¹ Tanyidawe, Yesus kako nage ta Lete Zaitunna. ² Kokokakge, Nyi na mai wali ta Uma Allah mono tangada ata mai tabraNa. Nyi na ngodo mono ha akkayi yida. ³ Loho Ahli Taurat mono ata Farisi ngidiyi wu lawai pa dikida rayina jala harayina, mono kole hadedyi lawai nada ta tiluna, ⁴ yida lidage tabarai Yesus, "Guru, lawai nade yapayi tamra rayi nage jala harayina. ⁵ Ukku pareha Taurat Musa naharehada yitta lawai nada hatukku dahoyi watu. Dokuge pahangadaMu aga lina dawe tutuge inna?" ⁶ yida da takkiwe katauda dana kaba dani Yesusdajalage yida kadayo puge bada hajalayi Nyi. Tayiduwe, Yesus nayoko mono waidi karaku limaNa, Nyi natolha ta tana. ⁷ Oro yida da hangatani kanukayi Nyi, Yesus dede nage mono linage tabrana yida, "Ata ai karayi hingna jala ta jongami pahaini nyi kapuge tukkuyi watum lawai nad." ⁸ Loho, Yesus yoko wal nage tolha ta tana. ⁹ Kole yida bada rangewe inna, yida kapudage yelana wu-wuyo, wali kahada katuna, mono datanani mehani Yesus, loho lawai nada kadedeho ta tilluna. ¹⁰ Loho, Yesus nadede mono linage talawai nada, "Ta lawai, gikadi yida? walue lakagna kayigu hokuna?" ¹¹ Balehawe lawai nada, "Lakma, Mori."Yesus linage, "Nauwa dumo walegu hokukmagu. Kakowu, mono wali batauge, ilam hilu rayi kana jala." Yesus Magakaha Panu Tana ¹² Bege, Yesus naha newe ta ata buta rada, linage, "Nauwagna magakaha panu tana. Tangana ata kadokuga nauwa walena nakakokma tapagtana, tabolo enga dage magakaha morha." ¹³ Bege, ata Farisi daha newe tabaranai Yesus, "Yu um takkiwe tutu dauMu, inna hatakkiMu wale natenak mawe." ¹⁴ Yesus balehayi yida, linaGe, "Loko Nauwa ug tak duwe tutu tau dauwuGu, hatak kigu inna na tenaweoro nauwa ug tadawegi dau waliGu bagu maiWa mono gi Nauwa dau kakoGu, tabolo mi walem tadak mawe gi dau waliGu nauwa mono gi dau kakoGu nauwa. ¹⁵ Mi yini rakana atadokuge hada kanayo, tayiduwe Nauwa walegu yikmani rakana langka iya hing kayi. ¹⁶ Tabolo, nyi Nauwa ba yikadi rakada, rakada hayigudi inna tenawe oromnauwa aig yimoni rakna wuki ata tabolo oleni Ama kaha lewawa nauwa. ¹⁷ Loho dumo, lari tajurata Tauratumi nama tolhawe inna ha takkana duda ata na tenawe. ¹⁸ Nauwa ug takiwe tutu tau dauGu mono Ama kaha lewawa nauwa takkiwe tutuGu." ¹⁹ Nyidawe, yida naka nuka tabaraNa, "Gi dau walina AmaMu?" Yesus nabalehawe, "Mi aim tda mowa nauwa loho dumo AmaGu, Nyi mi bamu tada hewa Nauwa, mi dumo um tada gani AmaGu." ²⁰ Hatakna inna Yesus naha dikige tabarana kanarrona amaha Nyi ba tamrana ha akkayi ata ta Uma Allah, tabolo lahing mana wu ak ata kayapayi Nyi oro rahiNa walina dikik mahowe. Yesus Naha Newe Tutunai Ama ²¹ Loho, Yesus natak jalawe tabrada yida, "Nauwa enga tana gimi mi mono