¹ Na sembayang nai Yunus tai Mori,Allahna,lari ta ti kaboko nada. ² Nyi linage,"Lari Ta mayillagu tabaramu Mori,mono Nyi na balehawa nauwa. Wali ta jonga ata kamate nauwa ug kawulawa,mono Yau um range gage ligu. ³ Yau um baita bega nauwa taha dau ka kiddi,ta tillu bannu,mono ora we kilo raga nauwa,tangage ngalung bahha,mono naglunguMu kalubuga nauwa. ⁴ Nauwa luguge,"Nauwa ug ma baita bewa wali ta aro mataMu.Ta nyiduwe ug torro walwe UmmaMu ka tenguna. ⁵ We bannu kalubuga nauwa,kaha hama yillage ngahugu,bannu kama nidora kiloraga nauwa,lumta bannu kataupa gage katau kugu, ⁶ ta pu tangadi letena.Nauwa ug buruwa ta tana lkabukku ka rabba binnana kaha ana murri. Ta nyiduwe,yau um hapanne gage ngahugu ewali ta rowaka mate,o Mori,Allahgu. ⁷ Kole urragu bana joli tabragu nauwa,nauwa ug apewu Mori,mono sembayanggu na dikewe tabraMu,lari ta ummaMu katenguna. ⁸ Yidda ka narrodi ta hala hatau liloko,tanani Nyi kama nudu waige manawaNa. ⁹ Tabolo,nauwa waige lima wai,enga yigu maraka tabaraMu.Agawe ha katukku begu enga bayarage.Hoila duka dahege wali tabarai Mori!" ¹⁰ Mori na yiwe lina ta kaboko nada,dajalage mutani Yunus ta tana yara.