Weyo Na Dadi Anggur ¹ Ta lado katauna, dage haula Ha umana ta Kana, Galilea, mono Inyanai Yesus dani neda bali. ² Yesus mono ana ha kodoNa kalehi dumodi taha ula haumana inna. ³ Kole we anggur dukadi, Inyanai Yesus linage tabaraNa, "Yida dukadi we anggurda." ⁴ Yesus na Balehawe, "Lawiyo, agawe duwuge tabadaraGu? Rahige walna diki mahowe." ⁵ Inyanai Yesus linage tabara ata paha lewa, "Aga hing kawe hatakNa tabarami, rayigela. " ⁶ Neda bali, dadi anni hajalu watu, kal damma hawaida ata Yahudi bs dikige rahi hamuraha waikina. Diha-diha hajalu rada batutu kayi duda waleka tauda yarro weyo. ⁷ Yesus linage tabara ata paha lewa, "Hangihidi hajalu rada we kaha bana bannudi. ⁸ Bege, Yesus linage tabarada yida, "Batuge, ngalawe hodik mono ngidiwe tabra mori mullang haula inna." Loho, yoda da ngidiwe ta mori mullang ha ulla. ⁹ Kole moro mullang ha ulla inna na jalliwe ha balibe anggur inna, mono nyi walena tadak mawe gi dau walige ( tabolo ata halewa ka nagalawe we rada da tadawe), yiwe moro mullang ha ulla nada na maikani nada kabani kaha umana, ¹⁰ mono linage tabarana, "Tangana ata naha inyaka ulluyi we anggur kadaha mono kole tangada bana uladi ha enu, ub naha inya kayi anggur ai kadaha takka. Tabolo, yau um ijalayi anggur kadaha kaha batuge. " ¹¹ Tada kawungana harayina Yesus ta Kana, Galilea, mono naha dedoge manadaNa, mono anaha kodoNa naha hatena tabaraNa. ¹² Bana bewe inna, Yesus na buru ta Kapernaum oledi inyana, anguwuNa, mono ana hakodoNa. Yida engana neda bali kapira ladona. Yesus Ta Umma Allah ¹³ Dikige lado madaka Paskah ata Yahudi bana dahekawe, mono Yesus dumo panne ta Yerusalem. ¹⁴ Ta Umma Allah, Nyi na etayi ata bada malajana hapi, bebe, mono takukku maupa, loho ata katukkara amaha ngodo neda bali. ¹⁵ Yesus na rayina palu wali ta kalari mono na wuggayi yida tangada huna wali ta Umma Allah, gaudi tangada bebe mono hapida yida. Nyi dumo na baita amaha baihida ata katukkara amaha mono nakabliyi mejada yida. ¹⁶ Yida kadagana takukku maupa, Yesus linage, "Hu ngidi kahayi rade wali inne! Ilamu habali ka gage umma Amagu hadau dagana!" ¹⁷ Ana hakodoNa da apewe badage kama tolha : "Manawarage inna UmaMu, na hakarhaga Nauwa." Mazmur. 69:10 ¹⁸ Bege, ata Yahudi da balehawe mono lidage tabraNa, "Tada agawe yau hatingoMu tabarama nami dajalage Yau mamu dauge rayige hada rada?" ¹⁹ Yesus na balehayi yida, "Ha mukkage Umma Allah inne mono tauda lado hege Nauwa ug hakade haggawe." ²⁰ Yida da balehawe, "Pata kabulu anni dau dahoge tutu hakadewe Umma Allah inne, mono Yau um hakadewe katauda lado kina?" ²¹ Tabolo, Yesus ha kabu atena Umma Allah wale agak mawe tau dauNa. ²² Oro bataudage, kolei Yesus bana kade wali ta jonga ata mate, ana hakodoNa da apewe hanewe inne; mono yida Daha tenawe ta jurata bihha mono hanewenai Yesus hatakNa. ²³ Kole Yesus ba dani ta Yerusalem ba enga hoge namu lado Pasakah, buta ata hatena lari tangaraNa oro etawe tada parayiNa. ²⁴ Ta nyiduwe, Yesus dawu wale naha tenakmawe tauNa tabarada yida oro Nyi bana tada kahayi ata, ²⁵ mono walena na kabu atekmana langka iya hingkayi tutu yiwe padela kadadi ata oro Nyi tadawe gawe kadana ta ate ata.