mi enga mayega miga Nauwa, tabolo mi enga matemi lari ta jala daumi. Ba gi dau kakoGu, mi wale na dadik mawe ba amgimi." ²² Bege, ata Yahudi nada naha newe, "Apa Nyi wale hamate wik kak nage oro Nyi balinage, 'Ba gi Nauwa dau kakoGu, mi walena dadik mawe ba am gimi'?" ²³ Tanyiduwe Yesus linage tabrada yida, "Mi walim bawa, tabolo Nauwa waligu dete. Mi walim tapanu tana inne, tabolo Nauwa wale walik magu tapanu tana inne. ²⁴ Oro batauda innage, Nauwa ug tak gimige tabarami inna mi enga matemi lari ta jalami oro mi aim hatena tabraGu, mi enga matemi lari tadokumi." ²⁵ Loho, yida dakanuka tabraNa, "iyawu Yau?" Yesus balehayi yida, "Nauwa ug tak begemige tabrami wali puge. ²⁶ Na btawe hada tutum miNauwa ha tak hogimi mono rakage, tabolo Nyi kaha lewawa Nauwa nyika tena mono agawe harangegu wali ta Nyi, nyiwe hadikkiGu ta panu tana." ²⁷ Yida waleda yappak mawe nadai Yesus batamrana hanewe dangadi yidda tutui Ama. ²⁸ Nyi batauda dage, Yesus natakkiwe, "Kole mi bamu hamadehtani Anana kadadi ata, neda mema mi enga tada mige Nauwa ba Nyi, mono wale lakma wuak nNauwa harayigu wali ta tau dauGu, tabolo Nauwa ug tak kiwe paha akka nagai Ama tabaraGu. ²⁹ Mono, Nyi kaha lewawa Nauwa naha mera ole dangaga Nauwa, Nyi walena Tanak mehak maga Nauwa oro bagu rayi moge hada kayan nana tabaraNa. ³⁰ Tamranai Yesus tak kiwe tangage inna, buta ata kaha tena tabaraNa. Ananai Abraham Mono Ananai Pajode ³¹ Bege, Yesus naha newe tabara ata Yahudi kaha tena tabaraNa, "Nyi mi bam engana ta liGu, mi tau takka nage ana hakodo gimi, ³² mono miyo enga tada mige katena, mono katena inna enga pahoila nagimi." ³³ Yida da balehawe, "Nami ana suhui Abraham ma mono walema kalla dadikma ba ata paha lewana gama ata langka iya hingkai. Yidawe, aha Yau ma lumuwu, ' mi um hoilami?"' ³⁴ Yesus balehayi yida, "Tau taka nage, tangana ata karayina jala yikna atana jala. ³⁵ Wu ata paha lewana ata walena enga hakitak mana lar taumma, tabolo anana enga hakitana taumma. ³⁶ Nyiwe, nadai ana bana pahoilami, mi hoila takka mige. ³⁷ Nauwag tadawe mi ana suhui Abraham mumi, tabolo mi kamagge hamatewa Nauwa oro paha akkaGu ai da hadauge tamiyo. ³⁸ Nauwa ug tak gimige tutu hada ha eta beGu oleni AmaGu, tauda dumo nage mi um rayige hada harange bemi wali ta Amagu." ³⁹ Yida da baleha mono daha newe tabaraNa, "Abraham yikna Amama nami."Bale hawei Yesus, "Nyi mi ba ana huhui Abraham kam, doku dage mi um rayi dahoge inna harayinai Abaraham, ⁴⁰ Tanyiduwe, mi um karuhuwe ha matewa Nauwa, ata katak gimige katena, ha rangegu wali tai Allah. Abraham walena rayik mage inna. ⁴¹ Nyiwe, mi duka dahege bamu rayigeagawe harayina ama daumi." Yida lidage tabraNa, "Nami