Yesus Monoi Zakheus ¹ Nyiwe, tama nagei Yesus mono na palakawe harona Yerikho. ² Neda bali dani wu kabani ka naranai Zakheus, nyi wuyi pa ama ka kahha walu katakku mono ata pote. ³ Nyi na kabu etege etayi Yesus, tabolo walena dadikmawe oro hatoda ata buta; oro tauna pada ka kiwr. ⁴ Nyiwe, Zakheus malai nage ullu wali ta ata buta mona na panne ta bu pu yayu kapullota kapiku eta nani Yesus oro Nyi bana lida ta lara inna. ⁵ Kolei Yesus dikki taha daunai Zakheus, Nyi na tangara mono linage tabarana, "Zakheus, geha burruwu ge oro laddo nehhe Nauwa ug dau dahowa ta ummamu." ⁶ Nyiwe, Zakheus dummo geha burru nage mono na hibayi Yesus waioge lagahara. ⁷ Tabolo, kole tangada ata etawe hada inna, yidda kapudahge ka ngurruka mono lidage, "Nyi na dadiwe hakulla ta ummana wu ata ka jala." ⁸ Bege, Zakheus na dede mono linage tabarai Mori, 'Mori, etayige wahokadi wali taha dauwugu enga yigudi ta ata milla, mono nyi nauwa bagu kabal kanadi ngawuna wu ata, nauwa ug pahagga nadi pata wudda malapta." ⁹ Nyiwe, Yesus linage tabaranai Zakheus, " Ta laddo nehhe, manemara ammige ta umma inne oro ta nadde dummo anai Abrahamuyi. ¹⁰ Oro, Anana kadadi Ata na mai mayegani mono pahoilayi ata kabunga." Ata Paha Lewa Ka Mikku Mono Ata Paha Lewa Kajapata ¹¹ Tamrada yidda bada rangewe tangage inna,Yesus naha ngatage halarayi wu hatujja oro Nyi bana daheka ka bewe Yerusalem mono oro yidda bada yappawe inna Kalingora Parehanai Allah enga geha dikkiwe. ¹² Oroge inna, Nyi linna dumoge," Wu ata marabba kako ta dihha wu hadau kama rau kapiku keketayi dadi raja, mono be inna ge nyi ubna hagga. ¹³ Bege, ha ama nadda na kahhayi kabulu ata kaha nukkuyi mono na yidi yidda amaha kabulu aru pi. Linage tabarada yidda, 'Daga waidi amaha radda kahha bagu haggawa.' ¹⁴ Ta nyiduwe, ata ole kabihuna da butuni ate nyi mono naha ngidina kajeluyi kole nyi bana kako kapiku linna, 'Nami walema bai mani ata nadde dadi raja ta nami.' ¹⁵ Kole ba keketayi dadi raja, marabba nadda hagga mono naha rehayi atana ha yibena amaha radda kamai kadi aroni dajalage nyi tadawe ba piradi butadi ha utuda yidda hakoleda wali bada dagana. ¹⁶ Ata kadihha kana ammini mono linnage, 'Mori, amaha ka dihha aru pina hadaumu nadda na dadi kabulu aru pibe.' ¹⁷ Raja nadda linage tabarana, 'Dahha takkawe, ta yau ata paha lewa kadahha! Oro bamu mikkuwu lari ha orha ka marraha, yau um harehawu ta kabulu harona.' ¹⁸ Ata kadudana dummona ammini mono linage, 'Mori, wu amahamu nadda nadadi limma be amaha.' ¹⁹ Nyiwe, ha ama araja nadda linage ta barana ata paha lewa nada, 'Um daudi yau ka limmana harona.' ²⁰ Bege, ammi walini ata wali wuwali mono linage, 'Mori, nadde amahamu lka wuna hadaumu nauwa ug kaboroni ta kaba. ²¹ Nauwa ug madautag tabaramu oro yau ata kakublawu. Yau um ngalawu agayi ai hakali ijalamu mono ma ngattiwu wali ai hakali taddomu.' ²² Bege, raja nadda linnage tabarana, 'Nauwa enga yigu rakkamu dokuge hatakkimu, ta yau ata halewa kajapata! Nyiwe, yau um tadawe inna nauwa ba ata ka kuplawa, ka ngala agayi ai kali ijalagu mono kama ngatti aiha kali ha taddogu? ²³ bataudage, ahha yau aim yi gani amahagu ta ata ka hakako amaha dajalage kole bagu haggawa, nauwa kagu hibayi amahagu nadda lohho bungana?' ²⁴ Lohho, raja nadda linage tabara ata kadede taha dau nedda, 'Nagalayi amaha nadda wali tabarana mono yiyi