dahoi harayi gu tanam kagu kologe hapote morrha kana engage? ¹⁸ monno, Yesus hanewe nage tabarana,"allah lina dage miyo mam takda we bagu dahawa walle lada'a mani wu ata kadaha, dukka Allah nyima dahe ¹⁹ miyo bam anggta dawe hare hawe:"nja'mana hawunnu, illam hajala dangani,iya kedu kana,iya ngidd kawe hanewe palleka, iya tak awaka, hatena kiyi inyam monno amamu. ²⁰ Be'ge ata ratu hanewe dage tabarana."Gur. Nawwa doki kahha bedi wali bag baumane howa," ²¹ Tabolo, Yesus na toroyi nada bau mane monno yida dage kadaha tabarada. Monno malinnage ta barada.''dadal hoge hodi aika tut tabaramu. Kako dau kahayi hadaumu. monno yikidi ata dengo, tanam kam dauge kadaha ta Surga. Tanyi duwe kam doki ga nawwa." ²² Monno inna hanewe yidawalwe habut ate dangngana monno kako nage ge oro butai hapotena. ²³ Lodoge, Yesus tangka hage kadana ta lingora monno hanewe tabara ana hakodo ana lolena, aga nawe hadage radde kapote ba tama ta Kalingngora Harehai Allah." ²⁴ Ana ana hakodo ana halolena kadada ka rangewe hatagna ta barana. Ta nyidowe nade Yesus hanewe wall dage tabara da'a ,rangem lakawa, walle dapik dahing mana tama ta Kalingngora Harehanai Allah. ²⁵ Nadaha howe nade Unta bana tama ta bonga kariha be ubbu nade ata pote bana tama ta Kalingngora Harenai Allah. ²⁶ ana hakodo ana holena ngidi we monno hanewe wadeka."Iya yi ka inta bana haila di ²⁷ Yesus toro wall nadi monno hanewe."Ngara dukka kam ata tutge nutu, tabollo walle tut kel mana Allah, monno agawe tangage tut henage Allah." Kahewage Badokunniiyi Yesus ²⁸ Petrus halege nage hanewe tabara na Yesus."Torro, nami tana mage tang kahage monno doki mag yau! ²⁹ Yesus hanewe nage," Nawwa tag gu katena tabaramu, walle lada mani wu ata katana na umma, lohho ole bai kabani, lohho ole bai lawaiyi lohho inyamu monno amamu, lohho lakawa, ta omana oroge nawwa monno oroge Injil ³⁰ nehe lado wanna dadi mawe hiba ngahu laptana, umma, monno ole bai kabani, monno ole bai lawaiyi,monno inya, monno lakawa, monno oma bada kulrada; Monno nim ka amna, morr ha aika manu dukana ³¹ nyi batau dadage, buta ata ullu dadi na ge bana murru monno tabal ge nedo ulldawe. Yesus Takki Piwallinaggeiyi Tutuge Matenai Yesus ³² Yida tanggra da'a pane ta Yerusalem, Yesus kako nage ta aroda monno. Yida bangara, bege ana kaha doki amid madauta, monno Yesus ngidi hagayi ram ana hakodo ana halole tag wall nage ta yida ba agawe kadadi tabarana. ³³ Lina dage."Torro, ka tanggra pane ta Yerusalem monno lakawa maraha yidage tabara kapala rato monno ahli Taurat tanam kamate monno aitahina ta ata wale tai Yerusalem. ³⁴ Yida hakulra dani, monno tarum dani, monno tauwal dani, monno wun dani, tanyidowe, nutna katauda ladona,nyiyo kade." Marainoda Yakobus monno Yohanis ³⁵ Be'ge, Yakobus monno Yohones, lakawa zabedeus, maida ta barana nai Yesus monno hanewe." Gur, nami mabaige bayauka karayige tut ge nami lang m'ba agayi harayim, ³⁶ monno yesus hanewe dage tabarada ,"Agai habaiyimu tut ge agai harayi gu tabaram u? ³⁷ Yida lida dage tabarana ," Kahai gama diha wu ata nami kangodo tabal kawanu, monno nado wuyo ta ball ka limu, tati manada-Mu." ³⁸ Tabolo, Yesus nada ge tabarada," Miyo walem tada mai agai harayi, muka ge enge wall ta cawan kara ahona bam enu nyi bahariha waige harihag tabarugu ³⁹ yida da tak we tabarana ," Nami mama kage!" Halege hewe Yesus, lina dage tabarana yida," Cawan nada haenu gu miyi wallem enu mam, monno miyo harihami waige hariha tabaragu ⁴⁰ Tabolo tut ge ngodo ta ball kawana gu mbe'be haganage." ⁴¹ Range nedo, kabulu ana hakodona monno wadeka dabani tabara Yakobus monno Yohanes. ⁴² monno, Yesus naka maikadi monno lina dage tabarada," Imtadawe miyo oroge yida kaha reha ata-ata aika Yahudi na raige mera yida katau takana. Monno, madesta dawaige hareha tabarada ⁴³ Tabolo wale tauda damage ta jonga miyo nyida ho kaulla na, ⁴⁴ monno iya domuduyi kabai ge ullu tajonga nyidaho ka ulla tangana. ⁴⁵ oroge ana kadadi ata ba ammini kada tagu yini walle linna dama we tabolo kana tagu dage nyiyo, monno na yiwe ngah na kakahhayi tangana ata buta." Yesus Nahha Taghhanni Bartemus Ka moro ⁴⁶ Tabolo nedoge mada dikki ta Yeriko, be'ge Yesus tanani Yeriko oledi rada ana hakodo ana halolena mono buta ata, diha wu ata kamilla moro kangarana Bartimeus, ana Timeus, tangra ngodo ta hup lara. ⁴⁷ Nyi nedo bana range we badani Yesus wall ta ata Nazaret, naha legewe hanewe." Yesus, ana nai Daut, milla kiga ate." ⁴⁸ Monno buta bani nadi monno halewa nadi kadana. Oronage, nyiyo taba kawula,"Ana Daut, milla kiga ate!" ⁴⁹ Be'ge Yesus nangahu monno naha newe," kamai kani." monno, yida dommo kamai kadi ata moro monno hanewe tabarada," Hakullha ge atemu! dedewu, nyiyo kamai kanagu. ⁵⁰ Tanggrana bana pahalewe jubana, ata moro ratu dede monno maidage tabarana Yesus ⁵¹ monno,Yesus taki dage tabarada," agai miyo habaimi harayigu tabarana?"ata moro rato balehadage,"Rabi. Nyama mugani kagu etayi." ⁵² Halegewe, Yesus lina dage tabarada," Kakouge, hatemu naha taga hawu." Nedo memage na kole hagege ha eta, monno nyiyo na dokuni Yesus katau kalla na lara. Yesus Bana Tama Ta Yerusalem Meranan Raja