wale hadadik magama wali tahada jala kadadi ata. Nami dani wu Ama, halinawe Allah." ⁴² Yesus linage tabrada yida, "Nyi Allah ba Ama mini, mi enga manawara miga Nauwa oro Nauwa amiga mono wali tai Allah. Mono, nauwa ug maiwa wale hakabu ate dau maguGe, tabolo kaha lewaWa Nauwa. ⁴³ Agawe oroge mi walemi yapawe agawe ha takkigu? Inna oro mi aina dadiwe rangewe liGu. ⁴⁴ Mi um walim ta amami, halinawe kabalka mono mi kabu atege rayige tangadi hakbu atena Amami. Nyi yikna kaha mate olena wali puge mono ai kanarroge katena oro wale lakma katena lar ta tauna. Nyi nyi bana kapalekaka, nyi na tak kiwe wali ta hada dauna oro nyi yikna kapaleka mono ama na paleka. ⁴⁵ Tanyiduwe, oro Nauwabagu takkiwe katena tabarami, mi walem hatenak mami tabaraGu. ⁴⁶ Iyayi tajogam mi kadadiwe takkiwe inna nauwa jala? Nyi bagu tak kawe katena, aha mi walem hatena tabaraGu? ⁴⁷ Iya hingkayi kawali tai Allah, nyi na rangewe liyo wali tai Allah; inna nyi oroge mi walem rangewe oro mi aim wali tai Allah." Naha Newege Tutu Tauna Mono Abraham ⁴⁸ Ata yahudi balehayi Yesus mono naha newe tabaraNa, "Tenawe inna nami bama tak kawe inna Yau ata Samaria mono Yau tama nagu wadi japata?" ⁴⁹ Yesus nabalehawe, "Nauwa walna tamak maga wadi japata, tbolo Nauwa ug ha akani AmaGu, tabolo mi walem ha akak maga Nauwa. ⁵⁰ Tayiduwe, Nauwa walegu mayegak mana manadana tuba taugu;dani wu kama yegani mono kayini rakana. ⁵¹ Waige katau takkana, Nauwa luguge tabrami, tangana ata kadoku gage liGu, nyi walna kal etak mawe inna mate." ⁵² Ata Yahudi rada lidage tabrai Yesus, "Batauge nami matadawe Yau batma nagu wadi japata! Oro, Abraham mono tangada Nabi dumo da matebe. Tabolo, Yau um takkiwe, ' tangana ata dokoge LiGunyi wal na kal padak mage mate. ' ⁵³ Apa Yau rehi madaka howu wali tai Abraham, amama nami, kamtebe? Tangada Nabi dumo da matebe; iya dahoyi Yau dau hamera wikiMu?" ⁵⁴ Yesus na balehawe, "Nyi Nauwa bagu hamanadawe tau dauGu, MandaGu inna lakma gauge; AmaGula kaha manadawa Nauwa, loho tubana miyo um takiwe, 'nyi Allah manami."' ⁵⁵ Tabolo, mi walem tadak mayi Nyi, tabolo Nauwa ug tadayi Nyi; nyi nauwa bagu takkiwe tadai Nyi, Nauwa enga daidigu paleka, katujana mi, tabolo Nauwag tadayi Nyi mono Nauwa dokuge liNa. ⁵⁶ Amami, Abraham, lagahara oro nyi enga eta nani ladoGu. Nyi naetabeyi mono nalagaharabe." ⁵⁷ Loho, ata Yahudi rada dahanewe tabraNa, "Lado morhamu wale lima kabul dau mahomu, tabolo Yau um ete beyi Abraham?" ⁵⁸ Yesus naha newe tabrada yida, "Tau takka nage Nauwa ug tak guge tabarami, ai dahoni Abaraham, Nauwa dabega." ⁵⁹ Oroge inna, yida dangala watu tutu tukuyi Nyi, taboloi Yesusna kabunyige tauNa mono ija kage Uma Allah.