Hatujja Tutu Hakim Mono Lawai Balu ¹ Bege, Yesus natakkiyi wu katujja tabara ana hakodo-Na tutu takki dage yidda inna yidda bada sembayang hangata hona mono ilda maraha ateka. ² Lenage, "Ta dihha wu harona, dani wu hakim aika madautani Allah monp ai ka hiyo ata wadeka. ³ Ta harona nedda, dani wu lawai balu kamai hakita ta hakimu nadda mono linage, ' Um yikiga katijana tabaragu bagu aroni gabagu.' ⁴ Tutu kapirrana mahiggo, hakim nadda wale na auma tulluni lawai balu nadda. Ta nyiduwe, bege hakim nadda linage lari ta atena, 'Lokko nauwa aig madauta duni Allah mono aig hiduyi langka iya hinguyi, ⁵ tabolo oro lawai balu nadde mai ha ngattana regawa, nauwa enga yiguni katijana tabarana dajalage nyi ilna hamayillawa nauwa waige bana mai hangatana inna."' ⁶ Nyiwe, Mori linage, "Rangwela agawe ha takkina hakim ai katijana nadda. ⁷ Nadai Allah walena yikakna katijana tabarada ata ha pede-Na ka wula tabara-Na laddo mono gaddi? Appa Nyi naha dikki dudummoge kaha bana mojage tulludi yidda? ⁸ Nauwa luguge tabaramu, Nyi enga geha yiwe katijana tabarada yidda. Ta nyiduwe, kole Anana Kadadi ata ammini, appa Nyi nadikki kaduge hatena tapanu tana?" Hayujja Tutu Ata Farisi Mono Ka Kahha Walu Katakku ⁹ Yesus dummo naha dillige hatujja inna tabarada kapirana ata kaha ngara wikkina tena mono ka torro hali bawadi ata wadeka. ¹⁰ "Dadi duda ata ka kao ta Umma Allah sembayangna. Nada wuyo nyi ata Farisiyi mono nada wu wali ata ka kahha walu katakkuyi. ¹¹ Ata Farisi nadda dede mono na takkiwe sembayangna tutui tauna, 'O, Allah, nauwa ug hibawe manawara tabara-Mu oro nauwa walegu tujjak mayi ata wadeka; katauna kama pahla,matipu,kajala dadi atana,waleka lohho katujjana ka kahha walu katakku nadde. ¹² Nauwa ug kabuktawa haduna dihha miggu, nauwa ug yiwa manuta wali ta tangadi hakolegu.' ¹³ Ta nyiduwe, nade ka kahha walu katakku dede dika rau nage, lohho walena tangarakma ta langta. Gaba dalige, nyi na paluwe kurruna hagapege ba linna, 'O, Allah. Maradda kiga ate tabragu, ata jala.' ¹⁴ Nauwa luguge tabaramu, ka kahha walu katakku nadda hagga ta ummana ba ata karehi tenayi wali ta ata Farisi nadda oro ata kaha madehta wikina enga ha bawayi, mono ata ka haliyo bawa wikina enga hama dehtayi." Yesus Mono Lakawa ¹⁵ Nyiwe, ata da ngidiyi anada yidda kamarahaho tabarai Yesus kana kaajama kayi Nyi. Ta nyiduwe, kole ana hakodo etayi, yidda kapu dage dbanidi rada ata. ¹⁶ Tabolo, Yesu na kamaikadi lakawa radda kapiku maida tabara-Na mono linage, "Yamma gafdi lakawa rada kada mai tabara-Gu, ilam heri kaddi yidda oro Kalingora parehai Allah dau dage yidda ata katauda dana radde. ¹⁷ Nauwa luguge katau takkana tabarami. iya hingu kayi aika hibawe Kalingora perehai Allah katuajana lakawa marraha nadde, nyi walena kali tamakma neda lari." Ata Pote Mono Kalingora Nai Allah ¹⁸ Dani wu pa amada yidda kaka nukka tabaranai Yesus. "Guru agawe kadahha, aga dahowe harayigu kagu dau ge morha ai kamangu dukkana?" ¹⁹ Balehawei Yesus tabarana, "Ahha yau mamu takkiwa nauwa dahha? Lahingmana wu ak ata kadahha dukka hei Allah. ²⁰ Yau um tadayi ukku peraha radde:' Ilam lokana olem,ilam hamatewu ata, ilam kedu kawu, ilam ngidi kawe hanewe paleka, lohho hikiyi amamu mono inyamu." ²¹ Balehawe ata nadda, "Nauwa uk doku bedi tangadi rada wali bagu bodi howa." ²² Kolei Yesus bana rangeyi, Nyi linage tabarana ata nadda, "Dahoge wu hada ai harayi homu. Malajadi tangadi hadaumu mono bawe dadi ata milla, nyiwe yau enga dau mudi ngawu ta sorga; mono mai kamu dokuga Nauwa." ²³ Kole ata nadda rangewe hatakki nai Yesus,nyi na maropowe atena oro nyi ba kahadda poteyi. ²⁴ Bege Yesus na toroyi nyi mono linage, "Hadda mayillage ata pote bana tama ta kalingoranai Allah! ²⁵ Lohho, rehi lewara hoge wu unta bana tama liyo ta kabonga kariha wali ta ata pote bana tama lari ta kalingorai Allah." Kadokuni Yesus Enga Hiba Dage Morha Aika Dukana ²⁶ Ata karangewe hatakna inna lidage, "Nyi bataudage, iyayi kadadi paha mane mara?" ²⁷ Bale hawei Yesus, "Agawe ai kamoda tubana kadadi ata na dadiwe tabaranai Allah." ²⁸ Nyiwe, Petrus linage, "Etawege, nami ma tanna bedi tangadi nami hadauma mon dokugu Yau." ²⁹ Yesus linage tabarada yidda, " Nauwa luguge katau takkana tabarami, wale wu hingmana ata katanadi ummana,ole ummana, ole baina, ata katuna, waleka anana oro kalingorai Allah, ³⁰ aika hibbawe hada inna haduyo malapta inna ba tauge, mono nimmila, haluguna morha aika dukkana." Takkiwe Tutu Matena Mono Kaddenai Yesus ³¹ Nyiwe, Yesus na ublayi kabullu duda ana hakodo-Na mono linage tabarada yidda," Rangewe,yita kada kako ta Yerusalem mono tangadi hatolha beda tangada Nabi tutu anana kadadi ata enga na banu hoge. ³² Nyi enga yihoyi tabarada ata aika tadayi Allah. Nyi ennga terekahoyi, hama yillayi, mono data rummiyi. ³³ Mono, kole yidda bada paluyi-Nyi, yidda enga hamate dani-Nyi. Ta nyiduwe, ta laddo hatauda wai, Nyi enga kadde haggana." ³⁴ Tabolo, tangada ana hakodo wale da yappak mawe wu ak wali ta hada inna. Agawe ngihige hanewe inna nakabunyiwe tubada yidda dajalage yidda wale da yapak mawe agawe inna hatakkina. Yesus Na Hatagahayi Ata Moro ³⁵ Ba hodi mowe Yesus dikina ta harona Yerikho, dani wu ata moro ka ngodo ta huppu lara hagapege bana ha joladi limmana karai. ³⁶ Kole ata moro nadda rangeyi ata buta kapalaka, nyi naka nukawe agawe kadadi. ³⁷ Mono, ata lidage tabarana, "Yesus wali ta Nazaret tamrana palaka." ³⁸ Nyiwe, ka wula nage ata moro nadda, "Yesus, Anai Daud, manawara kiga nauwa!" ³⁹ Ata ka ullu kako ta aroda ata buta, da banini ata moro nadda mono da halewayi kadanna. Ta nyiduwe, nyi engana kiki waddige kawulana, "Anai Daud, manawara kiga nauwa!" ⁴⁰ Nywei Yesus na ngahu mono naha lewayi ata moro nadda ngidiyi tabara-Na. Kole ata moro nadda daheka, Nyi nakanukayi tabarana, ⁴¹ "Agawe ha kabu atemu harayiGu tabaramu?" Ata moro nadda balehawe, " Mori, nauwa ug kabu atege matagu kana eta haggayi." ⁴² Yesus linage tabarana, "Karaiwula, hetenamu naha tagaha bewu." ⁴³ Inna memma dummo, nyi dadiwe bana eta mono kapunage dokuni Yesus hagapege bana daikayi Allah. Kole ata buta etawer hada inna, yidda dummo da daikayi Allah.