ta ata kamangu amaha kabulu aru pina.' ²⁵ Tabolo, yidda lidage ta bara pa ama raja, 'Mori, atam nadda dabedi kabulu aru piyo amahana.' ²⁶ Balehawe raja nadda, 'Nauwa luguge tabaramu, tabara tangana ata kamanguna enga yiha rehini, tabolo wali ta ata ai kamanguna aga hing kana, tangadi hadauna enga ngalayi. ²⁷ Ta nyiduwe, tutu muhhugu ai kabu atega nauwa dadi raja ta barada yidda, ngidiyige yidda nimmi mono hamateyige yidda ta arogu."' Yesus Hibayi Ba Rajayi ²⁸ Kolei Yesus bana takkiyi tangadi radda, Nyi na kako ullu hodi aro ta Yerusalem. ²⁹ Kole Nyi bana dikki tabara deha Betfage mono Betania, dahekawe letena kangarana lete Zaitun na, Nyi naha lewayi duda ana hakodo-Na. ³⁰ Linnage-Nyi tabarada yidda, "Kakomge ta deha inna ta aromi. Mono, kole mi tamami nedda bali,mi enga eta mini wuyo ana keledai ha katti mono wali na kali kaletek mahoyi ata. Laddani ana kaledai nadda mono ngiyige nimmi. ³¹ Nyi ba daka ata kanukkami tabarami,' Ahha mi mami ngalayi keledai nadda?,' limmi dage: I Mori kawaini." ³² Nyiwe, kako dage anaha kodo halewa-Na radda mono da tabokawe tangage dokuge hatakkina Nyi tabarada yidda. ³³ Ba tamrada laddani ana keledai nadda, morina na kanukayi yidda tabarada, " Ahha miyo mami laddani ana keledai nadda?" ³⁴ Yidda dummo balehawe, "Mori nyi ka waini." ³⁵ Nyiwe, yidda da ngidiyi ana keledai nadda tabarai Yesus mono da iajalayi kalabeda ta panu kebedona keledai nadda, begge na pannei Yesus ta bedona. ³⁶ Kolei Yesus lida ta lara nadda, ata ta ha;lakarayi kalabeda yidda ta lara. ³⁷ Mono, kole Yesus bana kiki dahekawer Yerusalem, inna talara kaburru wali ta lete Zaitun na, tangada ka dokuni-Nyi halege dage daikayi Allah waige lagahara mono lida kadahha. Yidda wai lidda tabarai Allah tangage harayi bena tabarada yidda ha etada. ³⁸ Yidda da kawula, "Maringi kana Nyi ka mai ba wuyi Raja lari ta ngaranai Mori, Moli kamaringina ta sorga m ono manadana taha dau ka hadda madehta!" Mazmur 118:26 ³⁹ Kapirana ata Farisi wali ta ma ublana ata buta radda lidage tabarai Yesus, "Guru, pedekayi ana hakodoMu." ⁴⁰ Ta nyiduwe, Yesus na balehayi, "Nauwa ug takki mige tabarami, nyi yidda bada kadannaka, watu raddege enga kawulada." Yesus Na Hoge Yerusalem ⁴¹ Ba kolei Yesus ba manari dikki nage Yerusalem mono etawe harona inna, Nyi dummo na hoge. ⁴² Lina-Ge, laddo nehhe yau bamu tada hewe agawe kaha dukkege moli kamaringina tabaramu. Ta nyiduwe, batauge hada inna naka bailage tamatamu. ⁴³ Oro, enga ammige rahige kole muhhumu enga ha kadde dage gallu watu likko ka killoragu mono da ligimi wali ta gihingna. ⁴⁴ Yidda en ga hata bohta gimi, yau lohho anami kaha todana ta gallu watumi. Mono, yidda waleda belukma wu ak watu paha ditra ta panu watu wadeka neda lari oro yau aim tada mowe rahige nadai Allah bana dikkigu." Yesus Na Wugayi Ata Kama Lajana Ta Ummanai Allah ⁴⁵ Bege, Yesus na tama ta Ummanai Allah mono na wugayi ata kama lajana neda bali. ⁴⁶ Linage-Nyi tabarada yidda, "Dage kama tolha: 'Umma-Gu na dadi hadau sembayangwe,' tabolo mi um hadadige hadau ata karebo!" ⁴⁷ Lohho, Yesus na hanuadi ta Ummanai Allah nahiyi laddo. Tabolo, rato-rato, ahli taurat, mono pa ama kabihu ata rada da mayegana hada kapiku hamateyi-Nyi. ⁴⁸ Ta nyiduwe, yidda wale da tadak mawe aga linna dawe bada rayige oro tangada ata da jurta hadida rage hatakkinai Yesus.