Yesus Na Sembayang Tutu Ana Hakodona ¹ Yidayi hataknai Yesus, bege Nyi nata tangara ta langta mono linage, "Ama, rahige ba diki kanage, hamanadai AnaMu dajalage AnaMu kan adadiwe hamanadau Yauwu, ² Kaha mera Yau bamu yibe nage Nyi kawaha ta tangada ata, dajalage tangana Yau ha yibemu tabaraNa, Nyi dadiwe bana yiwe morha ai kadukana. ³ Inne yiwe morha aikadukana, haluguna inna yida bada tadawu Yau, duka wuheyi Allah katena, mono tadayi Kristus Yesus paha lewa bemu Yau. ⁴ Nauwa ug hamanadawu Yau ta panu tana waige bamu bewe haula ha yimuGa tabaraGu tutu haulaGu. ⁵ Mono batauge, o Ama, hamanadawa Nauwa bagu olegu waige manada ha dawu danga guGu ai dahoge panu tana. ⁶ Nauwa ug hadedo beguge ngaraMu tabara ata Yau hayimu tabaraGu wali panu tana inne. Yida rada Daumudi mono Yau um yibeyi yida tabaraGu, mono yida dumo da doku bege liMu. ⁷ Batauge, yida da tadawetangage Yau hayimu tabaraGu walige ta Yau. ⁸ Oro, Nauwa ug yibewe limu yau hayimu tabaraGu, mono yida kahiba bewe loho katada takka we inna Nauwa wali ta Yau, mono yida kaha tena inna Yau kaha lewawa Nauwa. ⁹ Nauwa ug sembayangna tut yida, Nauwa walegu sembayang mana tutu panu tana, tabolo tut yida Yau ha yibe muga tabaraGu; oro, yida badaumuDi. ¹⁰ Tangadi hadawuGu, mono tangadi Yau hadau wumu yikdana dauGu;mono Nauwa ug hamanada beyi lar tangadi rada. ¹¹ Nauwa wali hilu ta panu tanak mawa inne, tabolo yida kadahaona ta panu tana inne, mono Nauwa amga tabaraMu. Ama Katenguna, jawayi yida neda lar tangaraMu, ngara ha yibemu Yau tabaraGu, dajalage yida kada dadi wuyi tauna Yitta. ¹² Katauna mojana bagu oledi yidda, Nauwa ug jawa beyi yida lar tangaraMu ha yibemu Yaau yabaraGu. Nauwa ug jawa beyi yida lakma wuak ata wali tayida kabunga likena ananai kaliloko, daja lage Jurata Biha ba panuwe. ¹³ Tabolo Batauge, Nauwa enga amiga tabaraMu;mono tangadi rada ug takiyi taa panu tana inne daja lage yida kada dauge lagaharaGu kabanuna ta tauda yida. ¹⁴ Nauwa ug yibewe Limu tabarada yida, mono panu tana butudi ate yida oro yida aida walimo ta panu tana, katujana Nauwa aig waliwa ta panu tana. ¹⁵ Nauwa waleg karai Mawu tut ngalayi yida tapanu tana, tabolo kam hamawodi yida wali taka japata. ¹⁶ Yida wale walik mada ta panu tana, katujana Nauwa aig waliwa ta panu tana. ¹⁷ Hamurahadi yida lari ta katena; Limu yikwe katna. ¹⁸ Katujana Yau bamu halewawa Nauwa tapanu tana, tau dajala nage Nauwa bagu halewayi yida ta panu tana. ¹⁹ Tutu yida, Nauwa ug hamuraha bege tauGu dajalage yida dumo paha mura hayi lar katena. ²⁰ Nauwa wale yikel mawe bagu sembayang yuy yida, tabolo dumo tutu ata kaha tena tabraGu ledege patalarada yida, ²¹ dajalage yida tangada kawuyi, katujana Yau, o Ama, neda lar ta Nauwa mono Nauwa lar ta Yau;dajalage yida dumo kada dai wuyo neda lar tayitta dajalage panu tana hatenawe inna Yaula kaha lewabewa Nauwa. ²² Manadana ha yibemuGa tabaraGu, ugu yibewe tabarada Yida daja lage yida kawuyi, katujana Yau mono Nauwa bawuwe. ²³ Nauwa lar tayida mono Yau lar ta Nauwa, dajalage yida kawuyi katige. Waige kataudana, panu tana enga tada nage inna Yaula kaha lewawa Nauwa, mono inna Yau manawaradi yida, katujana Yau manawaraGa Nauwa. ²⁴ O Ama, Nauwa ug kabu atege inna Yida, Ha yibemuGa tabaraGu, da ole jalaGa ba giga dau Daga, dajalage yida kada etawe manadaGu, ha yibemu tabaraGu, oro Yau manawaraga Nauwa aina kawunga howe panu tana. ²⁵ O Ama katijana, loko panu tana aina tada duwu Yau, tabolo Nauwa ug tadawu Yau;mono yida da tadawe ba Yaula kaha lewawa Nauwa. ²⁶ Nauwa ug taki bedage ngaraMu tabarada yida mono enga takki hakita dage dajalage manawara wige Yau bamu manawaraGa dage lar tayida, mono Nauwa daga lar tayida."